داليان تەڭىز - مۇحيت ەكونوميكاسىن كۇش سالا دامىتتى

باس شۋجي شي جينپيڭ 2013 - جىلى 8 - ايدا لياۋنيڭدا قىزمەت تەكسەرگەندە بىلاي دەپ باسا دارىپتەدى: ”تەڭىز - مۇحيت ىستەرى ۇلتتىڭ ءومىر ءسۇرۋ، دامۋ كۇيىنە سايادى، مەملەكەتتىڭ گۇلدەنۋى مەن قۇلدىراۋىنا، حاۋىپسىزدىگى مەن قاتەرىنە سايادى. تەڭىز - مۇحيت جاعىندا قۇدىرەتتى ەل قۇرۋدىڭ قاجەتىنە سايكەسىپ، تەڭىز - مۇحيت ينجەنەريالىق جاساۋ كاسىبى سىندى ستراتەگيالىق جاڭا كاسىپتى جەدەل جەتىلدىرىپ، تەڭىز - مۇحيتتى اشۋ قۋاتىن ۇزدىكسىز جوعارىلاتىپ، تەڭىز - مۇحيت ەكونوميكاسىن تىڭ ارتۋ تۇيىنىنە اينالدىرۋ كەرەك“.

باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرعان، 2211 كيلومەترگە سوزىلعان تەڭىز جاعالاۋى، 30 مىڭ شارشى كيلومەترگە جۋىق تەڭىز ايدىنى بار لياۋنيڭ داليان قالاسى تەڭىز - مۇحيت ءداستۇرلى كاسىپ سالاسىنىڭ ساپاسىن جوعارىلاتىپ، دارەجەسىن ءوسىرۋدى، تەڭىز - مۇحيتتاعى جاڭادان گۇلدەنگەن كاسىپ سالاسىن جەدەل الۋەتتەندىرۋدى، تەڭىز - مۇحيت قىزمەت وتەۋ كاسىبىنىڭ جوعارى ساپالى دامۋىن ۇزدىكسىز ىلگەرىلەتىپ، تەڭىز - مۇحيت ەكونوميكاسىن گۇلدەنۋدىڭ، دامۋدىڭ ”كوك ءتۇستى قوزعالتقىشىنا“ اينالدىردى. 2023 - جىلى داليان تەڭىز - مۇحيت ەكونوميكاسىنىڭ جالپى ءونىم قۇنى 420 ميلليارد يۋاننان اسىپ، سايكەس مەزگىلدەگىدەن %9 تەن استام ارتتى.

تۇتاس كاسىپ تىزبەگىنىڭ جوعارىلاۋى تەڭىز – مۇحيت كاسىپ سالاسىنىڭ ساپاسىن جوعارىلاتىپ، دارەجەسىن جوعارىلاتۋدى ىلگەرىلەتتى. داليان فۋجوۋ شىعاناعىنا كوز جىبەرسەك، داليان يانحۋا توبى شەكتى سەرىكتەستىگىنىڭ تەڭىز تۇزى الابى الۋان تۇسكە بولەندى. باس جورا ليۋ دىۋەي بىلاي دەدى: سەرىكتەستىك العاشقى گالوگەندى رايوندا تەڭىز قيارى سياقتى سۋ ونىمدەرىن ءوسىرىپ، ورتا دارەجەلى گالوگەندى رايوندا گالوگوندى برومدى جوعارىلاتىپ، ەڭ سوڭىندا كريستال رايونىندا تۇز جاساپ، نەگىزگى تاقىرىپتىق باقشا قۇرىپ، 1 ـ، 2 ـ، 3 - كاسىپتەردىڭ توعىسپالى دامۋىن جۇزەگە اسىردى.

تەڭىز - مۇحيت بالىق شارۋاشىلىعى كاسىپ سالاسى تىزبەگىن ساپالىلاندىرىپ، كۇشەيتىپ، وسى زامانعى تەڭىز - مۇحيت مال فەرماسىن جوعارى ساپامەن قۇرىپ، تەرەڭ تەڭىز زەردەلى جاسىل باعىمشىلىق قۇرىلعىلارىن ورناتتى… دالياندا 2023 - جىلى تەڭىز - مۇحيت بالىق شارۋاشىلىعىنىڭ ارتقان قۇنى سايكەس مەزگىلدەگىدەن %8.8 ارتتى، تەڭىز - مۇحيت سۋ ونىمدەرىن مانەرلەۋ كاسىبىنىڭ ارتقان قۇنى سايكەس مەزگىلدەگىدەن %16.1 ارتتى.

عىلىم - تەحنيكادا دەربەس جاڭالىق جاراتۋ تەڭىز - مۇحيتتاعى جاڭادان گۇلدەنگەن شارۋاشىلىقتاردىڭ دامۋىنا، زورايۋىنا دەم بەرەدى. جۇڭگو كەمەشىلىك توبى داليان كەمە اۋىر ونەركاسىپ توبى شەكتى سەرىكتەستىگى زەرتتەپ جاساعان 175 مىڭ تەكشە مەتر ۇلكەن تيپتەگى سۇيىقتاندىرىلعان تابيعي گاز (LNG) تاسىمال كەمەس بيىل 5 - ايدا تەڭىزگە ءساتتى شىعارىلدى، داليان اۋحاي عىلىم - تەحنيكا شەكتى سەرىكتەستىگى دەربەس زەرتتەپ جاساعان ءۇشىنشى ۇرپاق تەڭىز ءۇستى حابارلاسۋ جۇيەسى تەحنيكاسى شەتەلدىڭ تەڭىزدەگى جىلجىمالى حابارلاسۋ سالاسىنداعى تەحنيكا مونوپولداۋىن بۇزىپ تاستادى.

جاڭالىق اشۋ ارقىلى تەڭىز - مۇحيت كاسىبىنىڭ وزەكتى باسەكەلىك قۋاتىن جوعارىلاتىپ، تەڭىز - مۇحيت ينجەنەرياسى جابدىقتارىن جاساۋ كاسىبى، تەڭىز - مۇحيت جاڭا ەنەرگياسى سياقتى تەڭىز - مۇحيتتاعى جاڭادان گۇلدەنگەن شارۋاشىلىقتاردى بەلسەنە جەتىلدىردى جانە ۇلعايتتى. 2023 - جىلى داليان تەڭىز - مۇحيت سالاسىنداعى عىلىم - تەحنيكا نىسانىنان 32 ءتۇردى تىڭنان قوسىپ، تەڭىز - مۇحيت سالاسىنداعى عىلىم - تەحنيكالىق كاسىپورىندى 122 گە جەتكىزىپ، تەڭىز - مۇحيتتاعى جاڭادان گۇلدەنگەن كاسىپ سالاسى جالپى ءونىم قۇنىنىڭ تەڭىز - مۇحيت كاسىپ جالپى ءونىم قۇنىنداعى سالىستىرماسىن %10.4 كە جەتكىزدى.

بايلىقتى بىرىكتىرىپ، شوعىرلاندىرىپ، تەڭىز - مۇحيت قىزمەت وتەۋ كاسىبىنىڭ جوعارى ساپالى دامۋىن جەبەدى. لياۋگاڭ توبىنىڭ داليان تيەۋىش قوراپتى كەمەجايىندا تيەۋىش قوراپتار رەتتى جينالعان. ”پورت بايلىعى رەتتەلىپ ساپالىلاندىرىلعاننان كەيىن، لياۋنيڭ، جيلين، حىبەي سىندى 3 ولكەنىڭ %98 تەن استام سىرتقى ساۋدا تيەۋىش قورابى داليان پورتىندا وتكەرمەلەپ تاسىمالداندى“ دەدى لياۋگاڭ توبى داليان تيەۋىش قوراپتى كەمەجاي شەكتى سەرىكتەستىگى باس ديرەكتورىنىڭ ورىنباسارى جاڭ حاۋ.

ساياحات كەمەسىمەن داليان پورتىنىڭ كەمەجايىنان جولعا شىعىپ، جاعاداعى كورىنىستەردى تاماشالادىق... ”تەڭىزدە دالياندى ساياحاتتاۋ“ نىسانىنىڭ جاڭا لەنياسى قىرۋار ساياحاتشىنى باۋراپتى. ”دالياندا قازىر 20 تەڭىز ساياحات لەنياسى بار، ءبىز تاعى تەڭىز ساياحاتى مەن قاتىناس - تاسىمال، جاعاداعى كورىنىس وڭىرلەرىنىڭ سەرۋەندەۋىن ۇشتاستىرامىز“ دەدى داليان مادەنيەت - ساياحات توبى باس ديرەكتورىنىڭ ورىنباسارى جوۋ كاي.

قازىر داليان پورتى 160 تان استام مەملەكەت پەن رايونداعى 300 دەن استام پورتتى تۇتاستىردى. 2023 - جىلى داليان تەڭىز - مۇحيت ساياحات كاسىبىنىڭ ارتقان قۇنى سايكەس مەزگىلدەگىدەن %75.2 ارتتى، تەڭىز - مۇحيت قاتىناس - تاسىمال كاسىبىنىڭ ارتقان قۇنى سايەكس مەزگىلدەگىدەن %9 ارتتى.

كەلۋ قاينارى: حالىق تورابى