شي جينپيڭ مەن پىڭ لييۋان جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسقان حالىقارالىق سيلى قوناقتارعا قارسى الۋ قوناعاسىن وتكىزدى

9 - ايدىڭ 4 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان بەيجيڭدەگى حالىق سارايىندا قوناعاسى وتكىزىپ، جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن افريكا جاقتاعى جانە حالىقاراداعى سيلى قوناقتاردى قارسى الدى. سۋرەتتە: شي جينپيڭ ارناۋ ءسوز سويلەۋدە.

سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن

9 - ايدىڭ 4 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان بەيجيڭدەگى حالىق سارايىندا قوناعاسى وتكىزىپ، جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن افريكا جاقتاعى جانە حالىقاراداعى سيلى قوناقتاردى قارسى الادى. سۋرەتتە: قوناعاسىدان بۇرىن شي جينپيڭ مەن پىڭ لييۋان سيلى قوناقتارمەن توپتىق سۋرەتكە ءتۇسىپ، ەستەلىك قالدىرۋدا.

سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

شينحۋا اگەنتتىگى، 9 - ايدىڭ 4 - كۇنى، بەيجيڭ (تىلشىلەر ۋىن شين، دۇڭ شۋە). 9 - ايدىڭ 4 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان بەيجيڭدەگى حالىق سارايىندا قوناعاسى وتكىزىپ، جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءۇشىن جۇڭگوعا كەلگەن افريكا جاقتاعى جانە حالىقاراداعى سيلى قوناقتاردى قارسى الدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتىناستى.

9 - ايداعى بەيجيڭدە كۇز لەبى ەسەدى. ايبىندى حالىق سارايىندا جۇڭگونىڭ مەملەكەت تۋى مەن جۇڭگو - افريكا سەلبەستىك تالقى مىنبەرىنە مۇشە ەلدەردىڭ مەملەكەت تۋى، سونداي - اق افريكا ەلدەرى وداعىنىڭ تۋى ءبىر – بىرىنە كورىك بەرىپ تۇر.

تالقى مىنبەرىنىڭ باسشىلار ماجىلىسىنە قاتىناسقان 51 افريكا ەلىنىڭ مەملەكەت باسشىلارى، ۇكىمەت باسشىلارى جانە ولاردىڭ جۇبايلارى، 2 زۇڭتۇڭ ۋاكىلى، افريكا ەلدەرى وداعى كوميتەتىنىڭ ءتوراعاسى جانە بىرلەسكەن مەملەكەتتەر ۇيىمىنىڭ باس حاتشىسى قاتارلى سيلى قوناقتار ىركەس - تىركەس حالىق سارايىنا كەلدى. شي جينپيڭ مەن پىڭ لييۋان ىستىق ىقىلاسپەن قارسى الىپ، ولارمەن جەكە - جەكە قول الىسىپ امانداستى ءارى توپتىق سۋرەتكە ءتۇسىپ ەستەلىك قالدىردى.

ويناقى دا سۇيكىمدى ورەندەر مەن بالالار اسەم اندەردى شىرقاپ، افريكا بارابانىن شات مەرەيمەن سوعىپ، ءان ايتىپ، ءبي بيلەپ، الىستان كەلگەن حالىقارالىق سيلى قوناقتاردى قىزۋ قارسى الاتىندىقتارىن ءبىلدىردى.

تامىلجىعان قوناقتاردى قارسى الۋ مۋزىكاسى اۋەنى ىشىندە شي جينپيڭ مەن پىڭ لييۋان سيلى قوناقتارمەن بىرگە قوناعاسى زالىنا كىردى.

شي جينپيڭ ارناۋ ءسوز سويلەپ، جۇڭگو ۇكىمەتى مەن جۇڭگو حالقى اتىنان سيلى قوناقتاردى قىزۋ قارسى الدى.

شي جينپيڭ بىلاي دەپ اتاپ كورسەتتى: ءار جولى افريكاداعى دوستارمەن كەزدەسكەنىمدە مەن ايرىقشا جاقىن سەزىنەمىن، اسىرەسە، جۇڭگو - افريكا تاعدىرلاس ورتاق تۇلعاسى قۇرىلىسىنىڭ نەگىزى بەرىك، باستاماسى جوعارى، بولاشاعى كەڭ ەكەنىن، ادامزاتتىڭ تاعدىرلاس ورتاق تۇلعاسىن قۇرۋعا شۇعىلالى ۇلگى ورناتىلعانىن تەرەڭ سەزىنەمىن. جۇڭگو - افريكا تاعدىرلاس ورتاق تۇلعاسى ءداستۇرلى دوستىققا تامىر تارتىپ، سەلبەسىپ تەڭ يگىلىككە كەنەلۋدى ايگىلەپ، داۋىرمەن بىرگە العا باستى. جۇڭگو افريكا ەلدەرىمەن يمپەرياليزمگە، وتارشىلدىققا، زورەكەرلىككە قارسى تۇرۋ كۇرەسى بارىسىندا تىزە قوسا كۇرەس جۇرگىزىپ، دامۋ، گۇلدەنۋ، ارماندى ىسكە اسىرۋ، وسىزامانداندىرۋ جولىندا قول ۇستاسا العا باسىپ، جاڭا اعا جۇلدەگەرلىك بارىسىندا ءبىر - بىرىنە قارايلاسىپ، كەلەلى حالىقارالىق جانە وڭىرلىك ماسەلەلەردە تىزە قوسا سەلبەستى. حالىقارالىق جاعداي قالاي وزگەرسە دە، جۇڭگو - افريكا دوستىعى ۇزدىكسىز جالعاسىپ، ۋاقىت وتكەن سايىن بەكەمدەلە ءتۇستى.

شي جينپيڭ بىلاي دەپ باسا دارىپتەدى: تاعدىرلاس ورتاق تۇلعا قۇرۋ − ادامزاتتىڭ ورتاق ارمانى، وسىزامانداندىرۋ − ارماندى رەالدىقپەن جالعاۋدا، ءسوزسىز، باسىپ وتەتىن جول. بۇرىن بولسىن، الدە قازىر بولسىن، جۇڭگو مەن افريكا − تاعدىرلاس ورتاق تۇلعا قۇرۋدىڭ باستاماشىسى، بولاشاقتا دا، ءسوز جوق، وسىزامانداندىرۋ اياق الىسىنىڭ الدىڭعى لەگىندە قول ۇستاسا جۇرەدى. مەن 2 ميلليارد 800 ميلليوننان استام جۇڭگو - افريكا حالقى ءبىر نيەت، ءبىر تىلەكتە بولادى ەكەن، وسىزامانداندىرۋ جولىندا، ءسوز جوق، بىرگە شۇعىلالى ناتيجە جاراتىپ، دۇنيە ءجۇزىنىڭ وڭتۇستىگىن وسىزامانداندىرۋ ىستەرىنىڭ قارىشتاپ دامۋىنا جەتەكشىلىك ەتىپ، ادامزاتتىڭ تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوساتىندىعىنا سەنەمىن (ءسوزدىڭ تولىق مازمۇنىن «حالىق گازەتىنىڭ» 3 - بەتىنەن وقي الاسىزدار).

تالقى مىنبەرىنە تەڭ ءتوراعا ەل سەنەگالدىڭ زۇڭتۇڭى فايە افريكا جاقتىڭ باسشىلارى اتىنان دوسجار جۇڭگو حالقىنىڭ ىقىلاسپەن كۇتىپ العانىنا جانە جان - جاقتى ورنالاستىرعانىنا العىس ايتىپ، مىنالاردى ءبىلدىردى: افريكا - جۇڭگو دوستىعىنىڭ تامىرى تەرەڭ، ارىدان باستاۋ الادى، ەكى جاقتىڭ ۇستانىمى قارايلاس، ءوزارا تەڭ تۇرعىدا مامىلە جاسايدى، ءوزارا قۇرمەت ەتەدى، ءوزارا پايدا جەتكىزىپ، تەڭ يگىلىككە كەنەلەدى، ىنتىماقتاسا سەلبەسەدى، ەكەۋى دە اناعۇرلىم تەڭ، ءتارتىپتى، جالپىعا ءتيىمدى، سيىسىمدى دۇنيە ءجۇزىن قۇرۋدى دارىپتەيدى. ءتوراعا شي جينپيڭنىڭ باسشىلىعىندا، جۇڭگو ءوزىنىڭ تەز دامۋىن جۇزەگە اسىرۋمەن بىرگە، دۇنيە ءجۇزىنىڭ بەيبىتشىلىگى مەن ارتۋىن جەبەۋگە دە ماڭىزدى ۇلەس قوستى. افريكا جاق ءتوراعا شي جينپيڭ العا قويعان ءبىر قىدىرۋ ماڭىزدى باستامالاردى، سونداي - اق جۇڭگو - افريكا سەلبەستىگى تالقى مىنبەرىنىڭ مەحانيزم قۇرىلىسىن ىلگەرىلەتۋ ءۇشىن قوسقان ماڭىزدى ۇلەسىن ايرىقشا القايدى، جۇڭگو جاقپەن ىنتىماقتى، سەلبەستىكتى كۇشەيتىپ، افريكا - جۇڭگو جاپپاي ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتىپ، ورتاق مۇددەنى اناعۇرلىم ويداعىداي قورعاۋدى قالايدى.

قوناعاسىدان كەيىن شي جينپيڭ مەن پىڭ لييۋان سيلى قوناقتارمەن بىرگە «قول ۇستاسا بىرگە ىلگەرىلەپ، بولاشاققا بىرگە جول اشايىق» اتتى ادەبيەت - كوركەمونەر كونسەرتىن تاماشالادى. كونسەرتتە جۇڭگو مەن افريكانىڭ الۋان ءتۇرلى وركەنيەتىنىڭ كوركەمدىك جاعىنان توعىسۋىن، جۇڭگو مەن افريكا حالقىنىڭ ءوزارا ءتۇسىنىسىپ، ەتەنە بولۋىن ايگىلەپ، ىستىق ىقىلاسپەن دۇركىن - دۇركىن قول سوعىلدى.

ۋاڭ ي، يىن لي، لي شۋلەي، حى ليفىڭ، ۋاڭ شياۋحۇڭ قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى