جۇڭگو دەنە تاربيە ۋاكىلدەر ۇيىرمەسى ”اۋا تەڭشەگىش پەن توسەنىشتى وزدەرى الىپ بارادى ەكەن“ دەگەن سياقتى قاۋەسەتكە تويتارىس بەردى 

شينحۋا اگەنتتىگىنىڭ ءتىلشىسى ۋاڭ حىڭجى، ليۋ ياڭ 7 – ايدىڭ 24 – كۇنى پاريجدان حابارلايدى. پاريج وليمپياداسىنا قاتىناساتىن جۇڭگو ۋاكىلدەر ۇيىرمەسى 7 – ايدىڭ 24 – كۇنى ينتەرنەت ارقىلى اقپار جاريالاۋ جيىنىن اشىپ، جۋىردا ينتەرنەتتە تاراعان ”وليمپيادا اۋىلىنداعى اۋا تەڭشەگىشتى ۇيىرمەلەر وزدەرى ورناتادى ەكەن“، ”جۇڭگو ۋاكىلدەر ۇيىرمەسى توسەنىشتى وزدەرى الىپ بارىپتى“ دەگەن سياقتى قاۋەسەتتەرگە تويتارىس بەردى، ۋاكىلدەر ۇيىرمەسىنىڭ باس حاتشىسى جاڭ شيننىڭ ايتۋىنشا، وليمپيادا اۋىلى جىلجىمالى اۋا تەڭشەگىشتى مايعا بەرۋ قىزمەتىمەن قامدايدى، ۋاكىلدەر ۇيىرمەسى اۋا رايىنىڭ جاعدايىنا قاراي وتىرىپ، مايعا الىپ پايدالانۋدى وزدەرى ويلاستىرادى، اۋا تەڭشەگىشتى وزدەرى الىپ بارىپ ورناتىپتى دەگەن ءسوز، شىنىمەن دە، جالعان، ۋاكىلدەر ۇيىرمەسىندەگىلەر تۇگەلدەي وزدەرى توسەنىش الىپ بارىپتى دەگەن ءسوز دە جالعان.

قازىر جۇڭگو ۋاكىلدەر ۇيىرمەسىنىڭ ۇيىرمە شتابى مەن 20 عا جۋىق بولىمشە كوماندالار وليمپيادا اۋىلىنا ورنالاسىپ بولعان، جاڭ شين وليمپيادا اۋىلىنداعى تاماقتانۋ جانە ازىق – تۇلىك شارت – جاعدايى مەن ۋاكىلدەر ۇيىرمەسىنىڭ دايىندىق جاعدايىن تانىستىردى. ول ءار رەتكى وليمپيادانىڭ بارلىعىندا حالىقارالىق وليمپيادا كوميتەتى مەن جارىستى ۇيىمداستىرۋ كوميتەتىنىڭ دۇنيە ءجۇزىنىڭ جەر – جەرىنەن كەلگەن سپورتشىلارعا تاماشا قىزمەت وتەيتىنىن ايتتى. ول: جۋىرداعى بىرنەشە رەتكى وليمپيادامەن سالىستىرعاندا، پاريجدەگى وليمپيادا اۋىلىنىڭ ازىق – تۇلىك، جاتىن ورىن شارت – جاعدايى مەن تۇرمىستىق ورتاسى، جاتتىعۋ، جارىس، الاڭ – ساراي، قاتىناس قاتارلى جاقتارداعى قىزمەت وتەۋى تۇگەلدەي وزىندىك ەرەكشەلىككە يە، الايدا، نەگىزگى ولشەمى سوندا دا بىركەلكى“ دەدى.

سۋرەتتە: 7 – ايدىڭ 23 – كۇنى، جۇڭگو ايەلدەر ءزايتۇن دوپ كومانداسى پاريج وليمپيادا اۋىلىنداعى جاتاقحانادان شىعىپ، جاتتىعۋعا دايىندالۋدا. شينحۋا اگەنتتىگىنىڭ ءتىلشىسى حۋ حۋحۋ فوتوسى

كەلۋ قاينارى: حالىق تورابى