بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.09.05 15:59 كەلۋ قاينارى : حالىق تورابى
(2024 - جىلى 9 - ايدىڭ 4 - كۇنى، بەيجيڭ)
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
قۇرمەتتى فايە زۇڭتۇڭ،
قۇرمەتتى كاسىپتەستەر مەن حانىمدار،
دوستار، سيلى قوناقتار:
قايىرلى كەش!
كوپشىلىكپەن بىرگە جاڭا كەزەكتى جۇڭگو - افريكا سەلبەستىك تالقى مىنبەرى باسشىلار ءماجىلىسىن قارسى العانىما وتە قۋانىشتىمىن. مەن جۇڭگو ۇكىمەتى جانە جۇڭگو حالقى اتىنان، سونداي - اق حانىمىمەن بىرگە سيلى قوناقتاردى قىزۋ قارسى الامىن!
ارالاستىقتىڭ الىس - جاقىندىعى جوق، ارالىق قانشا الىس بولسا دا، كورشىلەردەي جاقىن وتۋگە بولادى. مەن كەزىندە افريكادا 10 رەت ساپاردا بولعانمىن، كوپتەگەن افريكا ەلى باسشىلارى جۇڭگوعا ساپارلاي كەلگەندە قارسى العانمىن. ءار جولى افريكاداعى دوستارمەن كەزدەسكەنىمدە مەن ايرىقشا جاقىن سەزىنەمىن، اسىرەسە، جۇڭگو - افريكا تاعدىرلاس ورتاق تۇلعاسى قۇرىلىسىنىڭ نەگىزى بەرىك، باستاماسى جوعارى، بولاشاعى كەڭ ەكەنىن، ادامزاتتىڭ تاعدىرلاس ورتاق تۇلعاسىن قۇرۋعا شۇعىلالى ۇلگى ورناتىلعانىن تەرەڭ سەزىنەمىن.
جۇڭگو - افريكا تاعدىرلاس ورتاق تۇلعاسى ءداستۇرلى دوستىققا تامىر تارتقان. وتكەن عاسىردىڭ ورتا شەنىنەن بەرى، ءبىز يمپەرياليزمگە، وتارشىلدىققا، زورەكەرلىككە قارسى تۇرۋ كۇرەسى بارىسىندا تىزە قوسا كۇرەس جۇرگىزىپ، دامۋ، گۇلدەنۋ، ارماندى ىسكە اسىرۋ، وسىزامانداندىرۋ جولىندا قول ۇستاسا العا باستىق. حالىقارالىق جاعداي قالاي وزگەرسە دە، جۇڭگو - افريكا دوستىعى ۇزدىكسىز جالعاسىپ، ۋاقىت وتكەن سايىن بەكەمدەلە ءتۇستى.
جۇڭگو - افريكا تاعدىرلاس ورتاق تۇلعاسى سەلبەسىپ تەڭ يگىلىككە كەنەلۋدە ايگىلەندى. 24 جىلدىڭ الدىندا جۇڭگو - افريكا سەلبەستىك تالقى مىنبەرى جاڭا عاسىردى قارسى الۋ ساتىندە شۇعىلاعا شومىپ ومىرگە كەلدى. وسى ماڭىزدى تۇعىردىڭ ارقاسىندا ءبىز قول ۇستاسىپ تاس جول، تەمىر جول، مەكتەپ، شيپاحانا، ونەركاسىپ باقشا رايونى، ەكونوميكالىق ەرەكشە رايون سياقتىلاردى ارت – ارتىنان سالىپ، سانسىز ادامنىڭ تۇرمىسى مەن تاعدىرىن وزگەرتتىك.
جۇڭگو - افريكا تاعدىرلاس ورتاق تۇلعاسى داۋىرمەن بىرگە العا باسۋدا. 2021 - جىلعى تالقى مىنبەرى داكار ماجىلىسىنەن بەرى ءبىز ”توعىز ينجەنەريا“ سياقتى ءماجىلىس جەتىستىكتەرىن تياناقتاندىرۋدى بار كۇشپەن ىلگەرىلەتىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا ءوزارا قارايلاسىپ، كومەكتەسىپ، كەلەلى حالىقارالىق جانە وڭىرلىك ماسەلەلەردە ءبىر جاعادان باس، ءبىر جەڭنەن قول شىعارىپ سەلبەسىپ، دۇنيە ءجۇزىنىڭ وڭتۇستىگىنىڭ كۇشتى ءداۋىر ءۇنىن بىرگە تاراتتىق.
دوستار، سيلى قوناقتار!
تاعدىرلاس ورتاق تۇلعا قۇرۋ − ادامزاتتىڭ ورتاق ارمانى، وسىزامانداندىرۋ − ارماندى رەالدىقپەن جالعاۋدا، ءسوزسىز، باسىپ وتەتىن جول. بۇرىن بولسىن، الدە قازىر بولسىن، جۇڭگو مەن افريكا − تاعدىرلاس ورتاق تۇلعا قۇرۋدىڭ باستاماشىسى، بولاشاقتا دا، ءسوز جوق، وسىزامانداندىرۋ اياق الىسىنىڭ الدىڭعى لەگىندە قول ۇستاسا جۇرەدى. مەن 2 ميلليارد 800 ميلليوننان استام جۇڭگو - افريكا حالقى ءبىر نيەت، ءبىر تىلەكتە بولادى ەكەن، وسىزامانداندىرۋ جولىندا، ءسوز جوق، بىرگە شۇعىلالى ناتيجە جاراتىپ، دۇنيە ءجۇزىنىڭ وڭتۇستىگىن وسىزامانداندىرۋ ىستەرىنىڭ قارىشتاپ دامۋىنا جەتەكشىلىك ەتىپ، ادامزاتتىڭ تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوساتىندىعىنا سەنەمىن.
قانەكي،
جۇڭگو جانە افريكاداعى ءار ەلدىڭ گۇلدەنىپ – كوركەيۋى، حالىقتىڭ باقىتى ءۇشىن،
جۇڭگو - افريكا حالقىنىڭ ۇرپاقتار بويى دوس بولىپ ءوتۋى ءۇشىن،
وسى رەتكى باسشىلار ءماجىلىسىنىڭ ءساتتى وتكىزىلۋى ءۇشىن،
سيلى قوناقتار مەن وتباسىنداعىلاردىڭ دەنساۋلىعى ءۇشىن،
توست كوتەرەيىك!
(شينحۋا اگەنتتىگى، 9 - ايدىڭ 4 - كۇنى، بەيجيڭ)
كەلۋ قاينارى: حالىق تورابى
