”اۋىل – قالاشىق شيپاحانالارىندا اۋرۋ كورسەتۋ بارعان سايىن قولايلى بولدى“ (وسىزامانداندىرۋدى كوزدەپ، رەفورمانى تاعى دا تەرەڭدەتۋ)

سوڭعى جىلداردان بەرى كوپتەگەن اۋىل - قىستاق رايوندارىندا ادەتتەگى اۋرۋلاردى ىرگەدەگى اۋىل - قالاشىق شيپاحانالارىندا ەمدەتۋگە بولادى.

امبۋلاتوريا زالىندا ءار جەردىڭ ديالەكتتەرى ارالاسىپ كەتەدى؛ ەسىكتىڭ سىرتىنداعى ماشينا توقتاتۋ الاڭىندا كورشى ولكەلەردىڭ اۆتوموبيل ءنومىر تاقتالارى كەزىگەدى. حۋنان - جياڭشي ەكى ولكەنىڭ شەكارالاسقان جەرىندەگى حۋنان ولكەسى چاڭشا قالاسىنىڭ ليۋياڭ قالاشىعىندا تۇراقتى حالىق سانى 50 مىڭعا جەتپەيدى، 2023 - جىلى قالاشىق شيپاحاناسىندا امبالاتوريادا ەمدەلۋ مولشەرى 400 مىڭ ادام - رەتكە جەتتى.

شىگاڭ قالاشىعى عانا ەمەس، ليۋياڭ قالاسىنداعى 35 اۋىل - قالاشىق شيپاحاناسىندا (الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىعى) 2 - دارەجەلى 7 شيپاحانا قۇرىلدى؛ 2023 - جىلى ليۋياڭ نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ ەمدەۋ مولشەرى %76 كە جەتتى.

ىرگەدە ەمدەۋ قىزمەت وتەۋىنەن يگىلىكتەنۋدەن ەڭ زور پايدانى بۇقارا كورەدى. ليۋياڭ داياۋجىن قالاشىعىنداعى ياڭ حۋا الدىڭعى ايدا توسىننان مي قۇرىسۋ اۋرۋىنا شالدىعىپ، جاقىن ماڭداعى جيلي شيپاحاناسىنا جەتكىزىلەدى، شيپاگەر دەرەۋ قان ۇيىعىن الۋ وپەراتسياسىن جاسايدى، قازىر ياڭ حۋا نەگىزىنەن قالپىنا كەلدى. ”شيپاگەرلىك ونەرى جوعارى، قىزمەت وتەۋى جاقسى ەكەن“. ياڭ حۋانىڭ ايەلى: ”سالماقتى ناۋقاستى كورسەتۋدە ۇلكەن قالالارعا بارۋدىڭ قاجەتى جوق، اۋىل - قالاشىق ەمحانالارىندا اۋرۋ كورسەتۋ بارعان سايىن قولايلى بولدى“ دەدى.

پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ «قارارىندا»: ”ساپالى ەمدەۋ بايلىعىنىڭ كولەمىن كەڭەيتىپ، تومەنگە ءتۇسۋىن جانە وڭىرلەردىڭ بىركەلكى ورنالاسۋىن جەبەپ، دارەجەگە ءبولىپ ەمدەۋ جۇيەسىن جەدەل ورناتىپ، تىعىز بايلانىسقان ەمدەۋ بىرىككەن تۇلعاسى قۇرىلىسىن ىلگەرىلەتىپ، نەگىزگى ساتىنىڭ ەمدەۋ، دەنساۋلىق ساقتاۋ قىزمەت وتەۋىن كۇشەيتۋ كەرەك“ دەپ اتاپ كورسەتىلدى. ليۋياڭ قالاسىنىڭ ەمدەۋ رەفورماسى وسى جولدى كوزدەدى.

بۇرىن دارىندىلار تاپشى، جابدىقتار مەشەۋ بولعاندىقتان، ناۋقاستاردىڭ جاقىن ماڭدا ەمدەلۋى قولايسىز ەدى... ليۋياڭ قالالىق اۋىل - قالاشىق ەمحاناسىنىڭ كوپتەگەن داعدارىسى ەمدەۋ رەفورماسىن ىلگەرىلەتۋىنىڭ قامشىسىنا اينالدى.

”ءتۇزىلىس، مەحانيزمدى رەفورمالاپ، ەرەكشەلىككە يە ارناۋلى ماماندىقتاردى كۇشەيتتىك“ دەدى ليۋياڭ قالالىق دەنساۋلىق ساقتاۋ مەكەمەسى ءتۇزىلىس رەفورماسى ءبولىمىنىڭ باستىعى ۋاڭ كىميڭ.

شىگاڭ قالاشىق شيپاحاناسىنىڭ جۇڭگوشا ەمدەۋ سۇيەك جاراقاتى ءبولىمى كوپ جىلدىڭ الدىندا ولكە دارەجەلى كلينيكالىق ءتۇيىندى قۇرىلىس وبيەكتىسىنە ەنگىزىلدى. بۇكىل شيپاحانانىڭ %90 ناۋقاسقا امبالاتوريادا دياگنوز قويۋ مولشەرى ەرەكشەلىككە يە وسى ءبولىمنىڭ ارقاسى ەدى.

ارناۋلى ماماندىقتى كۇشەيتىپ، كەدەرگىلەردى بۇزدى –

نەگىزگى ساتى ەمدەۋ، دەنساۋلىق ساقتاۋ قۇرىلىمدارى نەگىزگى ساتىنىڭ ءدارى - دارمەك ساياساتى بويىنشا عانا اتقارسا، دامۋدىڭ قاجەتىن قالاي قاناعاتتاندىرۋعا بولادى؟ ليۋياڭ كەڭ كولەمدى اۋىل - قالاشىق شيپاحانالارىنىڭ كاسىبىن ءبولىپ تاستاپ، ۇكىمەت باسقارۋىنداعى شيپاحانالاردى باسقارۋ ۇلگىسى بويىنشاءدارى - دارمەك ساياساتى رۇقساتىن الىپ، ەمدەۋ كولەمىن كەڭەيتتى.

اۋىل - قالاشىق شيپاحانالارىنىڭ ءتورت ءتۇرلى وپەراتسيا جاساۋىنا جول بەرىلمەيدى، شارت - جاعدايى بار جەرلەردىڭ داعدىنى بۇزۋىنا بولا ما؟ ەمدەۋ رەفورماسىن تۇيىندە سىناق ەتۋدى ءوتىنىش ەتكەن ليۋياڭ شيپاحانالارعا وپەراتسيا جاساۋ ۇقىعىن الىپ بەردى. جيلي شيپاحاناسى حۋنان ولكەسىندەگى بىردەن - ءبىر سالماقتى ناۋقاستاردى باقىلاۋ بولمەسى بار، باس سۇيەگىن اشۋ وپەراتسياسىن جاساي الاتىن اۋىل - قالاشىق شيپاحاناسىنا اينالدى. 2023 - جىلى جيلي شيپاحاناسى 17 مىڭنان استام وپەراتسيا جاسادى، مۇنىڭ ىشىندە 3 -، 4 - تۇردەگى وپەراتسيا %72 تەن استامىن ۇستادى.

وپەراتسيا جاساۋ ۇقىق شەگىن ەركىنە جىبەرۋ، جابدىقتاردى ورنالاستىرۋ رۇقساتىن ەركىنە جىبەرۋ، ءدارى - دارمەكتى پايدالانۋ شەكتەمەسىن ەركىنە قويا بەرۋ، ارناۋلى ماماندىق شيپاحانالارىن قۇرۋدى قولداۋ، ولكە، قالالاردىڭ ءتۇيىندى ارناۋلى بولىمدەرىن قۇرۋدى قولداۋ، 2 - دارەجەلى شيپاحانا قۇرۋدى قولداۋ... مەملەكەتتىڭ 1 - توپتاعى رەفورما سىناق ءتۇيىنى اۋدانى، حۋنانداعى بىردەن - ءبىر مەملەكەت دارەجەلى ەمدەۋ رەفورماسىنان ۇلگى كورسەتەتىن اۋدان بولعان ليۋياڭ رەفورما ساياساتىن شىعارىپ، ءارى ەرىك بەرىپ، ۇقىقتى تومەنگە ءتۇسىردى، ءارى تۇتاس تۇلعالىق قۋاتتى ارتتىردى.

ەمدەۋ بىرىككەن تۇلعاسىن قۇرىپ، ساپالى ەمدەۋ بايلىقتارىنىڭ تومەنگە ءتۇسۋىن ىلگەرىلەتتى، ليۋياڭ جەرگىلىكتى جاعدايعا قاراي ءىس كورىپ، قالا دارەجەلى ۇكىمەتتىك شيپاحانالار مەن اۋىل - قالاشىق ەمحانالارىنىڭ ”قول ۇستاسىپ“، قىزمەت وتەۋدەن بىرگە يگىلىكتەنۋ تيپىنە دە، ءبولىم - كەڭسەلەردى بىرگە قۇرۋ تيپىنە دە، ارناۋلى ماماندىق بىرلەسكەن ۇلگىسىنە دە يە بولدى.

ارناۋلى ماماندىقتى كۇشەيتىپ، دارىندىلارعا سۇيەندى –

ليۋياڭ اۋىل - قالاشىق شيپاحانالارىندا جوعارى دارەجەلى دارىندىلار نەمەسە شيپاحانالار شۇعىل قاجەت ەتىپ وتىرعان تاپشى دارىندىلار جىلدىق ەڭبەكاقى الۋمەن بىرگە، جوعارى دارەجەلى كاسىپتىك اتاق الۋىنا دا بولادى.

جيلي شيپاحاناسى نەرۆ شيپاگەرلىگى ورتالىعى مەڭگەرۋشىسىنىڭ ورىنباسارى باي ۋەيلي − حىنان ولكەسىندەگى ءبىر 3 A دارەجەلى شيپاحانادان شاقىرىلعان ءپان جەتەكشىسى. ”ليۋياڭداعى اۋىل - قالاشىق ەمحانالارىندا ەڭبەكاقىسى ەڭ جوعارى بولعانى ەمحانا باستىعى ەمەس، قايتا ءپان جەتەكشىلەرى مەن ءبىرىنشى شەپتەگى ماماندار بولدى“ دەدى باي ۋەيلي.

2022 - جىلدان باستاپ ليۋياڭ امبەباپ ەمدەۋ ۇلگىسىن جالپىلاستىرىپ، نەگىزگى ەمدەۋ، نەگىزگى الەۋمەتتىك دەنساۋلىق ساقتاۋ، وتباسى شيپاگەرلەرىنىڭ كەلىسىم جاساسۋى، سوزىلمالى اۋرۋلاردى باسقارۋ سياقتىلاردى ءبىر تۇلعالاندىرىپ، جالپىلىق بولىمدەردى الۋەتتەندىرىپ، جالپىلىق الەۋمەتتىك دەنساۋلىق ساقتاۋ قىزمەت وتەۋىن كۇشەيتتى. ”ارناۋلى ەمدەۋ قىزمەت وتەۋ قۋاتى كۇشەيگەن سايىن، جالپىلىق ءبولىم مەن الەۋمەتتىك دەنساۋلىق ساقتاۋ قىزمەت وتەۋى دە جاقسارىپ، ءبىرىنىڭ ولقىلىعىن ءبىرى تولىقتاپ، تاماشا اينالىم قالىپتاستىرادى“ دەدى جيلي شيپاحاناسىنىڭ باستىعى جاۋ ليميڭ.

كەلۋ قاينارى: حالىق تورابى