شيۇڭ - اندا ”ءبىر تاڭبانى سوڭىنا دەيىن باسقارۋ“ رەفورماسىنا نازار سالۋ (وسىزامانداندىرۋدى كوزدەپ، رەفورمانى ونان ارى تەرەڭدەتۋ)

كىرىسپە

پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى 2024 – جىلى 7 - ايدىڭ 15 - كۇنىنەن 18 - كۇنىنە دەيىن بەيجيڭدە وتكىزىلدى. باس شۋجي شي جينپيڭ «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى» جونىندەگى تۇسىنىگىندە: «جۇڭگو ۇلگىسىندەگى وسىزامانداندىرۋ جوباسىن رەالدىققا اينالدىرۋ كەرەك، مۇنىڭ ءتۇبىرلى نەگىزى رەفورمانى اناعۇرلىم جاپپاي تەرەڭدەتىپ، ءارقايسى جاقتاعى ءتۇزىلىس، مەحانيزمدى ۇزدىكسىز كەمەلدەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تۇزىمدىك كەپىلدىك ازىرلەۋ» دەپ اتاپ كورسەتتى.

گازەتىمىز بۇگىننەن باستاپ ”وسىزامانداندىرۋدى كوزدەپ، رەفورمانى ونان ارى تەرەڭدەتۋ“ ارناۋلى ايدارىن اشىپ، رەداكتور، تىلشىلەر ورگان، اۋىل - قىستاق، الەۋمەتتىك اۋماق، مەكتەپ، شيپاحانا، كاسىپورىن سياقتى نەگىزگى ساتىنىڭ ءبىرىنشى شەبىنە بارىپ، نازاردى جالپى ءماجىلىس رۋحىنىڭ تەرەڭ تامىر تارتۋىنىڭ جاندى امالياتىنا شوعىرلاندىرىپ، رەفورما جاساپ، ەسىك اشۋدىڭ حالىق بۇقاراسىنا اكەلگەن ناقتى تابىس سەزىمىن شاعىن تۇيىندەرگە نازار سالۋ تۇرعىسىنان حابارلاپ، قالىڭ پارتيالى كادرلار مەن بۇقارانىڭ قايراتتانا العا ۇمتىلىپ، رەفورما جاساپ، ەسىك اشۋ ىستەرىنە بەلسەنە ات سالىسۋ رۋحاني بەت ـ بەينەسىن ايگىلەيدى.

اكىمشىلىك تەكسەرىپ بەكىتۋ ءتارتىبىنىڭ رەفورما نەگىزىندە ساپالىلانۋى جەتىلىپ كەلە جاتقان شيۇڭ - ان جاڭا رايونى قۇرىلىسىنىڭ كۇن سايىن تۇلەجۋىنە مۇمكىندىك بەردى.

”ءبىر اي ىشىندە جەر الۋدان باستاپ جەردى تەگىستەۋگە، توپىراق قازۋعا دەيىن قىرۋار جۇمىس تىندىرىلدى، قارقىننىڭ تەزدىگىن ەلەستەتۋ قيىن“. 7 ـ ايدىڭ 23 ـ كۇنى جۇڭگو جۇڭحۋا سارايىنىڭ الدىڭعى مەرزىمدىك قۇرىلىس قىزمەتىنە جاۋاپتى جاڭ يۇيپىڭ تىلشىگە تەبىرەنە وسىلاي دەدى. بيىل 3 ـ ايدا عيماراتتىڭ توبەسى جابىلدى؛ 6 ـ ايدا ەڭ سوڭعى قۇرىلىس بولشەكتەرى ورناتىلىپ بولدى؛ قازىر ىشكى بولەگىن اشەكەيلەۋ 25 - قاباتقا جەتتى.

”ويلاپ جەتە المايتىنى“ قۇرىلىس قارقىنى عانا ەمەس، اكىمشىلىك تەكسەرىپ بەكىتۋ دە تەزدەدى. قارقىننىڭ تەزدەۋى ”ءبىر تاڭبانى سوڭىنا دەيىن باسقارۋ“ سىندى اكىمشىلىك تەكسەرىپ بەكىتۋ ءتۇزىمى رەفورماسىنان باستاۋ الادى.

شيۇڭ - ان جاڭا رايونىنىڭ ماڭدايعا باسار قۇرىلىسى دەپ اتالعان جۇڭگو جۇڭحۋا عيماراتىنىڭ بيىكتىگى 150 مەتر، جاڭا رايونداعى ەڭ بيىك عيمارات. بۇرىنعى داعدى بويىنشا، وسىنشاما ۇلكەن ينجەنەريانىڭ قۇرىلىس جۇرگىزۋىنە رۇقسات ەتۋگە كەمىندە جارىم جىل كەتەتىن، ”بارلىق ماتەريال − قۇرىلىس چەرتوجى، قۇنىتتاپ قۇراستىرىلعان چەرتوج، ماشينا ـ ەلەكتر، باۋ ـ باقشا، كورىنىس سياقتىلاردىڭ بارلىعى تولىق بولعاندا عانا جۇمىس باستاۋعا بولادى“ دەدى نىسان اشۋ قىزمەتكەرى.

شيۇڭ - ان جاڭا رايونىن جوعارى ولشەممەن، جوعارى ساپامەن قۇرۋ − جاڭا داۋىردەگى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ ءبىر رەتكى كەلەلى ستراتەگيالىق ورنالاستىرۋى. تەكسەرىپ بەكىتۋ ۋاقىتى ۇزاق، بارىسى كوپ بولۋ شيۇڭ - ان جاڭا رايونى قۇرىلىسىنىڭ قارقىنىنا ءبىر مەزەت ىقپال جاسادى.

تەكسەرىپ بەكىتۋدى قايتكەندە تەزدەتۋگە بولادى؟ شيۇڭ - ان جاڭا رايونى ”رەفورما“ دەپ جاۋاپ بەردى: ”جەر الا سالىپ جۇمىس باستاۋ“، قۇرىلىس جۇرگىزۋ رۇقساتىن ساتىعا ءبولىپ تەكسەرىپ بەكىتۋ شاراسى اتقارىلدى. رەفورمانىڭ ماڭىزدى ءتۇيىنى ءۇي قۇرىلىسى ينجەنەرياسى مەن جەرگىلىكتى جەردەگى جۇمىسى كوپ قالا ىستەرى ينجەنەرياسىندا ورىستەتىلدى: الدىمەن مەردىگەر شاقىرىپ، توپىراق قازۋ، نەگىزگى شۇڭقىردى قورعاۋ، جاۋىن - شاشىن ينجەنەرياسى، قۇرىلىس جۇرگىزۋگە دايىندالۋ حاتىن الىپ، نەگىزگى تۇلعالىق قۇرىلىسقا جاتپايتىن قۇرىلىستى اشۋعا بولادى؛ ونان سوڭ قۇرىلىس جۇرگىزۋ شارت - جاعدايى پىسىپ - جەتىلسە، قۇرىلىس جۇرگىزۋ رۇقساتىن سول جەرگە بەكىتىپ، قۇرىلىس ءۇشىن قىزمەت وتەۋدى، قۇرىلىس قارقىنىن تەزدەتۋدى شىن مانىندە جۇزەگە اسىرۋ كەرەك.

شيۇڭ - ان جاڭا رايونىندا قۇرىلىس جۇرگىزۋ رۇقساتى دا ءداستۇرلى ماعىناداعى ”قۇرىلىس جۇرگىزۋ رۇقساتى“ ەمەس، قايتا ءۇي قۇرىلىسى، قالا ىستەرى، سۋ يگىلىگى، تاس جول، سۋ تاسىمالى، باۋ - باقشا سياقتى كوپتەگەن كاسىپ سالاسىنىڭ ەرەجەسى ۇقسامايتىن، رەسمياتى ۇقسامايتىن رۇقساتتاردى ءبىر جەرگە شوعىرلاندىرىپ، ءبىر تۇتاس ولشەم قالىپتاستىرۋى بولىپ تابىلادى. ”ەندىگارى كوپ تاراۋعا بارىپ كوپ رۇقسات الۋدىڭ قاجەتى جوق، قازىر قۇرىلىس ينجەنەرياسىندا قۇرىلىس جۇرگىزۋ رۇقساتىن الساق بولدى“ دەدى جاڭ يۇيپىڭ.

وسىنشاما كوپ ۇقساماعان كاسىپتەردى قالاي سايكەستىرۋ كەرەك؟

2020 - جىلى شيۇڭ - ان جاڭا رايونىنا بارىپ قىزمەت ىستەگەن لۋ چۋانيان وسىنداي ”ىقشام، جوعارى ءونىمدى“ ۇيىمدىق قۇرىلىمدى تۇڭعىش رەت كوردى. ونىڭ قىزمەت ورنى قۇرىلىس جانە قاتىناس باسقارۋ مەكەمەسى، كاسىبى قالا - اۋىل قۇرىلىسى، جالپىلىق قاتىناس، سۋ يگىلىگى، سۋ ىستەرى، قالا ىستەرى باۋ - باقشاسى، قالا باسقارۋ قاتارلىلاردى قامتيدى. كوپتەگەن سالالاردا، ۇقساس تاراۋلاردا رۇقساتتى تەكسەرىپ بەكىتۋ بىرىكتىرىلدى.

بىرىكتىرىلگەنى قۇرىلىس جانە قاتىناس باسقارۋ مەكەمەسى عانا ەمەس. شيۇڭ - ان جاڭا رايونىنىڭ باسىم كوپ ساندى اكىمشىلىك رۇقسات ۇقىعى الەۋمەتتىك قىزمەت وتەۋ مەكەمەسىنىڭ ءبىر تۇتاس جۇرگىزۋىنە شوعىرلاندى، شيۇڭ - ان جاڭا رايونىنىڭ اكىمشىلىك قىزمەت وتەۋ ورتالىعىندا بارلىق تەكسەرىپ بەكىتۋ فۋنكتسيالىق تاراۋى تۇگەلدەي جايعاسىپ، 824 ءتۇرلى اكىمشىلىك قىزمەت وتەۋ ىسىندە ”ەنگىزۋگە تيىستىلەرىن، ءسوز جوق، ەنگىزۋ“ جۇزەگە اسىرىلدى. زالدا، تەرەزەنىڭ الدىندا، ءىس جۇرگىزۋشىلەر ماتەريال قابىلداۋمەن عانا شەكتەلمەيدى، ولار ءارقايسى فۋنكتسيالىق تاراۋ جاعىنان جىبەرىلىپ، ءتۇرلى تەكسەرىپ بەكىتۋ تارتىبىنە قانىق بولادى، قابىلداۋدان بىتىرۋگە دەيىن ورتالىقتان شىقپايدى، ”ءبىر تاڭبانى سوڭىنا دەيىن باسقارادى“، ءبىر ءىستى جوعارى ونىمدىلىكپەن تىندىرادى. قازىرگە دەيىن شيۇڭ - ان جاڭا رايونىنىڭ اكىمشىلىك قىزمەت وتەۋ ورتالىعى 80 مىڭ رەتتەن استام تاڭبا باستى.

كوپتەگەن تەرەزەنىڭ ىشىندە قارجى قوسۋ، قۇرىلىس نىساندارىن جان ـ جاقتى قابىلداۋ تەرەزەسى وتە قاربالاس.

بىرنەشە جىلدان بەرى قۇرىلىس نىساندارىن تەكسەرىپ بەكىتۋ بارىسى كوپ رەت ميكرو رەتتەۋدى باستان كەشىردى، لۋ چۋانيان رەفورمانىڭ تەرەڭدەگەنىن كوردى: ورتالىق تۇيىندە سىناق ەتۋگە ۇقىق بەردى، ۋادە بەرۋ تۇزىمىندە، جوبالاۋ جوباسىن تەكسەرۋ پىكىر حاتى مەن قۇرىلىس جۇرگىزۋگە دايىندالۋ حاتىن ءبىر كۇندە الۋعا بولادى، بۇرىنعى كوپ جاقتىڭ دايىندىق رەسمياتتەرىمەن سالىستىرعاندا، كەمىندە 7 كۇن ۋاقىت ۇنەمدەيدى؛ قۇرىلىس ساپاسىن باقىلاۋ سياقتى 3 ءتۇرلى ۇقتىرۋ قاعازى مەن قۇرىلىس جۇرگىزۋ رۇقسات كۋالىگى قاتار الىنىپ، كەمىندە 10 كۇن ۋاقىت ۇنەمدەلەدى...

تەكسەرىپ بەكىتۋ قارقىنى تەز، قۇرىلىس ساپاسى جاقسى بولۋ كەرەك. ساپانى باقىلاۋ ـ باسقارۋدى كۇشەيتۋدە رەفورما جاساۋعا، جاڭالىق اشۋعا سۇيەنۋ كەرەك. شيۇڭ - ان جاڭا رايونىندا ساپانى باقىلاۋدى زەردەلىلەندىرىپ كادەگە جاراتۋدىڭ ەڭبەگى زور: اكىمشىلىك ىستەر ساندى مالىمەتىنەن ورتاق يگىلىكتەنۋ، جاناسپايتىن زاڭ اتقارۋدى تەكسەرۋ، قۇرىلىس جۇرگىزۋ ينفورماتسيا مودەلىن كەزەڭدىك ەستەلىككە الىپ تەكسەرۋ، ساندى مالىمەت ارقىلى حاۋىپ - قاتەر تۇيىندەرىن باعالاۋ ىستەرى جۇرگىزىلەدى.

ءىس بىتىرۋدە ەندىگارى كوپ جۇگىرمەۋ، قارجى قوسۋدىڭ تياناقتانۋىن ءتىپتى دە تەزدەتۋ، قۇرىلىس جۇرگىزۋدىڭ ءتىپتى دە ىركىلىسسىز بولۋىنا مۇمكىندىك جاساۋ كەرەك. رەفورمانى اناعۇرلىم جاپپاي تەرەڭدەتۋدىڭ جاڭا جورىعىندا شيۇڭ - ان جاڭا رايونى جاڭا جاۋاپ جازدى.

كەلۋ قاينارى: حالىق تورابى