جالپى حالىقتىق دەنە شىنىقتىرۋدىڭ دامۋ قارقىنى تەزدەدى

باس شۋجي شي جينپيڭ بىلاي دەپ باسا دارىپتەدى: ”جالپى حالىقتىق دەنە شىنىقتىرۋ − جالپى حالىقتىڭ دەنە قۋاتىن، اقاۋسىز تۇرمىسىن كۇشەيتۋدىڭ نەگىزى جانە كەپىلى، حالىقتىڭ دەنساۋلىعى − جاپپاي دوڭگەلەك داۋلەتتى قوعام ورناتۋدىڭ ماڭىزدى مازمۇنى، ءاربىر ادامنىڭ ەسەيىپ - ەرجەتۋى مەن باقىتتى تۇرمىسىن جۇزەگە اسىرۋدىڭ ماڭىزدى نەگىزى“. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ «قارارىندا»: ”جالپى حالىقتىق دەنە شىنىقتىرۋعا الەۋمەتتىك قىزمەت وتەۋ جۇيەسىن كەمەلدەندىرۋ كەرەك“ دەپ ورتاعا قويىلدى.

دەنە تاربيە كۇشەيسە، جۇڭگو قۇدىرەتتەنەدى، مەملەكەت كوركەيسە، دەنە تاربيە گۇلدەنەدى. بيىل 8 - ايدىڭ 8 - كۇنى ءبىز 16 - رەتكى جالپى حالىقتىق دەنە شىنىقتىرۋ كۇنىن قارسى الدىق. پاريج وليمپيادا جارىس الاڭىندا جۇڭگو دەنە تاربيە ۋاكىلدەر ۇيىرمەسى ەرلىكپەن شايقاس جاساپ، قالىڭ بۇقارانىڭ دەنە تاربيە قيمىلىنا قاتىناسۋ ىنتاسىن قوزعادى. جەر - جەر ”جالپى حالىقتىق دەنە شىنىقتىرۋدا وليمپيادا سپورت جارىسىمەن ساپارلاس بولۋدى“ ارقاۋ ەتىپ، ىركەس - تىركەس نەگىزگى تاقىرىپتىق قيمىلدار ۇيىمداستىرىپ، ورىستەتىپ، جارىس قيمىلدارىن بۇقارانىڭ قاسىندا وتكىزىپ، عىلمي دەنە شىنىقتىرۋعا جەتەكشىلىك ەتۋدى بۇقاراعا جەتكىزدى. بارلىق ادام دەنە شىنىقتىرۋ، كۇن سايىن دەنە شىنىقتىرۋ، عىلمي دەنە شىنىقتىرۋ تانىمى كۇن سايىن جۇرت جۇرەگىنە تەرەڭ ۇيالاپ، جالپى حالىقتىق دەنە شىنىقتىرۋ ىستەرى ىشكەرىلەي دامىپ، جۇڭحۋا ۇلتىنىڭ اسقاق رۋحاني بەت - بەينەسىن ايگىلەدى.

جالپى حالىقتىق دەنە شىنىقتىرۋ وليمپيادا سپورت جارىسىمەن ساپارلاس بولىپ، بۇقارالىق دەنە تاربيە قيمىلى بارعان سايىن كۇشەيدى

وليمپيادا جارىس الاڭىندا نىسانا اتۋ سپورتشىسى حۋاڭ يۇيتيڭ مەن شىڭ ليحاۋ پاريج وليمپيادا سپورت جارىسىنىڭ تۇڭعىش التىن مەدالىن قول ۇستاسا الىپ، ءجۇز ميلليونداعان حالىقتى جەلپىندىردى. ەكەۋى دە وسىنداي ورايدان پايدالانىپ، ”اناعۇرلىم كوپ ادامعا نىسانا اتۋ تۇرلەرىن ۇعىندىرىپ، دەنە تاربيە سپورتىن قىزۋ سۇيدىرمەكشى“. ولار سياقتى كوپتەگەن سپورتشىلار دا ءوز ەرىكتەرىمەن جالپى حالىقتىق دەنە شىنىقتىرۋدى ”جالپىلاستىرۋ ەلشىسىنە“ اينالىپ، جۇرتشىلىقتىڭ وليمپيادا قىزعىندىلىعىن دەنە تاربيە قيمىلىنا قاتىناسۋدىڭ ىشكى قوزعاۋشى كۇشىنە اينالدىردى.

” ءىرى كولەمدى دەنە تاربيە سارايلارى بۇرىن ادامدارعا الشاق سەزىلەتىن، قازىر بارعان سايىن جاقىنداي ءتۇستى“. بەيجيڭ قالاسىنىڭ تۇرعىنى حۋ يۇيچياڭ ۇنەمى مەملەكەتتىك وليمپيادا دەنە تاربيە ورتالىعىنىڭ بولمە سىرتى زەردەلى دەنە شىنىقتىرۋ ۇيىنە بارىپ دەنە شىنىقتىرۋ اسپاپتارىن جايمالاپ، ءتۇرلى دەنە تاربيە ساندى مالىمەتتەرىن كورە الادى. جالپى حالىقتىق دەنە شىنىقتىرۋ كۇنىندەگى مەملەكەتتىك نەگىزگى جينالىس الاڭدارىنىڭ ءبىرى رەتىندە، مەملەكەتتىك وليمپيادا دەنە تاربيە ورتالىعى حالىقتىڭ دەنە ساپاسىن باقىلاۋ، جەلىدەگى دەنە قۋاتى جارىسى، دەنە قۋاتىن جاريا ۇستاۋ ساباعى سياقتى قيمىلداردى ورىستەتىپ، ءتىپتى دە كوپ ادامدى سپورت ارقىلى اقاۋسىز، كوڭىلدى بولۋعا جەتەكتەدى.

قاي جەرگە بارىپ دەنە شىنىقتىرۋ − بۇقارا كوڭىل ءبولىپ وتىرعان ماسەلە. جەر - جەر جەرگىلىكتى جاعدايعا قاراي شارا قاراستىرىپ، جالپى حالىقتىق دەنە شىنىقتىرۋ الاڭى قۇرىلعىلارىنىڭ نەگىزىن كۇشەيتىپ، ساپاسىن جوعارىلاتىپ، قىزمەت وتەۋدى ساپالىلاندىرىپ، ونىمدىلىگىن ارتتىرۋىن ىلگەرىلەتتى. ءىرى كولەمدى الاڭ - سارايلار حالىققا ءتىپتى دە جاناسىمدى بولدى، ”15 مينۋتتىق دەنە شىنىقتىرۋ شەڭبەرىنە“ لەزدە جەتۋگە بولادى، ”جۇڭگونىڭ ءداستۇرلى سپورت تۇرلەرىن باقشالارعا جەتكىزۋ“، ” جۇڭگونىڭ ءداستۇرلى سپورت تۇرلەرىن الەۋمەتتىك اۋماقتارعا جەتكىزۋ“ اناعۇرلىم كوپ نەگىزگى ساتى بۇقاراسىنا تيىمدىلىك جەتكىزدى. 2023 - جىلدىڭ سوڭىنا دەيىن ەلىمىزدىڭ دەنە تاربيە الاڭى 4 ميلليون 592 مىڭ 700 گە جەتىپ، ادام باسىنا تۋرا كەلەتىن دەنە تاربيە الاڭىنىڭ اۋدانى 2.89 شارشى مەترگە جەتتى.

بەيجيڭ قىسقى وليمپيادا سپورت جارىسىنىڭ ءساتتى وتكىزىلۋى قار - مۇز سپورتىنىڭ تۇقىمىن جەر - جەرگە سەۋىپ، قار – مۇز سپورتىمەن دەنە شىنىقتىرۋدى جاڭا سالتقا اينالدىردى. مەملەكەتتىك جالپى قاۋىمنىڭ كوڭىلدى قار - مۇز اپتالىعى، جالپى حالىقتىق قار - مۇز اشىق ساباعى، مەملەكەتتىك بۇقارالىق قار شاڭعى تەحنيكاسى بويىنشا ولشەمگە جەتۋ جارىسى سياقتى 90 نەشە مايدان جارىس قيمىلى بۇقارالىق سپورتتىڭ قىزعىندىلىعىن تاسقىنداتتى. كوپتەگەن بولمە ىشىندەگى مۇز الاڭدارىنىڭ، قار الاڭدارىنىڭ مول قيمىلمەن قامداۋى جولاۋشىلار اعىنىنىڭ قاۋىرت ورلەۋىن قارسى الىپ، ”300 ميلليون ادامدى قار - مۇز سپورتىنا قاتىناسۋعا جەتەكتەۋ“ جەتىستىگىن ۇزدىكسىز بەكەمدەدى، كەڭەيتتى.

ساناققا قاراعاندا، 8 - ايدىڭ 8 – كۇنىنىڭ الدى - ارتىندا ەلىمىز 20 مىڭنان استام رەت جالپى حالىقتىق دەنە شىنىقتىرۋ جارىسى قيمىلىن وتكىزىپ، ”ساپا“ مەن ”ساننىڭ“ بىردەي جوعارىلاۋىن جۇزەگە اسىرادى ەكەن.

جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىن ىشكەرىلەي توعىستىرىپ، دەنە تاربيەنىڭ دامۋ جەتىستىكتەرىنەن جالپى حالىقتىڭ بىرگە يگىلىكتەنۋىنە مۇمكىندىك جاسادى

تاياۋدا تۇڭعىش كەزەكتى مەملەكەتتىك جالپى حالىقتىق دەنە شىنىقتىرۋ جارىسى جەر - جەردە ورىستەتىلىپ، ادەتتەگى دەنە تاربيە اۋەسكەرلەرىن ەسىك الدىندا بۇكىل ەلدىڭ ۇلكەن ساحناسىنا شىعاردى. گۋاڭشي جۋاڭزۋ اۆتونوميالى رايونى ليۋجوۋ قالاسىنىڭ تۇرعىنى ياڭ گى وڭتۇستىك جۇڭگو جارىس رايونىنداعى ەسىك دوپ جارىسىنا قاتىناستى ءارى كوماندالاسىنداعىلارمەن بىرگە ايەلدەر قوس كىسىلىك ءتۇرىنىڭ اعا جۇلدەگەرلىگىن جەڭىپ الدى، ”2 − 3 ۇرپاق ادامداردى ەسىك دوپ ويناۋعا جەتەكتەدى، ەر - ايەل، كارى - جاس دەمەي قىزىققا شومدى“ دەدى ول.

سوڭعى جىلداردان بەرى بۇقارالىق جارىس قيمىلدارىندا ”بۇقارامەن ەتەنە ارالاسۋ، جۇرت تىلەگىن توعىستىرۋ“ اۋقىمى بارىنشا جاقساردى. دايۇنحى كانالىندا ءجۇرۋ، الەۋمەتتىڭ قار - مۇز ماۋسىمى سياقتى ايگىلى ماركا قيمىلدارى تۇتاس جىلدىڭ ءار ماۋسىمىن ساباقتاستىردى، ” اۋىل - قىستاق فۋتبول ەرەكشە بىرلەسپە جارىسى“، ”قىستاق BA “ سياقتى حالىقتىق جارىستار دۋمانعا بولەندى، 2024 - جىلى جالپى حالىقتىق دەنە شىنىقتىرۋ جەلىسىندەگى سپورت جارىسى جاپپاي ورلەۋگە كوتەرىلدى.

كوپ ساتىلى، الۋان ءتۇرلى بۇقارالىق دەنە تاربيە جارىسى قيمىل جۇيەسى ۇزدىكسىز كەمەلدەنىپ، بۇقارانىڭ دەنە تاربيە قيمىلىنا قاتىناسۋ قىزعىندىلىعى بارعان سايىن جوعارىلادى. بۇقارالىق نەگىزى تەرەڭ ”ءۇش ۇلكەن دوپ تۇرىنەن“ جارتاسقا ورمەلەۋ، سىرعاناۋ تاقتايشاسى سياقتى جاڭادان گۇلدەنگەن تۇرلەرگە دەيىن، باي مازمۇندى، كوپ نەگىزدى سپورت كورىنىسى دەنساۋلىق پەن شاتتىققا تالپىناتىن قاتىناسۋشىلاردى بارعان سايىن باۋراۋدا. جياڭسۋدا ءتۇرلى دەنە تاربيە، دەنە شىنىقتىرۋ، عىلىم جالپىلاستىرۋ تۋىندىلارى قاراپايىم دا ۇعىنىقتى بولىپ، دەنە تاربيە، دەنساۋلىق ساقتاۋدى توعىستىرۋ قىزمەت مەحانيزمى جەدەل كەمەلدەندى. جىجياڭدا جالپى حالىقتىق دەنە شىنىقتىرۋ كۇنىندە ”كالوريا سارىپ ەتۋ سپورت الاڭى“، قىزىقتى دەنە تاربيە باسەكە جارىسى سياقتى قيمىلدار ادامدارعا شىت جاڭا اسەر سيلادى. گۋاڭدۇڭدا سايىسكەرلىك، تور دوپ سياقتى بۇقارالىق جارىستار ىركەس - تىركەس وتكىزىلدى، دەنە تاربيە عىلىمىن جالپىلاستىرۋ، بەيزاتتىق مادەني مۇراعاتتاردى ۇگىتتەۋ سياقتى سايكەستى قيمىلدار ىركەس - تىركەس وتكىزىلىپ، كەڭ كولەمدى جاقسى باعاعا يە بولدى. جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعى ىشكەرىلەي توعىسىپ، دەنە تاربيە ىستەرىنىڭ دامۋ قوزعاۋشى كۇشى اناعۇرلىم كۇشەيدى.

جالپى حالىقتىق دەنە شىنىقتىرۋ الەۋمەتتىك قىزمەت وتەۋىنىڭ ساپاسىن، دارەجەسىن جوعارىلاتىپ، بۇقارانىڭ كوپ نەگىزدى قاجەتىن قاناعاتتاندىردى

وسى مەزگىلدە شانشي ولكەسى شي - ان قالالىق قوعامدىق دەنە تاربيە جەتەكشىسى شۇي فۋچۋاننىڭ كۇن ءتارتىپ كەستەسى تولىق ءتىزىلدى. ”تاباندىلىقپەن ارەكەت جاسايتىن ادامداردىڭ بارعان سايىن كوبەيگەنىن كورىپ، تابىسقا جەتكەندەي بولدىم!“ 20 نەشە جىل قوعامدىق دەنە تاربيە جەتەكشىسى بولعان شۇي فۋچۋاننىڭ ۇستانىمى دا داۋىرمەن بىرگە العا باسۋدا.

نەگىزگى ساتى دەنە تاربيە، قوعامدىق ۇيىمدارىن دامىتۋ، زورايتۋ − جالپى حالىقتىق دەنە شىنىقتىرۋ الەۋمەتتىك قىزمەت وتەۋىنىڭ ”ەڭ سوڭعى ءبىر شاقىرىمىن“ تۇتاستىرۋدىڭ ماڭىزدى تۇتقاسى. قازىر 3 ميلليون 440 مىڭنان استام قوعامدىق دەنە تاربيە جەتەكشىسى چاڭجياڭ وزەىنىنىڭ وڭتۇستىگى مەن سولتۇستىگىندە، قالا ـ قالاشىق، اۋىل ـ قىستاقتاردا جاندانىپ، عىلمي دەنە شىنىقتىرۋ بىلىمدەرى مەن قىزمەت وتەۋىن بۇقارانىڭ ماڭايىنا جەتكىزدى. ”سپورتتى اۋىل - قىستاققا جەتكىزۋ . سالاماتتىقتى سەرىك ەتۋ“ ەرىكتى قىزمەت وتەۋى ۇزدىكسىز ىلگەرىلەتىلىپ، شارۋالاردىڭ سالاماتتىعى جەبەلىپ، اۋىل - قىستاق قۇرىلىسىنا دەم بەرىلىپ، جالپى حالىقتىق دەنە شىنىقتىرۋ الەۋمەتتىك قىزمەت وتەۋىنىڭ قالا مەن اۋىلدا بىركەلكى دامۋى ىلگەرىلەتىلدى.

الاڭ قۇرىلعىلارىن قارتتارعا لايىقتاۋدان، بالالارعا لايىقتاۋدان مۇگەدەكتەردىڭ دەنە تاربيە قيمىلىنا قاتىناسۋىنا كەدەرگىسىز ورتا ازىرلەۋگە، ودان قالىڭ جۇمىسشى - قىزمەتكەرلەردىڭ ات سالىسۋ دارەجەسىن جوعارىلاتۋعا دەيىن... ۇكىمەت جەتەكشىلىك ەتەتىن، تاراۋلار سايكەسەتىن، تۇتاس قوعام ات سالىساتىن، جالپى حالىق بىرگە قۇرىپ، بىرگە يگىلىكتەنەتىن ”ۇلكەن قاۋىم“ جاعدايى العاشقى ادىمدا قالىپتاستى.

شاڭحاي جياڭۋان دەنە تاربيە الاڭىنان داشۋە جولىنا دەيىنگى سپورت تۇرلەرىن باستان كەشىرۋ رايونى، وليمپيادا سپورت جەلىسىنىڭ استىنداعى جارىس رايونى، جابدىقتاردى تاڭداپ ساتىپ الۋ رايونى ازىرلەنىپ، جۇرتشىلىققا جاڭا اسەر بەردى. اناعۇرلىم كوپ جارىس قيمىلدارى كورىنىس وڭىرلەرىنە، كوشە، رايوندارعا، ساۋدا شەڭبەرىنە كىردى، جالپى حالىقتىق دەنە شىنىقتىرۋدىڭ ”اعىن مولشەرى“ ەكونوميكانىڭ، قوعامنىڭ دامۋىنا ”ارتۋ مولشەرىن“ ۇستەدى.

بارلىق ادام دەنە تاربيەگە قاتىناسسا، دەنە تاربيە ادامدارعا باقىت جاراتادى. جاڭا ساپارعا قادام تاستاعاندا، جالپى حالىقتىق دەنە شىنىقتىرۋ ىستەرى، ءسوز جوق، قارىشتاپ دامىپ، تاعى دا تىڭ ساتىعا كوتەرىلىپ، دەنە تاربيەدە قۇدىرەتتى ەل، سالاماتتى جۇڭگو قۇرۋدى جەدەلدەتۋگە قوزعاۋشى كۇش قوسىپ، جۇڭحۋا ۇلتىنىڭ ۇلى گۇلدەنۋىنە بەرىك سالاماتتىق نەگىز جانە قۇدىرەتتى رۋحاني كۇش ازىرلەيدى.

كەلۋ قاينارى: حالىق تورابى