شي جينپيڭ شاڭحاي سەلبەستىك ۇيىمى ايەلدەر تالقى مىنبەرىنە قۇتتىقتاۋ حاتىن جولدادى

شينحۋا اگەنتتىگى، 9 - ايدىڭ 11 - كۇنى، بەيجيڭ. 9 - ايدىڭ 11 - كۇنى مەملەكەت ءتوراعاسى شي جينپيڭ شاڭحاي سەلبەستىك ۇيىمى ايەلدەر تالقى مىنبەرىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: ايەلدەر − ادامزات وركەنيەتى مەن قوعامنىڭ العا باسۋىنىڭ ماڭىزدى ىلگەرىلەتۋشىسى، ءار سالا، ءار كاسىپتە كەرەمەت جەتىستىكتەردى جازۋدا. شاڭحاي سەلبەستىك ۇيىمى ايەلدەر تالقى مىنبەرى وتكىزىلگەننەن بەرى ءار ەل ايەلدەرى ”شاڭحاي رۋحىن“ ۇستانىپ، اناعۇرلىم تىعىز شاڭحاي سەلبەستىك ۇيىمى تاعدىرلاس ورتاق تۇلعاسىن قۇرۋدى ىلگەرىلەتۋگە جەلەكتىلەر كۇشىن قوستى. تالقى مىنبەرىنىڭ ءار ەل حالقىنىڭ ەتەنە، جۇرەكتەس بولۋ سىندى بەلسەندى رولىن ۇزدىكسىز ساۋلەلەندىرىپ، شاڭحاي سەلبەستىك ۇيىمىنىڭ گۋمانيتارلىق دانەكەرىن نىعايتۋعا تىڭ قوزعاۋشى كۇش ۇستەۋىن ءۇمىت ەتەمىن. جۇڭگو ءار جاقپەن بىرگە سيفرلىق قۋات ارقىلى عىلىم - تەحنيكادا جاڭالىق اشۋدى جانە ايەلدەر ىستەرىنىڭ دامۋىن ىلگەرىلەتىپ، اناعۇرلىم كوركەم شاڭحاي سەلبەستىك ۇيىمى مەكەنىن بىرگە قۇرۋدى قالايدى.

شاڭحاي سەلبەستىك ۇيىمىنىڭ ايەلدەر تالقى مىنبەرى سول كۇنى شاندۇڭ ولكەسىنىڭ چيڭداۋ قالاسىندا اشىلدى، مەملەكەتتىك ايەلدەر بىرلەستىگى، شاڭحاي سەلبەستىك ۇيىمى تاتۋ كورشىلىك، دوستىق سەلبەستىك كوميتەتى، شاندۇڭ ولكەلىك حالىق ۇكىمەتى، شاڭحاي سەلبەستىك ۇيىمى حاتشىلار باسقارماسى بىرگە وتكىزدى.

كەلۋ قاينارى: حالىق تورابى