شي جينپيڭ سەنەگالدىڭ زۇڭتۇڭى فايەمەن كەڭەس وتكىزدى

9 - ايدىڭ 4 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن سەنەگالدىڭ زۇڭتۇڭى فايەمەن كەڭەس وتكىزدى. كەڭەستەن بۇرىن شي جينپيڭ حالىق سارايىنىڭ سولتۇستىك زالىندا فايەنى قارسى الۋ سالتىن وتكىزدى. سۋرەتتە: شي جينپيڭ مەن حانىمى پىڭ لييۋان فايە جانە حانىمى ماريمەن بىرگە سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

9 - ايدىڭ 4 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن سەنەگالدىڭ زۇڭتۇڭى فايەمەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا فايەنى قارسى الۋ سالتىن وتكىزۋدە.

سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

شينحۋا اگەنتتىگى، 9 - ايدىڭ 4 - كۇنى، بەيجيڭ (تىلشىلەر ما جويان، ۋاڭ جۇنلۋ). 9 - ايدىڭ 4 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن سەنەگالدىڭ زۇڭتۇڭى فايەمەن كەڭەس وتكىزدى.

شي جينپيڭ بىلاي دەپ باسا دارىپتەدى: جۇڭگو مەن سەنەگال − مەملەكەتتىڭ دامۋ، گۇلدەنۋ جولىنداعى دوستار جانە سەرىكتەر. كوپ جىلدان بەرى ەكى جاق شىنايى دوستىق، تەڭ تۇرعىدا قۇرمەت ەتۋ، سەلبەسىپ تەڭ يگىلىككە كەنەلۋ رۋحىمەن سەلبەستىك ورىستەتىپ، ناقتى جەتىستىكتەرگە قول جەتكىزىپ، ەكى ەل حالقىن يگىلىككە كەنەلتتى. جۇڭگو جاق سەنەگال جاقپەن بىرگە ءوز - ءوزىنىڭ وسىزاماندانۋ جولىندا قول ۇستاسا العا باسىپ، ەكى ەلدىڭ جاپپاي ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى.

شي جينپيڭ بىلاي دەپ اتاپ كورسەتتى: جۇڭگو سەنەگالمەن ەل باسقارۋ تاجىريبەلەرى جونىندە اۋىس - كۇيىس جاساۋدى كۇشەيتىپ، ساياسي سەنىمدىلىكتى تەرەڭدەتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ۇزدىكسىز ءوزارا قولداۋ كورسەتۋدى قالايدى. دامۋ ستراتەگياسىن ۇشتاستىرۋدى كۇشەيتىپ، بىرگە دامۋدى جەبەۋ كەرەك. جۇڭگو جاق اۋىل شارۋاشىلىق تەحنيكا ماماندارىن ۇزدىكسىز جىبەرىپ، سەنەگالدىڭ ونەركاسىپ باقشا رايونىن قۇرۋىن قولداپ، جاڭا ەنەرگيا سياقتى جاڭادان گۇلدەنگەن سالالارداعى سەلبەستىكتى كەڭەيتىپ، سەنەگالدىڭ ونەركاسىپتەنۋ جانە اۋىل شارۋاشىلىعىن وسىزامانداندىرۋ اياق الىسىنا دەم بەرەدى. جۇڭگو مەن سەنەگالدىڭ كوپتەگەن كەلەلى حالىقارالىق ماسەلەدەگى تۇرعىسى قارايلاس، جۇڭگو سەنەگالمەن كوپ جاقتى سەلبەستىكتى نىعايتىپ، حالىقارالىق ادىلدىكتى، تۋراشىلدىقتى جانە وركەندەپ كەلە جاتقان ەلدەردىڭ ورتاق مۇددەسىن بىرگە قورعاۋدى قالايدى.

شي جينپيڭ بىلاي دەپ اتاپ كورسەتتى: جۇڭگو - افريكا سەلبەستىك تالقى مىنبەرى − وڭتۇستىك - وڭتۇستىك سەلبەستىگىنىڭ ”التىن ماركاسى“، حالىقارانىڭ افريكامەن سەلبەسۋىنە جەتەكشىلىك ەتىپ، دۇنيە ءجۇزىنىڭ بەيبىتشىلىگى مەن دامۋىنا ماڭىزدى ۇلەس قوستى. جۇڭگو مەن سەنەگال تالقى مىنبەرىنە تەڭ ءتوراعا ەل مىندەتىن اتقارعان 6 جىلدان بەرى جۇڭگو مەن افريكا ەكى جاق جاڭا تيپتى ايدارشا ۆيرۋس وكپە قابىنۋ ىندەتى سياقتى قيىنشىلىقتاردى جەڭىپ، الدىڭعى 2 كەزەكتى تالقى مىنبەرى ماجىلىسىندە العا قويىلعان ”سەگىز ءىرى ارەكەت“ پەن ”توعىز ينجەنەريانى“ ءساتتى ورىنداپ، جۇڭگو - افريكا قارىم - قاتىناسىنىڭ جاڭا كەزەڭگە ءوتۋىن ىلگەرىلەتتى. سەنەگال تالقى مىنبەرىنىڭ افريكا جاقتاعى 4 - كەزەكتى ورتاق ءتوراعا ەلى رەتىندە جۇڭگو مەن افريكانىڭ ىنتىماعىنا، سەلبەستىگىنە ماڭىزدى ۇلەس قوستى. جۇڭگو جاق سەنەگال جاقپەن تىعىز سەلبەسىپ، وسى رەتكى باسشىلار ءماجىلىسىنىڭ تابىستى بولۋىنا جەتەكشىلىك ەتىپ، جۇڭگو مەن افريكانىڭ وسىزاماندانۋىن قول ۇستاسا ىلگەرىلەتىپ، جۇڭگو مەن افريكا قارىم - قاتىناسىنىڭ جاڭا ساپارىن باستاۋدى قالايدى.

فايە مىنالاردى ءبىلدىردى: مەن جۇڭگودا تۇڭعىش رەت مەملەكەتتىك ساپاردا بولعانىمدى ءارى جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسقانىمدى داڭق سانايمىن. جۇڭگو جاقتىڭ ىستىق ىقىلاسپەن كۇتىپ الىپ، بىزگە جۇڭگونىڭ كوركەمدىگى مەن دوستىعىن سەزىندىرگەنىنە العىس ايتامىن. سەنەگال مەن جۇڭگو 2016 - جىلى جاپپاي ستراتەگيالىق سەلبەستىك سەرىكتەستىك قارىم - قاتىناس ورناتقاننان بەرى ەكى جاقتىڭ سەلبەستىگى ۇزدىكسىز ىلگەرىلەۋشىلىككە قول جەتكىزدى. سەنەگال - جۇڭگو سەلبەستىگىندە كوپتەگەن تابىستى نىسان اتقارىلىپ، سەنەگالدىڭ ەكونوميكالىق دامۋى مەن حالىق تۇرمىسىنىڭ جاقسارۋىن جەبەدى. سەنەگال جاق ءبىر جۇڭگو پرينسيبىنەن بۇلجىمايدى، ادامدىق ۇقىق ماسەلەسىن ساياسيلاندىرۋعا قارسى تۇرادى، جۇڭگو جاقپەن بىرگە سەنەگال - جۇڭگو دوستىعىن بەكەمدەۋگە، تەرەڭدەتۋگە كۇش سالادى، جۇڭگونىڭ پارتيانى باسقارۋداعى، مەملەكەتتى باسقارۋداعى تابىستى تاجىريبەلەرىنەن ۇيرەنىپ، ۇلگى الىپ، اۋىل شارۋاشىلىعى، ونەركاسىپ، سيفرلاندىرۋ، كاسىپتىك باۋلۋ، جاستار سياقتى سالالارداعى سەلبەستىكتى ىلگەرىلەتىپ، سەنەگال مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن اناعۇرلىم جوعارى دەڭگەيگە كوتەرۋدى قالايدى. جۇڭگو - افريكا سەلبەستىك تالقى مىنبەرىنىڭ قۇرىلۋى مەن دامۋى دوستىق سەنىمدىلىكتى، ءوزارا قۇرمەت ەتۋدى، ىنتىماقتاسا سەلبەسۋدى، ناقتى دا جوعارى ءونىمدى بولۋدى نەگىز ەتىپ، افريكانىڭ ەكونوميكاسى مەن قوعامىنىڭ دامۋىنا ماڭىزدى ۇلەس قوستى. سەنەگال جاق جۇڭگو جاقپەن تىعىز سەلبەسىپ، وسى رەتكى جۇڭگو - افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ تابىستى بولۋىنا كەپىلدىك ەتۋدى قالايدى. سەربيا جاق ءتوراعا شي جينپيڭ العا قويعان ”ءبىر بەلدەۋ، ءبىر جولدى“ بىرگە قۇرۋ باستاماسىن جانە دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن جوعارى باعالايدى، جۇڭگو جاقتىڭ بىرگە دامۋدى جانە ادىلدىكتى، تۋراشىلدىقتى ىلگەرىلەتۋگە كۇش سالعاندىعىن القايدى، جۇڭگو جاقپەن كوپ جاقتى تىلدەسۋدى، سەلبەسۋدى كۇشەيتۋدى قالايدى.

كەڭەستەن كەيىن ەكى ەل مەملەكەت باسشىلارى دۇنيە جۇزىلىك دامۋ باستاماسى، قارجى قوسۋ - ەكونوميكا سەلبەستىگى، ينفورماتسيا، حابارلاسۋ تەحنيكاسى، ادام كۇشى بايلىعى، جاسىل دامۋ سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويۋعا بىرگە كۋا بولدى.

ەكى جاق «جۇڭحۋا حالىق رەسپۋبليكاسى مەن سەنەگال رەسپۋبليكاسىنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتۋ، جوعارى دەڭگەيلى جۇڭگو - سەنەگال تاعدىرلاس ورتاق تۇلعاسىن ورناتۋ جونىندەگى بىرلەسكەن مالىمدەمەسىن» جاريالادى.

كەڭەستەن ىلگەرى شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا فايە مەن حانىمى ماريدى قارسى الۋ سالتىن وتكىزدى.

ۋاڭ ي جوعارىداعى قيمىلدارعا قاتىناستى.

كەلۋ قاينارى: حالىق تورابى