شي جينپيڭ جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن كەلگەن ءبىر ءبولىم افريكا ەلدەرى باسشىلارىمەن جانە حالىقارالىق ۇيىمداردىڭ جاۋاپتىلارىمەن جەكە - جەكە كەزدەستى

9 - ايدىڭ 3 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن كەنيانىڭ زۇڭتۇڭى رۋتومەن كەزدەستى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

9 - ايدىڭ 3 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن چادتىڭ زۇڭتۇڭى مۇحاممەدپەن كەزدەستى.

سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن

9 - ايدىڭ 3 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن مالاۆي زۇڭتۇڭى چاكۆەرامەن كەزدەستى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

9 - ايدىڭ 3 - كۇنى كەشتە مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن ماۆريتانيانىڭ زۇڭتۇڭى عازۋانيمەن كەزدەستى.

سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

9 - ايدىڭ 3 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن افريكا ەلدەرى وداعى كوميتەتىنىڭ ءتوراعاسى فاكيمەن كەزدەستى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

شي جينپيڭ كەنيانىڭ زۇڭتۇڭى رۋتومەن كەزدەستى

شينحۋا اگەنتتىگى، 9 - ايدىڭ 3 - كۇنى، بەيجيڭ (تىلشىلەر ۋىن شين، لي چۇنيۇي). 9 - ايدىڭ 3 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن كەنيانىڭ زۇڭتۇڭى رۋتومەن كەزدەستى.

شي جينپيڭ بىلاي دەپ اتاپ كورسەتتى: جۇڭگو - كەنيا دوستىعىنىڭ تاريحى ۇزاق، ۇلت ازاتتىعىنا قول جەتكىزۋ كۇرەسىندە دامىپ، مەملەكەتتى كوركەيتۋگە تالپىنۋ ساپارىندا تەرەڭدەپ كەلەدى. جۇڭگو مەن كەنيا باستان - اياق قول ۇستاسا وتىرىپ ”ءبىر بەلدەۋ، ءبىر جولدى“ بىرگە قۇرۋ سەلبەستىگىنىڭ الدىڭعى لەگىندە ءجۇرىپ، ۇلاستىرۋ - تۇتاستىرۋدىڭ ءبىر توپ باستاۋشى نىساندارىن قۇرىپ، ءوڭىردىڭ ەكونوميكالىق، قوعامدىق دامۋىن پارمەندى جەبەپ، ەكى ەل حالىقتارىنا تيىمدىلىك جەتكىزدى.

شي جينپيڭ ەكى جاقتىڭ ”ءۇش جاقتى سەرىك“ باعىتىن بويلاپ جۇڭگو مەن كەنيانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتۋىن ۇسىنىس ەتتى. ءبىرىنشى، دوستىقتى جالعاستىرىپ، ءوزارا سەنىم ارتاتىن ادال سەرىك بولىپ، ءبىر - ءبىرىنىڭ مەملەكەتتىڭ يەلىك ۇقىعىن قورعاۋىن جانە ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس قاراستىرۋىن باتىل قولداۋ كەرەك. ەكىنشى، تۋراشىلدىقتان تايماي جاڭالىق اشىپ، ءوزارا پايدا جەتكىزىپ، تەڭ يگىلىككە كەنەلەتىن سەلبەستىك سەرىكتەسى بولىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى كەنيا جاقتىڭ ”2030 - جىلعا دەيىنگى ۇزاق بولاشاقتىق جوباسىمەن“ تىعىز ۇشتاستىرىپ، شىعىس بولىكتەگى افريكانىڭ ۇلاستىرۋ - تۇتاستىرۋ تورابىن جانە كاسىپ سالاسى بەلدەۋىن قۇرىپ، سيفرلى ەكونوميكا، جاڭا ەنەرگيا جانە ەكونوميكا - ساۋدا، كەدەيلىكتى ازايتۋ، شارۋالارعا تيىمدىلىك جاساۋ سياقتى سالالارداعى سەلبەستىكتى كۇشەيتۋ كەرەك. ءۇشىنشى، سەنىمدى بەكەمدەپ، ادىلدىك پەن ادىلەتتىلىكتى قورعايتىن ستراتەگيالىق سەرىك بولىپ، حالىقارالىق جانە وڭىرلىك ماسەلەلەردەگى پىكىرلەسۋ مەن سايكەسۋدى كۇشەيتىپ، دۇنيە جۇزىندەگى وڭتۇستىك جاقتىڭ ورتاق مۇددەسىن قول ۇستاسا قورعاپ، ءوڭىردىڭ بەيبىتشىلىگى مەن ورنىقتىلىعىن جەبەۋ كەرەك.

رۋتو مىنالاردى ءبىلدىردى: جۇڭگونىڭ وسى رەتكى جۇڭگو - افريكا سەلبەستىك تالقى مىنبەرى بەيجيڭ باسشىلار ءماجىلىسىن وتكىزىپ، افريكا مەن جۇڭگونىڭ بولاشاق دامۋدى بىرگە جوسپارلاۋىنا ماڭىزدى تۇعىر جانە وراي ازىرلەگەندىگىنە العىس ايتامىن. كەنيا – جۇڭگو قارىم - قاتىناسى تەرەڭ دوستىقتى، ءوزارا قۇرمەت ەتۋدى، ءوزارا سەنىم ارتۋدى جانە ءوزارا پايدا جەتكىزىپ، تەڭ يگىلىككە كەنەلۋدى نەگىز ەتەدى. ەكى جاق ”ءبىر بەلدەۋ، ءبىر جولدى“ بىرگە قۇرۋ اياسىندا مومباسا - نايروبي تەمىر جولى سياقتى ماڭىزدى نەگىزدىك قۇرىلعى قۇرىلىسى سەلبەستىك نىساندارىن ءساتتى اتقارىپ، كەنيانىڭ ەكونوميكاسىنىڭ، قوعامىنىڭ دامۋىن پارمەندى جەبەپ، كەنيا مەن جۇڭگونىڭ دوستىق، ءوزارا ءتيىمدى سەلبەستىگىنىڭ جاڭا اتاۋىنا اينالدى. كەنيا جاق وسى رەتكى تالقى مىنبەرى باسشىلار ءماجىلىسىن وراي ەتىپ، كەنيا مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ونان ارى دامۋىن ىلگەرىلەتۋدى ءۇمىت ەتەدى. جۇڭگو جاقتىڭ كەنياعا قارجى قوسۋدى ۇزدىكسىز ارتتىرىپ، ءار سالاداعى ەكى جاقتى ناقتى سەلبەستىكتى، اسىرەسە، ۇلاستىرۋ - تۇتاستىرۋ، جاڭا ەنەرگيا، جاستار سياقتى سالالارداعى سەلبەستىكتى كەڭەيتۋىن قارسى الامىز. ءتوراعا شي جينپيڭ ءبىرسىپىرا كەلەلى دۇنيە جۇزىلىك باستامانى العا قويىپ، وركەندەپ كەلە جاتقان ەلدەردىڭ جانە دۇنيە جۇزىندەگى وڭتۇستىك ەلدەرىنىڭ ىنتىماقتى، سەلبەستىكتى كۇشەيتۋىندە ماڭىزدى جەتەكشىلىك رول اتقاردى، كەنيا جاق ايرىقشا سۇيىنەدى، بەلسەنە قولدايدى. كەنيا جاق ءبىر جۇڭگو ساياساتىن باتىل اتقارادى، جۇڭگومەن كوپ جاقتى سەلبەستىكتى جيىلەتىپ، ءبىرىن - ءبىرى باتىل قولداۋدى قالايدى.

باسشىلار ءماجىلىسى كەزىندە جۇڭگو، كەنيا ەكى جاق قارجى قۇراۋ، نەگىزدىك قۇرىلعى سياقتى سالالارداعى كوپتەگەن ەكى جاقتى سەلبەستىك قۇجاتتارىنا قول قويادى.

ۋاڭ ي كەزدەسۋدە بىرگە بولدى.

شي جينپيڭ چادتىڭ زۇڭتۇڭى مۇحاممەدپەن كەزدەستى

شينحۋا اگەنتتىگى، 9 - ايدىڭ 3 - كۇنى، بەيجيڭ (تىلشىلەر ۋىن شين، جاڭ شياۋ). 9 - ايدىڭ 3 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن چادتىڭ زۇڭتۇڭى مۇحاممەدپەن كەزدەستى. ەكى ەل مەملەكەت باسشىلارى ەكى ەلدىڭ قارىم - قاتىناسىن ستراتەگيالىق ارىپتەستىك قارىم - قاتىناسقا كوتەرەتىندىكتەرىن جاريالادى.

شي جينپيڭ بىلاي دەپ اتاپ كورسەتتى: جۇڭگو مەن چاد ”ءبىر بەلدەۋ، ءبىر جولدى“ بىرگە قۇرۋ، جۇڭگو - افريكا سەلبەستىك تالقى مىنبەرى سياقتى جۇلگەلەردە ءوزارا ءتيىمدى سەلبەستىكتى بەلسەنە ورىستەتىپ، سۇبەلى ناتيجەلەرگە قول جەتكىزدى. جۇڭگو ءۇرتىس كوپ جىل چادتىڭ ەڭ ۇلكەن ساۋدا سەرىگىنە جانە قارجى قوسۋشى سەرىكتەس ەلىنە اينالدى، ەكى جاقتىڭ ناقتى سەلبەستىگى ەكى ەل حالىقتارىنىڭ ىرىس - قۇتىن ارتتىردى. جۇڭگو جاق چاد جاقپەن جۇڭگو - افريكا دوستىق سەلبەستىك رۋحىن ۇستانىپ، دامۋ ستراتەگياسىن ۇشتاستىرۋدى كۇشەيتىپ، جۇڭگو - چاد قارىم - قاتىناسىنىڭ تىڭ ىلگەرىلەۋشىلىككە قول جەتكىزۋىن ىلگەرىلەتۋدى قالايدى.

شي جينپيڭ بىلاي دەپ باسا دارىپتەدى: جۇڭگو جاق چاد جاقتىڭ جۇڭگونىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە جۇڭگو جاققا باتىل قولداۋ كورسەتكەندىگىن ايرىقشا القايدى، چاد جاقتىڭ دەربەس، ءوز - وزىنە قوجايىن بولۋ سىندى دامۋ جولىمەن ءجۇرۋىن، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن بۇرىنعىداي قولدايدى. ەكى جاق بارىس - كەلىستى كۇشەيتىپ، ۇستانىم جاعىنداعى ورتاق تانىمدى كەڭەيتىپ، ساياسي ءوزارا سەنىمدىلىكتى بەكەمدەپ، ءبىر - ءبىرىن تاباندىلىقپەن قولداۋى كەرەك. ءوزارا پايدا جەتكىزىپ، تەڭ يگىلىككە كەنەلۋگە تاباندى بولىپ، ناقتى ىستەر سەلبەستىگىن تەرەڭدەتۋ كەرەك. چادتىڭ وسى رەتكى جۇڭگو ـ افريكا سەلبەستىك تالقى مىنبەرى باسشىلار ءماجىلىسىنىڭ جەتىستىكتەرىنەن ويداعىداي پايدالانىپ، ەكى ەلدىڭ ەكونوميكا ـ ساۋدا سەلبەستىگىن تەرەڭدەتىپ، دەربەس دامۋ قابىلەتىن كۇشەيتىپ، بىرگە دامۋدى جۇزەگە اسىرۋىن قارسى الامىز. جۇڭگو جاق چاد جاقپەن بىرگە دۇنيە جۇزىلىك حاۋىپسىزدىك باستاماسىن تياناقتاندىرۋدى ىلگەرىلەتىپ، مەملەكەتتىڭ حاۋىپسىزدىگى مەن ورنىقتىلىعىن قورعاپ، بىرگە بەيبىتشىلىكتى قورعايتىن ورنىقتى كۇش بولۋدى قالايدى.

مۇحاممەد مىنانى ءبىلدىردى: جۇڭگو جاقتىڭ مەنى جۇڭگو ـ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋعا ۇسىنىس ەتكەندىگىنە جانە قىزۋ قارسى العاندىعىنا العىس ايتامىن، بۇل چاد - جۇڭگو ەكى جاقتىڭ دوستىق سۇيىسپەنشىلىگىن تولىق ايگىلەدى. چاد ـ جۇڭگو سەلبەستىگى ءوزارا قۇرمەت ەتۋدى، ءوزارا پايدا جەتكىزىپ، تەڭ يگىلىككە كەنەلۋدى نەگىز ەتىپ، سۇبەلى تابىستارعا قول جەتكىزدى. جۇڭگونىڭ چادتىڭ ەكونوميكالىق، قوعامدىق دامۋىنا قاستەرلى كومەك كورسەتكەندىگىنە العىس ايتامىن، چاد جاق جۇڭگومەن دوسجار، ءوزارا ءتيىمدى سەلبەستىكتى اناعۇرلىم تەرەڭدەتۋگە باتىل كۇش سالادى. ءتوراعا شي جينپيڭنىڭ دانىشپان باسشىلىعىندا، جۇڭگونىڭ دامۋى كۇن سايىن تۇلەجىپ، حالىقارالىق ورنى كۇن سايىن ارتا ءتۇستى. چاد جاق جۇڭگونىڭ دامۋ جەتىستىكتەرىنە سۇيىنەدى، ءتوراعا شي جينپيڭ العا قويعان جەلىلەس كەلەلى ۇستانىمدار مەن باستامالاردى القايدى، جۇڭگونىڭ ۇزدىكسىز دامىپ، زورايعانىن قۋانا كورىپ وتىر، جۇڭگونىڭ باياندى دامۋىنىڭ چادتىڭ، افريكانىڭ، ءتىپتى، دۇنيە ءجۇزىنىڭ دامۋىنا اناعۇرلىم كوپ وراي اكەلەتىندىگىنە سەنەمىن، بۇل دۇنيە ءجۇزىنىڭ 100 جىلدىق وزگەرىس جاعدايىنا جەتەكشىلىك ەتۋدە توتەنشە ماڭىزدى. تايۋان − جۇڭگو تەرريتورياسىنىڭ ايرىلماس ءبىر بولىگى، چاد جاق ءبىر جۇڭگو پرينسيبىنە ۇزدىكسىز تاباندى بولادى.

باسشىلار ءماجىلىسى كەزىندە جۇڭگو، چاد ەكى جاق دۇنيە جۇزىلىك دامۋ باستاماسى، ادام كۇشى بايلىعىن اشۋ سەلبەستىگى، جەر جاڭعاعى جانە كۇنجىت جەتكىزۋ، اقپارات قۇرالدارى سياقتى سالالارداعى كوپ ءتۇرلى ەكى جاقتى سەلبەستىك قۇجاتتارىنا قول قويادى.

ۋاڭ ي كەزدەسۋدە بىرگە بولدى.

شي جينپيڭ مالاۆيدىڭ زۇڭتۇڭى چاكۆەرامەن كەزدەستى

شينحۋا اگەنتتىگى، 9 - ايدىڭ 3 - كۇنى، بەيجيڭ (تىلشىلەر ۋىن شين، ليۋ ياڭ). 9 - ايدىڭ 3 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن مالاۆيدىڭ زۇڭتۇڭى چاكۆەرامەن كەزدەستى. ەكى ەل مەملەكەت باسشىلارى جۇڭگو مەن مالاۆيدىڭ قارى - قاتىناسىن ستراتەگيالىق سەرىكتەستىك قارىم - قاتىناس دەڭگەيىنە كوتەرەتىندىكتەرىن جاريالادى.

شي جينپيڭ بىلاي دەپ اتاپ كورسەتتى: جۇڭگو مەن مالاۆي ديپلوماتيالىق قارىم - قاتىناس ورناتقاننان بەرى ەكى ەلدىڭ قارىم - قاتىناسى ورنىقتى، اقاۋسىز دامىدى، ساياسي ءوزارا سەنىمدىلىك بەكەمدەلىپ، ءوزارا ءتيىمدى سەلبەستىكتىڭ ناتيجەسى مول بولدى. جۇڭگو جاق وسى رەتكى جۇڭگو - افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ جەتىستىكتەرىن تياناقتاندىرۋدى وراي ەتىپ، جۇڭگو - مالاۆي دوستىق سەلبەستىگىنىڭ جاڭا باستامادا اناعۇرلىم تەرەڭ، اناعۇرلىم ناقتى ىلگەرىلەۋىن، ەكى ەلدىڭ بىرگە دامۋىن جەبەپ، ەكى ەل حالىقتارىنا ۇزدىكسىز باقىت جاراتۋدى قالايدى.

شي جينپيڭ بىلاي دەپ باسا دارىپتەدى: جۇڭگو جاق مالاۆيدىڭ ءوز مەملەكەت جاعدايىنا ۇيلەسەتىن دامۋ جولىن قاراستىرۋىن قولدايدى، مالاۆي جاقپەن جۇڭگو ۇلگىسىندەگى وسىزامانداندىرۋ ورايىنان بىرگە يگىلىكتەنۋدى، مالاۆيدىڭ مەملەكەتتى دامىتۋ قۇرىلىسىنا دەم بەرۋدى قالايدى. جۇڭگو جاق مالاۆي جاقپەن اۋىل شارۋاشىلىعى، تەلەگراف، نەگىزدىك قۇرىلعى سياقتى سالالارداعى سەلبەستىكتى كۇشەيتىپ، جۇڭگو كاسىپورىندارىن مالاۆيعا بارىپ قارجى قوسۋعا شابىتتاندىرۋدى قالايدى. ەكى جاق مالاۆي داشۋەسىنىڭ كۇڭزى شۋەيۋانىنان ويداعىداي پايدالانىپ، مادەنيەت اۋىس - كۇيىسى مەن حالىق تىلەگىنىڭ توعىسۋىن جەبەۋى كەرەك. جۇڭگو جاق مالاۆيدىڭ چاڭشادا تۇراتىن باس كونسۋلحاناسىنىڭ ءساتتى جۇمىس جۇرگىزۋىن قولدايدى، ەكى جاقتى اناعۇرلىم كوپ جەرگىلىكتى اۋىس - كۇيىس، سەلبەستىك ورىستەتۋگە شابىتتاندىرادى. جۇڭگو جاق مالاۆيمەن بىرگە حالىقارالىق ىستەردەگى سايكەسۋ مەن سەلبەسۋدى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.

چاكۆەرا مىنانى ءبىلدىردى: ءار جولى جۇڭگوعا كەلگەندە ۇيگە قايتقانداي سەزىمدە بولامىن، جۇڭگونىڭ ىستىق ىقىلاسپەن، دوسجار بەينەدە كۇتىپ العانىنا العىس ايتامىن. مالاۆي جۇڭگونى ەڭ شىنايى دوس ەتەدى. سوڭعى جىلدارى مەن ءساتى ءتۇسىپ ءتوراعا شي جينپيڭمەن تىعىز بارىس ـ كەلىستى ساقتاپ، ەكى ەل سەلبەستىگىندە بەلسەندى ىلگەرىلەۋشىلىككە قول جەتكىزۋگە جەتەكشىلىك ەتتىم. ءتوراعا شي جينپيڭنىڭ باسشىلىعىندا، جۇڭگو كوممۋنيستىك پارتياسى نەشە ءجۇز ميلليون جۇڭگولىقتى كەدەيلىكتەن ارىلتتى. ءتوراعا شي جينپيڭ العا قويعان ”ءبىر بەلدەۋ، ءبىر جولدى“ بىرگە قۇرۋ سياقتى كەلەلى باستامالار ءار ەلدىڭ بىرگە دامۋىن، گۇلدەنۋىن جۇزەگە اسىرۋىنا ماڭىزدى وراي ازىرلەدى. مالاۆي جاق ءبىر جۇڭگو ساياساتىن باتىل اتقارادى، جۇڭگونىڭ ءوزىنىڭ وزەكتى مۇددەسىن قورعاۋىن قولدايدى. مالاۆي جاق جۇڭگو ـ افريكا سەلبەستىك تالقى مىنبەرى مەحانيزمى قۇرىلىسىن كۇشەيتۋدى قولدايدى، وسى رەتكى تالقى مىنبەرى باسشىلار ءماجىلىسىن وراي ەتىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىن ۇزدىكسىز ىلگەرىلەتىپ، وڭىرلىك ۇلاستىرۋ - تۇتاستىرۋدى كۇشەيتىپ، مالاۆي مەن جۇڭگونىڭ دوسجار، ءوزارا ءتيىمدى سەلبەستىگىن تەرەڭدەتۋدى ءۇمىت ەتەدى.

باسشىلار ءماجىلىسى كەزىندە جۇڭگو مەن مالاۆي جەر جاڭعاعىن جۇڭگوعا جەتكىزۋ، اقپارات قۇرالدارى، دامۋ سەلبەستىگى سياقتى سالالارداعى كوپتەگەن ەكى جاقتى سەلبەستىك قۇجاتتارىنا قول قويادى.

ۋاڭ ي كەزدەسۋدە بىرگە بولدى.

شي جينپيڭ ماۆريتانيانىڭ زۇڭتۇڭى عازۋانيمەن كەزدەستى

شينحۋا اگەنتتىگى، 9 - ايدىڭ 3 - كۇنى، بەيجيڭ (تىلشىلەر ما جويان، جي نيڭ). 9 - ايدىڭ 3 - كۇنى كەشتە مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن ماۆريتانيانىڭ زۇڭتۇڭى عازۋانيمەن كەزدەستى. ەكى ەل مەملەكەت باسشىلارى جۇڭگو - ماۆريتانيا قارىم - قاتىناسىن ستراتەگيالىق سەرىكتەستىك قارىم - قاتىناس دەڭگەيىنە كوتەرەتىندىكتەرىن جاريالادى.

شي جينپيڭ بىلاي دەپ باسا دارىپتەدى: جۇڭگو، ماۆريتانيا ەكى ەل − ءبىر - بىرىنە سەنەتىن جاقسى دوستار، ءبىر - بىرىنە قارايلاساتىن جاقسى باۋىرلاستار. ەكى جاق باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، ساياسي ءوزارا سەنىمدىلىكتى بەكەمدەپ، سەلبەستىك جەتىستىكتەرىن مولايتىپ، حالىق دوستىعىن جۇرت جۇرەگىنە تەرەڭ ۇيالاتتى. جۇڭگو جاق ماۆريتانياتىڭ جۇڭگونىڭ وزەكتى مۇددەسىنە ساياتىن ماسەلەلەردە جۇڭگومەن باتىل بىرگە بولعاندىعىن القايدى، ماۆريتانياتىڭ ءوز ەلىنىڭ جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي باتىل قولدايدى. جۇڭگو جاق ماۆريتانيا جاقپەن ”ءبىر بەلدەۋ، ءبىر جولدى“ بىرگە قۇرۋ سەلبەستىگىن ىلگەرىلەتىپ، بالىق شارۋاشىلىعى، نەگىزدىك قۇرىلعى سياقتى سالالارداعى سەلبەستىكتى تەرەڭدەتىپ، ماۆريتانيانىڭ اۋىل شارۋاشىلىعىنا، مال شارۋاشىلىعىنا كومەكتەسۋ تەحنيكاسىنان ۇلگى كورسەتۋ ورتالىعىنىڭ رولىن ساۋلەلەندىرىپ، جۇنساۋ ەگۋ تەحنيكاسى سەلبەستىگىن جەدەلدەتىپ، جۇڭگو - ماۆريتانيا قارىم - قاتىناسىن مەملەكەت پەن مەملەكەت اراسىنداعى دوستىق بارىس - كەلىستىڭ، سەلبەسىپ تەڭ يگىلىككە كەنەلۋدىڭ ۇلگىسى ەتىپ تۇلعالاۋدى قالايدى.

شي جينپيڭ عازۋانيدىڭ افريكا ەلدەرى وداعىنىڭ كەزەكتى ءتوراعاسى رەتىندە جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە دايىندالۋ ءۇشىن بەلسەندى ۇلەس قوسقاندىعىن القاپ، مىنانى ءبىلدىردى: جۇڭگو جاق ماۆريتانيا جاقپەن تىعىز سەلبەسىپ، وسى رەتكى باسشىلار ءماجىلىسىن وراي ەتىپ، جۇڭگو - افريكا حالىقتارىنىڭ كۇشىن ۇيىستىرىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن قۇرىپ، دۇنيە ءجۇزىنىڭ وڭتۇستىك ەلدەرىنىڭ دۇنيە جۇزىلىك باسقارۋداعى ءسوز بيلىگىن جانە ۋاكىلدىك سيپاتىن جوعارىلاتىپ، حالىقارالىق ادىلدىكتى، تۋراشىلدىقتى بىرگە قورعاۋدى قالايدى دەدى.

عازۋاني مىنالاردى ءبىلدىردى: ماۆريتانيا مەن جۇڭگونىڭ دوستىعى بەرىك، تەرەڭ، ماۆريتانيا جاق جۇڭگومەن دوستىق قارىم - قاتىناسىن ەرەكشە ماقتانىش ەتەدى. جۇڭگو جاقتىڭ ماۆريتانيانىڭ ەكونوميكالىق، قوعامدىق دامۋىنا، سونىڭ ىشىندە جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋىنە قاستەرلى قولداۋ كورسەتكەندىگىنە العىس ايتامىن. ماۆريتانيا جاق ءبىر جۇڭگو پرينسيبىنە تاباندى بولادى، ءبىر جۇڭگو پرينسيبىنە قايشى بارلىق ءسوز - ارەكەتكە باتىل قارسى تۇرادى. قازىر دۇنيە ءجۇزى كوپتەگەن حاۋىپ - قاتەر مەن سىن - سايىسقا ءدوپ كەلىپ وتىر، جۇڭگومەن سەلبەستىكتى تەرەڭدەتۋ − ماۆريتانيا سياقتى ەلدەردىڭ باياندى دامۋدى جۇزەگە اسىرۋىنىڭ ءۇمىتى. ماۆريتانيا مەن جۇڭگونىڭ پالەستينا قاتارلى كەلەلى ماسەلەلەردە تۇرعىسى ايرىقشا بىردەي. ەكى جاق تا باسقا ەلدەردىڭ ىشكى ىسىنە كيلىگۋگە باتىل قارسى تۇرادى، ءار ەلدى دەربەس، ءوز - وزىنە قوجايىن بولۋعا قۇرمەت ەتۋگە ۇندەيدى، زورلىقتى كۇشكە، ۇشقارىلىققا قارسى تۇرادى. ءتوراعا شي جينپيڭ العا قويعان ”ءبىر بەلدەۋ، ءبىر جولدى“ بىرگە قۇرۋ باستاماسى، سونداي - اق دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى، دۇنيە جۇزىلىك وركەنيەت باستاماسى ءار ەلدىڭ ورتاق حاۋىپسىزدىك پەن دامۋدى جۇزەگە اسىرۋى ءۇشىن جوبا ازىرلەدى، ماۆريتانيا ايرىقشا القايدى، بەلسەنە قولدايدى، جۇڭگومەن تىعىز سەلبەسىپ، وسى رەتكى جۇڭگو - افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ تابىستى بولۋىن ىلگەرىلەتىپ، افريكا مەن دۇنيە ءجۇزىنىڭ بەيبىتشىلىگى مەن دامۋىن جەبەۋدى كۇتەدى.

ۋاڭ ي كەزدەسۋدە بىرگە بولدى.

شي جينپيڭ افريكا ەلدەرى وداعى كوميتەتىنىڭ ءتوراعاسى فاكيمەن كەزدەستى

شينحۋا اگەنتتىگى، 9 - ايدىڭ 3 - كۇنى، بەيجيڭ (تىلشىلەر ۋىن شين، جينيڭ). 9 - ايدىڭ 3 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن افريكا ەلدەرى وداعى كوميتەتىنىڭ ءتوراعاسى فاكيمەن كەزدەستى.

شي جينپيڭ بىلاي دەپ اتاپ كورسەتتى: افريكا ەلدەرى وداعى − افريكانىڭ بىرلەسىپ ءوزىن الۋەتتەندىرۋىنىڭ تۋى جانە حالىقارالىق سەلبەستىك ورىستەتۋىنىڭ ماڭىزدى تۇعىرى. تاياۋ جىلداردان بەرى جۇڭگو افريكا ەلدەرى وداعىمەن ساياسي ءوزارا سەنىمدىلىگىن ۇزدىكسىز تەرەڭدەتىپ، حالىقارالىق جانە وڭىرلىك ىستەردە تىعىز سايكەستى. مەن جۇڭگونىڭ افريكا ەلدەرى وداعىنا كومەكتەسۋىندەگى افريكا اۋرۋدى تىزگىندەۋ ورتالىعىنىڭ سالىنىپ بولعانىن ءارى ىسكە قوسىلىپ، افريكانىڭ دەنساۋلىق ساقتاۋ ىستەرى مەن حالىقتىڭ سالاماتتىعى ءۇشىن ۇلەس قوسقانىن قۋانىشپەن كورىپ وتىرمىن. جۇڭگو جاق افريكا ەلدەرى وداعىنىڭ جۇڭگو - افريكا دوستىق ىستەرىندە اناعۇرلىم زور رول اتقارۋىن قولدايدى، وسى رەتكى جۇڭگو - افريكا سەلبەستىك تالقى مىنبەرىنىڭ باسشىلار ءماجىلىسىن وراي ەتىپ، جۇڭگونىڭ افريكا ەلدەرى وداعىمەن ءار سالاداعى سەلبەستىگىندە اناعۇرلىم كوپ جەتىستىكتەرگە قول جەتكىزۋىن ىلگەرىلەتىپ، جۇڭگو - افريكا تاعدىرلاس ورتاق تۇلعاسى قۇرىلىسىنىڭ تىڭ ساتىعا كوتەرىلۋىن ىلگەرىلەتۋدى قالايدى.

شي جينپيڭ بىلاي دەپ باسا دارىپتەدى: قازىر دۇنيە جۇزىندە 100 جىلدىق وزگەرىس جەدەل قۇبىلىپ، جۇڭگو مەن افريكانى قامتىعان بۇكىل دۇنيە ءجۇزىنىڭ وڭتۇستىگىنىڭ ايبىنى ەرەكشە كۇشەيىپ، دۇنيە ءجۇزىنىڭ بەيبىتشىلىگى مەن دامۋىنا ورنىقتىلىق پەن وڭ ەنەرگيا ۇستەدى. افريكا − دۇنيە جۇزىندەگى ماڭىزدى ۇيەك، جۇڭگو ديپلوماتياسىنىڭ ماڭىزدى الدىمەن ەسكەرىلەتىن بەتالىسى. جۇڭگو جاق افريكا جاقپەن ساياسي بارىس ـ كەلىستى جيىلەتىپ، ستراتەگيالىق ءوزارا سەنىمدىلىكتى تەرەڭدەتىپ، ناقتى سەلبەستىكتى كۇشەيتىپ، دامۋ تاجىريبەلەرىنەن بىرگە يگىلىكتەنىپ، بىرگە دامۋدى جەبەۋدى قالايدى. ىنتىماقتى، سەلبەستىكتى جيىلەتىپ، ءوزارا قولداۋدى بەكەمدەپ، دۇنيە ءجۇزىنىڭ تەڭ، ءتارتىپتى كوپ ۇيەكتەنۋىن، ەكونوميكانىڭ جالپىعا ءتيىمدى، سيىسىمدى جاھاندانۋىن دارىپتەپ، حالىقارالىق ادىلدىك پەن ادىلەتتىلىكتى جانە وركەندەپ كەلە جاتقان ەلدەردىڭ ورتاق مۇددەسىن بىرگە قورعاۋ كەرەك.

فاكي مىنانى ءبىلدىردى: مەن افريكا ەلدەرى وداعىنىڭ ءتوراعاسى بولعان 8 جىلدان بەرى افريكا وداعىنىڭ جۇڭگومەن قارىم ـ قاتىناسىنىڭ جەدەل دامۋىنا كۋا بولدىم، جۇڭگو جاقتىڭ، اسىرەسە، ءتوراعا شي جينپيڭنىڭ افريكا ـ جۇڭگو سەرىكتەستىك قارىم ـ قاتىناسىنىڭ دامۋىن جانە جۇڭگو ـ افريكا سەلبەستىك تالقى مىنبەرى مەحانيزمى قۇرىلىسىن جەبەۋدە ساۋلەلەندىرگەن كورنەكتى باسشىلىق قۋاتىنا العىس ايتامىن. جارىم عاسىردان استام ۋاقىتتان بەرى جۇڭگو باستان – اياق افريكانىڭ وتارشىلدىققا، يمپەرياليزمگە، ءتۇرلى ۇلتشىلدىق كەمسىتۋگە قارسى تۇرۋ كۇرەسىن قولداپ كەلدى، نەگىزدىك قۇرىلعى، دەنساۋلىق ساقتاۋ، ەنەرگيا، كاسىپ سالاسى، حاۋىپسىزدىك سياقتى سالالاردا افريكا ەلدەرىنە قاستەرلى كومەك كورسەتۋمەن بىرگە، افريكا ەلدەرى وداعىنىڭ 20 ەل توبىنا كىرۋىن الدىمەن قولدادى، افريكا جاق مۇنى ايرىقشا القايدى، شىن جۇرەكتەن العىس ايتادى. ءدال وسىلاي بولعاندىقتان، افريكا جاق ءبىر جۇڭگو ساياساتىن باتىل اتقارادى، جۇڭگونىڭ ءوزىنىڭ وزەكتى مۇددەسىن قورعاۋىن باتىل قولدايدى. ءتوراعا شي جينپيڭ العا قويعان ”ءبىر بەلدەۋ، ءبىر جولدى“ بىرگە قۇرۋ، دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى، دۇنيە جۇزىلىك وركەنيەت باستاماسى سياقتى جەلىلەس كەلەلى باستامالار ءار ەل حالقىن بەيبىتشىلىك پەن دامۋ ورايىنان بىرگە يگىلىكتەندىرۋگە كۇش سالدى، بۇل دۇنيە ءجۇزىنىڭ وڭتۇستىگىندەگى ەلدەردىڭ ىنتىماقتى، سەلبەستىكتى كۇشەيتىپ، دۇنيە جۇزىلىك باسقارۋ جۇيەسىنىڭ اناعۇرلىم ءادىل، ۇيلەسىمدى بولۋىن ىلگەرىلەتۋدە توتەنشە ماڭىزدى. افريكا جاق جۇڭگونىڭ شەشۋشى جەتەكشىلىك رولىن ۇزدىكسىز ساۋلەلەندىرىپ، افريكانىڭ وسىزاماندانۋىن، دۇنيە ءجۇزىنىڭ بەيبىتشىلىگى مەن دامۋىن جۇزەگە اسىرۋىنا كومەكتەسۋگە اناعۇرلىم زور ۇلەس قوسۋىن ءۇمىت ەتەدى.

ۋاڭ ي كەزدەسۋگە قاتىناستى.

كەلۋ قاينارى: حالىق تورابى