44 ادامنىڭ فۋتبولمەن قاتىستى ىستەرمەن شۇعىلدانۋىنا ماڭگىلىك تيىم سالىندى 

9 – ايدىڭ 10 – كۇنى تۇستەن بۇرىن، مەملەكەتتىك دەنە تاربيە باس مەڭگەرمەسى مەن قوعام حاۋىپسىزدىگى مينيسترلىگى لياۋنيڭنىڭ داليان قالاسىندا فۋتبول كاسىپتىك بىرلەسكەن جارىسىنا قاتىستى قارالىق ىستەۋ، قۇمار ويناۋ، سۇرقيالىق ىستەۋ قاتارلىلاردى ارناۋلى جونگە سالۋ جونىندەگى اقپارات جاريالاۋ ءماجىلىسىن اشتى. 2022 – جىلدان بەرى، قوعام حاۋىپسىزدىگى مينيسترلىگى ءتۇيىندى تۇردە لياۋنيڭ قاتارلى جەرلەردەگى قوعام حاۋىپسىزدىگى ورگاندارىنا فۋتبولعا قاتىستى قۇمار ويناۋ، قارالىق ىستەۋ ارەكەتتەرىن انىقتاۋدى تاپسىرعان، ينتەرنەت ارقىلى فۋتبولعا قاتىستى قۇمار ويناۋ، جارىستى مەڭگەرۋ، پارا الۋ جانە پارا بەرۋ قاتارلى زاڭعا قايشى قىلمىستارعا سوققى بەرۋدى ءبىرتۇتاس جوسپارلاپ، قىلمىس كۇماندىلارىنان 128 ادامدى تۇتقىنداعان، ينتەرنەت ارقىلى قۇمار وينايتىن 12 توپتى تالقانداپ، قىلمىس كۇماندىلارى قۇمار ويناعان، قارالىق ىستەگەن جارىستاردان 120 جارىستى انىقتاپ تۇراقتاندىرعان، دەلوعا قاتىستى فۋتبولشىلاردان، تورەشىلەردەن، جاتتىقتىرۋشىلاردان، كلۋبتاردىڭ باسقارۋشىلارىنان 83 ادامعا زاڭ بويىنشا قىلمىستىق ىستەرگە ساياتىن ماجبۇرلەۋ شاراسىن اتقارعان. مۇنان سىرت، اقپار جاريالاۋ ماجىلىسىندە جۇڭگو فۋتبول بىرلەستىگىنىڭ فۋتبولمەن شۇعىلداناتىن، وسى دەلوعا قاتىستى 61 ادامدى تارتىپتىك جاقتان جازالاۋ جاعدايى جاريالانعان. مۇنىڭ ىشىندە، 40 نەشە ادامنىڭ ەلىمىزدە فۋتبولمەن قاتىستى ءارقانداي ىسپەن شۇعىلدانۋىنا ماڭگىلىك تيىم سالىنعان.

كەلۋ قاينارى؛ حالىق تورابى