پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت ـ لەكسيا ۇيىرمەسىنىڭ جۇمىلدىرۋ ءماجىلىسى بەيجيڭدە اشىلدى

«حالىق گازەتى»، 7 - ايدىڭ 24 ـ كۇنى، بەيجيڭ (ءتىلشى جاڭ چي). پارتيا 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت ـ لەكسيا ۇيىرمەسىنىڭ جۇمىلدىرۋ ءماجىلىسى 7 - ايدىڭ 24 ـ كۇنى بەيجيڭدە اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى. ول مىنالاردى باسا دارىپتەدى: پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ − قازىرگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى. باس شۋجي شي جينپيڭنىڭ ۇگىت - لەكسيا قىزمەتىن جاقسى ىستەۋ جونىندەگى ماڭىزدى نۇسقاۋىن دايەكتىلەندىرىپ، تياناقتاندىرىپ، جالپى ءماجىلىستىڭ رۋحىن مۇقيات ۇيرەنىپ، ءتۇسىنىپ، ۇگىت - لەكسيا قىزمەتىنىڭ تالابىن جاپپاي يگەرىپ، ۇگىت - لەكسيا مىندەتىن جوعارى ساپامەن ورىنداپ، قالىڭ پارتيا مۇشەلەرىن، كادرلاردى، بۇقارانى ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرۋگە باستاۋ كەرەك.

ساي چي مىنالاردى اتاپ كورسەتتى: پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى − جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ شەشۋشى مەزگىلىندە اشىلعان توتەنشە ماڭىزدى ءماجىلىس، جالپى ءماجىلىس «قاۋلىسى» − جاڭا ءداۋىر، جاڭا جورىقتا رەفورمانى جاپپاي تەرەڭدەتۋدىڭ كەڭدىك پەن تەرەڭدىككە قاراي جورىق جاساۋىن ىلگەرىلەتۋدىڭ جالپى اتتانىسقا كەلتىرۋى، جالپى ورنالاستىرۋى، بۇل شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ سىندى تاريحي ىرىقتىلىعىن تولىق ايگىلەپ، رەفورمانى اناعۇرلىم جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ بولاشاعىن اشۋداعى بەرىك بەكىمىن تولىق ايگىلەپ، رەفورمانىڭ توقىراماۋىنىڭ، ەسىك اشۋدىڭ توقتاپ قالماۋىنىڭ كۇشتى سيگنالىن تولىق تاراتتى. جالپى ءماجىلىستىڭ رۋحىن ۇگىتتەۋدە، ەڭ اۋەلى، جالپى ءماجىلىستىڭ كەلەلى داۋىرلىك ءمانى مەن تەرەڭ تاريحي ىقپالىن، پارتيامىزدىڭ رەفورما جاساپ، ەسىك اشۋدى سوڭىنا دەيىن جۇرگىزۋدەگى بەرىك بەكىمىن ايقىن ءتۇسىندىرۋ كەرەك. پارتيانىڭ 20 - قۇرىلتايىنان بەرى پارتيا مەن مەملەكەت ىستەرىندە قول جەتكەن كەلەلى جەتىستىكتەردى، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ءبىرقىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن، باس شۋجي شي جينپيڭنىڭ پارتيا 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن، جالپى ءماجىلىس «قاۋلىسىندا» العا قويىلعان رەفورمانى اناعۇرلىم جاپپاي تەرەڭدەتۋدىڭ كەلەلى شارالارىن ىشكەرىلەي ۇگىتتەۋ كەرەك. جالپى ءماجىلىس رۋحىن دايەكتىلەندىرۋدىڭ، تياناقتاندىرۋدىڭ نەگىزگى تالاپتارىن ىشكەرىلەي ۇگىتتەپ، قالىڭ پارتيا مۇشەلەرىنىڭ، كادرلاردىڭ، بۇقارانىڭ جالپى ءماجىلىس رۋحىن ۇيرەنۋ، ۇگىتتەۋ، دايەكتىلەندىرۋ يدەيالىق سانالىلىعى مەن ارەكەت سانالىلىعىن كۇشەيتىپ، رەفورما ورتاق تانىمىن مۇمكىندىكتىڭ بارىنشا ۇيىستىرىپ، رەفورمانىڭ ومىرشەڭدىك كۇشىن قاۋلاتىپ، ءتۇرلى رەفورما شارالارىنىڭ دالمە ـ ءدال تياناقتانۋىن، ناقتى ونىمدىلىككە قول جەتكىزۋىن ىلگەرىلەتۋ كەرەك.

ساي چي مىنالاردى باسا دارىپتەدى: ۇگىت ـ لەكسيا قىزمەتىنىڭ ماڭىزدىلىعىن جەتە تانىپ، ساياسي دەڭگەيدى جوعارىلاتىپ، ساياسي جاۋاپكەرشىلىكتى كۇشەيتىپ، نەگىزگى اۋەن بەتالىسىن يگەرىپ، جالپى ءماجىلىستىڭ رۋحىن تولىق، دۇرىس جەتكىزۋ كەرەك. ۇگىت ـ لەكسيانىڭ باعىتتامالىلىعىن، ونىمدىلىگىن كۇش سالا كۇشەيتىپ، ۇگىت ـ لەكسيا جاسايتىن وڭىرلەر مەن سالالاردىڭ ءىس جۇزىندىك جاعدايىمەن تىعىز ۇشتاستىرىپ، قاراپايىم تىلمەن، ەگجەي ـ تەگجەيلى ساندى مالىمەتپەن، جاندى مىسالدارمەن پارتيا ورتالىق كوميتەتىنىڭ رۋحىن ەگجەي ـ تەگجەيلى بايانداپ، جاڭا داۋىردەگى رەفورما جاساپ، ەسىك اشۋ حيكاياسىن، پارتيانىڭ حالىققا باسشىلىق ەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ حيكاياسىن جاندى بايانداپ، قالىڭ پارتيا مۇشەلەرىنىڭ، كادرلاردىڭ، بۇقارانىڭ شىنايى تۇسىنۋىنە، ەستە ساقتاۋىنا، پايدالانۋىنا مۇمكىندىك جاساۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى لي شۋلەي ءماجىلىستى باسقاردى. مەملەكەتتىك كەڭەستىڭ مۇشەسى چىن ي - چين ماجىلىسكە قاتىناستى.

ورتالىقتىڭ ۇگىت، يدەيا، مادەنيەت قىزمەتىنە باسشىلىق ەتۋ گرۋپپاسىنىڭ مۇشەلەرى، ورتالىقتىڭ ۇگىت ـ لەكسيا ۇيىرمەسىنىڭ مۇشەلەرى، ورتالىقتىڭ ۇگىت، مادەنيەت ورىندارىنىڭ نەگىزگى جاۋاپتى جولداستارى ماجىلىسكە قاتىناستى.

كەلۋ قاينارى: حالىق تورابى