شىنجىن حۋاچياڭبەيدەگى ”ءبىر مەترلىك سورە“ ”ۇزاردى“ (وسىزامانداندىرۋدى كوزدەپ، رەفورمانى تاعى دا تەرەڭدەتۋ)

”ءبىر مەترلىك سورە“ رەفورما جاساپ، ەسىك اشۋدىڭ الدىڭعى شەبىندەگى گۋاڭدۇڭ شىنجىننىڭ دامۋ ءىزىن ەستەلىككە الدى ءارى شىنجىندەگى ”جۇڭگو ەلەكترون بۇيىمدارى 1 - كوشەسى“ حۋاچياڭبەيدىڭ جەدەل ەڭسە كوتەرۋىنە كۋا بولدى.

تاياۋدا ءتىلشى حۋاچياڭبەيدە تىلشىلىك ىستەگەندە ”ءبىر مەترلىك سورەنىڭ“ ”ۇزارعانىن“ بايقادى.

تۇستەن بۇرىن ساعات 9 دا حۋاچياڭبەي دۋمانعا بولەندى. زات تاسۋ، ساتىپ الۋ، باعا سۇراستىرۋ... ادامدار ارلى - بەرلى قايشالىسۋدا. جاسى قىرىقتى ەڭسەرگەن لۋ دۇڭلي ەلەكترون عىلىم - تەحنيكا عيماراتىنىڭ جىفاڭجوۋ حالىقارالىق زەردەلى جاڭالىق جاراتۋ ورتالىعىنا كىردى.

2006 - جىلى لۋ دۇڭلي حۋاچياڭبەيگە كەلىپ، جارتىلاي وتكىزگىش ساۋداسىن ىستەيدى. 5 جىلدان كەيىن ول ءوزىنىڭ ”ءبىر مەترلىك سورەسىنە“ يە بولدى − سايگى عىلىم - تەحنيكا باقشاسىنداعى گىزىجياندا جيبايرۇي عىلىم - تەحنيكا شەكتى سەرىكتەستىگىن قۇردى.

”سوڭعى جىلدارى حۋاچياڭبەيدەگى كەمەلدى كاسىپ تىزبەگىنىڭ جانە قۋاتتى شوعىرلاندىرۋ اسەرىنىڭ ارقاسىندا، تاپسىرىس مولشەرى ازدان كوبەيىپ، سەرىكتەستىك بىرتىندەپ زورايدى“. 2022 - جىلى 10 - ايدا لۋ دۇڭليدىڭ سەرىكتەستىگى ورتالىق اۋماقتاعى جۇمىس عيماراتىنا كوشىپ كىردى، ”ءبىر مەتر سورە“ 300 شارشى مەتردەن استام يگىلىك جاراتۋ سەرىكتەستىگىنە اينالدى.

حۋاچياڭبەيدە لۋ دۇڭلي سياقتى يگىلىك جاراتۋشىلار ساناپ تاۋىسقىسىز. رەفورما جاساپ، ەسىك اشۋدان بۇرىن حۋاچياڭبەي سۋلى اتىز بولاتىن، شىنجىن ەكونوميكالىق ەرەكشە رايونىنىڭ قۇرىلۋىنا بايلانىستى، ءىرى كاسىپورىندار ارت - ارتىنان زاۆود قۇرۋعا ىرگە تەۋىپ، حۋاچياڭبەيدەگى ەلەكترون كاسىبى بىرتىندەپ كولەمدەنىپ، شىنجىننىڭ يگىلىك جاراتۋ تىعىزدىعى ەڭ جوعارى وڭىرلەردىڭ بىرىنە اينالدى.

ءبىر ايدىڭ الدىندا لۋ دۇڭليدىڭ سەرىكتەستىگى جىلىنا 40 مىڭ دانا توك كوزى چيپىمەن قامداۋ جونىندەگى تاپسىرىستى قابىلداپ الادى. ءبىر كۇن بۇرىن تۇستەن بۇرىن الارمان اياق استىنان تەلەفون سوعىپ، تاپسىرىس بەرىپ، دەرەۋ ساتىپ الۋعا بايلانىس جاسايدى، ءبىراق بازار جاعدايىندا وزگەرىس بولىپ، بۇرىنعى بەلگىلەنگەن باعا كۇشىن جويادى.

”زيان تارتاتىن ساۋدانى ىستەۋگە بولمايدى، كومەسكى قاريدارلاردى دا قويا بەرۋگە بولمايدى“. لۋ دۇڭلي تاباندا شەشىم جاساپ: ”قامداۋشى ساۋداگەردى الماستىرايىق“ دەدى.

”حۋاچياڭبەيدە ويلاماعان زاتتاردى كورەسىڭ، ساتىپ الا المايتىن نارسەڭ بولمايدى“. اۋماعى 1.45 شارشى كيلومەتر عنا كەلەتىن وسى ساۋدا شەڭبەرىندە 110 مىڭداي ۇلكەندى - كىشىلى ساۋدا دۇكەنى بار، ولار جەر - جەردەگى زاۆودتارمەن ۇشتاسقان، دۇنيە ءجۇزى بويىنشا كولەمى ەڭ ۇلكەن ەلەكتروندىق بولشەكتەر ساۋداسىنداعى جيناۋ - جونەلتۋ ورنى قالىپتاسقان.

ەكى ساعاتقا جۋىق ۋاقىتتا ون نەشە رەت تەلەفون جالعاندى. ءبىر - بىرلەپ سۇراستىرعاننان كەيىن، لۋ دۇڭنىڭ كوڭىلى جاي تاپتى، زات قاينارى تابىلدى، قارسىداعى عيماراتقا تۇستەن كەيىن بارىپ زات تەكسەرەتىن بولدى.

تۇستەن كەيىن ساعات 2 دە لۋ دۇڭلي سەرىكتەستىكتەن زاتپەن قامداۋشى تۇرعان سايگى حابارلاسۋ بازارىنىڭ باۋحۋا عيماراتىنا دەيىن 10 مينۋتقا جەتپەيتىن ۋاقىتتار باردى. ۇلگىنى الۋ، قوراپتاۋ، تيپىن، بەلگىسىن تەكسەرۋ نەگىزىنەن قاتەسىز بولدى. ءۇشىنشى جاق قۇرىلىمنىڭ تەكسەرۋىنە ۇسىنعاننان كەيىن، تولىمدىلىق كۋالىگىن الىپ، تاپسىرىستى تۇراقتاندىردى.

ەلەكتروندىق بولشەكتەر ساتاتىن دۇكەندەردە تەحنيكالىق قىزمەت وتەۋدى دە ويداعىداي ىستەۋ كەرەك. 2018 - جىلدان باستاپ جيبەيرۇي ءونىم ۋاكىلدىك كاسىبىن كەڭەيتىپ، قاريدارلارعا جوبا تۇرىنەن ءونىم مولشەرىنە دەيىنگى تەحنيكالىق قولداۋ كورسەتتى.

كاسىپ تيپىن وزگەرتۋدىڭ استارىندا دامۋ وي جەلىسىندە بۇرىلىس جاساۋ جاتىر. ”جالاڭ ساۋدامەن شۇعىلدانۋدا اقشا تابۋ تەز، حاۋىپ - قاتەر دە زور، كوپ نەگىزدى قىزمەت وتەۋمەن شۇعىلدانۋ اناعۇرلىم ورنىقتى، ەگجەي - تەگجەيلى بولماق“. تەحنيكالىق قىزمەت وتەۋ كاسىبىن كەڭەيتۋ ارقىلى جيبايرۇيدىڭ جاڭادان قوسىلعان 900 گە جۋىق قاريدارى چاڭجياڭ اتىراۋى، جۋجياڭ اتىراۋى جانە شىعىس سولتۇستىك رايونى سياقتى جەرلەرگە تارالعان، ولار سەرىكتەستىكتىڭ جىلدىق تيجارات كىرىسىنىڭ ورتاشا ارتۋ قارقىنىنىڭ %15 كە جەتۋىنە دەمەۋشى بولدى.

ەسەپ قالپىنا كەلدى: الدىڭعى جارتى جىلدا سەرىكتەستىكتىڭ ساتۋ سوماسىنىڭ ارتۋى سايكەس مەزگىلدەگىدەن %10 اسىپ، تەحنيكالىق قىزمەت وتەۋدىڭ ۇلەس شاماسى %40 كە تايادى.

سانسىزداعان ”ءبىر مەترلىك سورەنى“ قۇرعان حۋاچياڭبەي ارشىندى قاداممەن بۇرىلىس جاساۋ جولىندا ءجۇردى. بىلتىر حۋاچياڭبەيدە 100 مىڭ شارشى مەترلىك كاسىپ كەڭىستىگى تىڭنان قوسىلىپ، جاڭادان وزگەرتىلگەننەن كەيىنگى 13 ەلەكتروندىق بۇيىمدار بازارىنىڭ مايعا بەرۋ شاماسى %80 تەن استى. بيىل جىل باسىنان بەرى 14 ينكۋباتورعا 400 دەن استام جاسامپاز كاسىپورىن ىرگە تەۋىپ، ساۋدا شەڭبەرىنىڭ كۇندىك ورتاشا اعىس مولشەرى ءبىر ميلليون ادام ـ رەتتەن استى.

جاڭا ورايدى مىقتى يگەرىپ، تىڭ ومىرشەڭدىك كۇشكە يە بولدى. حۋاچياڭبەي ”دۇنيە جۇزىلىك ەلەكتروندىق بولشەكتەر ساۋدا ورتالىعى، دۇنيە جۇزىلىك قاتتى بولشەكتەردە جاڭالىق اشۋ، يگحلىك جاراتۋ ورتالىعى جانە حالىقارالىق جاڭاشا ەلەكتروندىق تۇتىنۋ ورتالىعى“ سىندى شىت جاڭا ورىندى العا قويدى، حالىقارالانعان جاڭالىق اشۋ، يگىلىك جاراتۋ كوشەسى اقاۋسىز دامىپ، جەتىلۋدە.

”ءبىر مەترلىك سورە ءتىپتى دە ۇزارادى!“ حۋاچياڭبەي ءمالى باسقارماسى پارتيا قىزمەتى كوميتەتىنىڭ شۋجيى شيۋ جياچي بىلاي دەدى: الداعى جەردە نازاردى كوشە رايونىنىڭ تيپىن وزگەرتىپ، دارەجەسىن جوعارىلاتۋدى ىلگەرىلەتۋگە، رەفورمانى جوسپارلاۋعا شوعىرلاندىرىپ، ەلەكتروندىق كاسىپ سالاسىنىڭ ساپاسىن جوعارىلاتۋ، كاسىپ كەڭىستىگىن ساپالىلاندىرۋ سياقتى قيمىلداردى ىشكەرىلەي ورىستەتىپ، ”قاتتى قارجى قوسۋدى“ ۇزدىكسىز كۇشەيتىپ، ”جۇمساق ورتانى“ ساپالىلاندىرىپ، حۋاچياڭبەيدىڭ جوعارى ساپالى دامۋعا قادام تاستاۋىنا دەم بەرەمىز.

كەلۋ قاينارى: حالىق تورابى