تاڭداۋلى ءداستۇردى ساۋلەلەندىرىپ، رەفورما جاساپ، جاڭالىق اشۋعا تاباندى بولىپ، ەكونوميكالىق، قوعامدىق دامۋعا قىزمەت وتەپ، ەكى جاعالاۋدىڭ اۋىس ـ كۇيىسىن، سەلبەستىگىن جەبەۋدە بەلسەندى رول اتقارۋ كەرەك

شينحۋا اگەنتتىگى، 7 ـ ايدىڭ 24 ـ كۇنى، بەيجيڭ. شيامىن اۆياتسيا شەكتى سەرىكتەستىگى قۇرىلعاندىعىنىڭ 40 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا شيامىن اۆياتسيا سەرىكتەستىگىندەگى بارلىق قىزمەتكەرگە جاۋاپ حات جازىپ، ولاردى قىزۋ قۇتتىقتادى ءارى شىنايى ءۇمىت ارتتى.

شي جينپيڭ جاۋاپ حاتىندا بىلاي دەدى: مەن شيامىندا قىزمەت ىستەگەن كەزىمدە شيامىن اۆياتسيا سەرىكتەستىگىنىڭ العاش قۇرىلۋىنا ات سالىستىم، 40 جىلدان بەرى سەرىكتەستىكتىڭ ەسەيىپ ـ ەرجەتۋىنە نازار اۋدارىپ كەلەمىن. قازىر قۇر قول شاڭىراق كوتەرگەن شيامىن اۆياتسيا سەرىكتەستىگىنىڭ قارىشتاپ دامۋدى جۇزەگە اسىرعانىن كورىپ ءسۇيىندىم.

شي جينپيڭ مىنالاردى باسا دارىپتەدى: جاڭا ءداۋىر، جاڭا جورىقتا سىزدەردىڭ تاڭداۋلى ءداستۇردى ساۋلەلەندىرىپ، رەفورما جاساۋعا، جاڭالىق اشۋعا تاباندى بولىپ، وزەكتى باسەكەلىك قۋاتتى كۇشەيتىپ، حاۋىپسىزدىكتىڭ تومەنگى شەگىن بەكەمدەپ، ەكونوميكالىق، قوعامدىق دامۋعا قىزمەت وتەۋ، ەكى جاعالاۋدىڭ اۋىس ـ كۇيىسىن، سەلبەستىگىن جەبەۋ جاعىندا بەلسەندى رول اتقارىپ، حالىقتىق اۆياتسيا كاسىبىنىڭ جوعارى ساپالى دامۋىن ىلگەرىلەتۋگە، قاتىناستا قۋاتتى ەل قۇرۋعا اناعۇرلىم كوپ كۇش قوسۋلارىڭىزدى ءۇمىت ەتەمىن.

شيامىن اۆياتسيا شەكتى سەرىكتەستىگى 1984 - جىلى 7 - ايدا قۇرىلعان، ەلىمىزدەگى تۇڭعىش وسىزامانعى كاسىپورىن ءتۇزىمى بويىنشا جۇمىس جۇرگىزەتىن اۆياتسيا سەرىكتەستىگى. شيامىندا قىزمەت ىستەگەن كەزدە شي جينپيڭ العاش قۇرىلۋ كەزەڭىندە تۇرعان شيامىن اۆياتسيا سەرىكتەستىگى ءۇشىن كوپتەگەن قيىن ماسەلەنى سايكەستىرىپ شەشتى ءارى شيامىن اۆياتسيا سەرىكتەستىگىنىڭ رەفورماسىنا، دامۋىنا باستان ـ اياق قامقورلىق جاساپ، جەتەكشىلىك ەتتى. قازىر شيامىن اۆياتسيا سەرىكتەستىگىنىڭ ەل ءىشى ـ سىرتىنداعى اۋە جولى 400 دەن اسىپ، جىلدىق جولاۋشى تاسىمال مولشەرى 40 ميلليون ادام ـ رەتكە جەتىپ، ۇشۋ حاۋىپسىزدىگىندەگى بەس جۇلدىزدى سيلىق، جۇڭگو ساپا سيلىعى سياقتى داڭقتارعا يە بولدى. تاياۋدا شيامىن اۆياتسيا سەرىكتەستىگىنىڭ بارلىق قىزمەتكەرى باس شۋجي شي جينپيڭگە حات جازىپ، سەرىكتەستىك قۇرىلعان 40 جىلدان بەرى رەفورما جاساپ، جاڭالىق اشۋعا سۇيەنىپ قول جەتكىزگەن دامۋ تابىستارىنان مالىمەت بەرىپ، اۋەلگى ماقساتتى ۇمىتپاي، باتىلدىقپەن رەفورما جاساپ، سەرىكتەستىكتى الۋەتتەندىرۋگە، ساپالىلاندىرۋعا، ۇلعايتۋعا قۇلشىنىپ، بۇعازدىڭ ەكى جاعالاۋىنىڭ توعىسپالى دامۋىنا بەلسەنە دەم بەرۋ بەكىمدەرىن بىلدىرگەن بولاتىن.

كەلۋ قاينارى: حالىق تورابى