شي جينپيڭ 6 - كەزەكتى جۇڭگو - رەسەي ەنەرگيا ساۋدا تالقى مىنبەرىنە قۇتتىقتاۋ حاتىن جولدادى

شينحۋا اگەنتتىگى، 7 ـ ايدىڭ 23 ـ كۇنى، بەيجيڭ. 7 ـ ايدىڭ 23 ـ كۇنى مەملەكەت ءتوراعاسى شي جينپيڭ 6 ـ كەزەكتى جۇڭگو ـ رەسەي ەنەرگيا ساۋدا تالقى مىنبەرىنە قۇتتىقتاۋ حاتىن جولدادى.

شي جينپيڭ مىنالاردى اتاپ كورسەتتى: بيىل − جۇڭگو مەن رەسەيدىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى. ەكى جاقتىڭ بىرگە قۇلشىنۋىندا، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم – قاتىناسى زور تەبىنمەن العا باسىپ، ەكى ەلدىڭ ەنەرگيا سەلبەستىگى كۇن سايىن پىسىپ ـ جەتىلىپ، ورنىقتى، مىعىم بولىپ، ەكى ەل حالىقتارىنا ناقتى پايدا جەتكىزدى. جاڭا تاريحي باستامادا جۇڭگو جاق رەسەي جاقپەن بىرگە ەنەرگيا سالاسىنداعى ءوزارا ءتيىمدى سەلبەستىكتى ۇزدىكسىز ىلگەرىلەتىپ، ەنەرگيا كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعى مەن توزىمدىلىگىن قورعاپ، دۇنيە ءجۇزىنىڭ ەنەرگيا كاسىبىنىڭ اناعۇرلىم پارمەندى، جاسىل، اقاۋسىز دامۋىن ىلگەرىلەتۋگە ۇلەس قوسۋدى قالايدى.

سول كۇنى رەسەي فەدەراتسياسىنىڭ زۇڭتۇڭى پۋتين دە 6 ـ كەزەكتى جۇڭگو ـ رەسەي ەنەرگيا ساۋدا تالقى مىنبەرىنە قۇتتىقتاۋ حاتىن جولدادى.

كەلۋ قاينارى: حالىق تورابى