كوپ جەر ساباق ارالىعىنداعى دەمالىستى 15 مينۋتقا ۇزارتۋدى بەلگىلەدى

جۋىردا وقۋشىلاردىڭ ساباق ارالىعىنداعى دەمالىسىنا كەپىلدىك ەتۋ، بالالاردىڭ اناعۇرلىم ساۋ دەنەلى ەسەيىپ – ەرجەتۋىنە شارت – جاعداي جاراتۋ ءۇشىن، كوپ جەر ساباق ارالىعىنداعى دەمالىس ۋاقىتىن ۇزارتۋدى جاريالادى.

9 – ايدىڭ 5 – كۇنى، جياڭسۋ ولكەسى ۋشي قالاسى شين – ۋ رايوندىق وقۋ – اعارتۋ مەكەمەسى حابار جاريالادى، بيىل كۇزگى وقۋ ماۋسىمىنان باستاپ، شين – ۋ رايونىنداعى مىندەتتى وقۋ – اعارتۋ كەزەڭىندەگى مەكتەپتەردە ساباق ارالىعىنداعى دەمالىستى 15 مينۋتقا ۇزارتۋ، ءار كۇنى ءبىر ساعات دەنە تاربيە ساباعىن ورنالاستىرۋ جاپپاي اتقارىلادى، وقۋشىلاردىڭ ءار كۇنى مەكتەپتە دەنە تاربيەلىك جاتتىعۋعا قاتىناسۋ ۋاقىتىنىڭ 100 مينۋتتان كەم بولماۋىنا تولىق كەپىلدىك ەتەدى.

مۇنان سىرت، ىشكى موڭعۇلدىڭ وردوس قالاسى جۇڭعار حوشوۋنى توعىسپالى مەديا ورتالىعىنىڭ حابارلاۋىنشا، بيىل كۇزگى وقۋ ماۋسىمىنان باستاپ، مىندەتتى وقۋ – اعارتۋ كەزەڭىندەگى مەكتەپتەردە ءىس جۇزىندىك جاعدايعا قاراي وتىرىپ، ساباق ارالىعىنداعى دەمالىستى ءبىرتۇتاس جاقسارتۋ جونىندە ورنالاستىرۋ جاسالعان، پرينسيپتىك جاقتان، ساباق ارالىعىنداعى دەمالىس ۋاقىتىنىڭ 15 مينۋت بولۋى تياناقتاندىرىلادى، ساباق ارالىعىنداعى دەمالىستى جاقسارتىپ رەتتەگەننەن كەيىن، باستاۋىش مەكتەپ كەزەڭىندە تۇستەن بۇرىن مەكتەپكە بارۋ، تۇستەن كەيىن مەكتەپتەن تاراۋ جانە تۇسكى دەمالىس، تۇسكى تاماق ۋاقىتتارى وزگەرمەيدى.

وسىنىڭ الدىنداعى حابارعا قاراعاندا، بيىل كۇزگى وقۋ ماۋسىمىنان باستاپ، بەيجيڭ قالاسىندا مىندەتتى وقۋ – اعارتۋ كەزەڭىندەگى مەكتەپتەردە ساباق ارالىعىنداعى دەمالىس تۇلعالىق جاقتان ءبىرتۇتاس جوسپارلاپ جاقسارتۋ جونىندە ورنالاستىرۋ جاسالعان، پرينسيپتىك جاقتان، ساباق ارالىعىنداعى دەمالىستىڭ 15 مينۋتتان كەم بولماۋىن تياناقتاندىرىپ، ساباق ارالىعىندا اناعۇرلىم جەتكىلىكتى دەمالىس ۋاقىتىن بەرىپ، وقىتۋشىلار مەن وقۋشىلاردى كلاستان شىعىپ، دالاعا بارىپ، كۇن ساۋلەسىنە شومۋعا جەتەلەيدى.

كەلۋ قاينارى: حالىق تورابى