بەنزين مەن ديزەلدىڭ باعاسى ارزاندادى

شينحۋا اگەنتتىگىنىڭ بەيجيڭنەن بەرگەن حابارى. مەملەكەتتىك دامۋ جانە رەفورما كوميتەتىنىڭ 8 - ايدىڭ 8 – كۇنى بەرگەن حابارىنا قاراعاندا، تاياۋ مەزگىلدەگى حالىقارالىق بازارداعى ماي باعاسىنىڭ وزگەرىس جاعدايىنا نەگىزدەلگەندە، قازىر اتقارىلىپ وتىرعان وڭدەلگەن جانار ماي باعاسىنىڭ قالىپتاسۋ مەحانيزمى بويىنشا، 2024 – جىلى 8 – ايدىڭ 8 - كۇنى ساعات 24 تەن باستاپ ەل ىشىندەگى بەنزين، ديزەلدىڭ ءار تونناسىنىڭ باعاسى جەكە - جەكە 305 يۋان، 290 يۋان ارزانداعان.

مەملەكەتتىك دامۋ جانە رەفورما كوميتەتىنىڭ قاتىستى جاۋاپتىسى بىلاي دەدى: جۇڭگو مۇناي ـ تابيعي گاز توبى سەرىكتەستىگى، جۇڭگو مۇناي – حيميا توبى سەرىكتەستىگى، جۇڭگو تەڭىز ـ مۇحيت مۇناي توبى سەرىكتەستىگى قاتارلى ءۇش ۇلكەن سەرىكتەستىك، سونداي ـ اق باسقا دا مۇناي وڭدەۋ كاسىپورىندارى وڭدەلگەن جانار مايدى ءوندىرۋ مەن تاسۋدى ويداعىداي ۇيىمداستىرىپ، بازاردىڭ ورنىقتى قامداۋىنا شىنايى كەپىلدىك ەتىپ، مەملەكەتتىڭ باعا ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - تەكسەرۋ تەبىنىن ارتتىرىپ، مەملەكەتتىڭ باعا ساياساتىن اتقارماۋ ارەكەتتەرىن قاتاڭ تەكسەرىپ ءبىر جاقتى ەتىپ، قالىپتى بازار ءتارتىبىن قورعاۋ كەرەك. تۇتىنۋشىلاردىڭ 12315 تەكشەسى ارقىلى باعا جاعىنداعى زاڭعا قايشى ارەكەتتەردى اشكەرەلەۋىنە بولادى.

مەملەكەتتىك دامۋ جانە رەفورما كوميتەتىنىڭ باعانى باقىلاۋ – ولشەۋ ورتالىعى تالداۋ جاساپ بىلاي دەدى: وسى رەتكى وڭدەلگەن جانار مايدىڭ باعاسىن رەتتەۋ پەريوتى ىشىندە حالىقارالىق ماي باعاسى ءۇرتىس تومەندەيدى، مەجەمەن قىسقا مەرزىم ىشىندە ماي باعاسى تولقىمالى اينالىمدى نەگىز ەتەدى.

كەلۋ قاينارى: حالىق تورابى