وقۋ – اعارتۋ مينيسترلىگى: جاڭا وقۋ ماۋسىمىندا ورتا – باستاۋىش مەكتەپ ساباقحانالارىنىڭ جارىق ءتۇسۋ، جارىقتاندىرۋ جاعدايىن جاپپاي تەكسەرەدى

ءتىلشىنىڭ 9 – كەزەكتى مەملەكەتتىك الىستى كورە الماۋدان ساقتانۋ جانە ونى تىزگىندەۋ ۇگىت ـ تاربيە ايى تاقىرىبىنداعى ىلگەرىلەتۋ قيمىلىنان ۇعىسۋىنشا، جاڭا وقۋ ماۋسىمىندا جەر ـ جەردەگى وقۋ ـ اعارتۋ اكىمشىلىك تاراۋلارى ورتا، باستاۋىش مەكتەپ ساباقحانالارىنىڭ جارىق ءتۇسۋ، جارىقتاندىرۋ جاعدايىن جاپپاي تەكسەرىپ، بالالار باقشاسى مەن باستاۋىش مەكتەپ وقۋشىلارىنىڭ الىستى كورە الماۋىنان ساقتانۋدى كۇشەيتەدى.

9 – ايدىڭ 12 - كۇنى 9 ـ رەتكى مەملەكەتتىك الىستى كورە الماۋدان ساقتانۋ جانە ونى تىزگىندەۋ ۇگىت ـ تاربيە ايى تاقىرىپتىق ىلگەرىلەتۋ قيمىلى جانە بەيجيڭ ـ تيانجين ـ حىبەيدىڭ الىستى كورە الماۋىنان ساقتانۋ جانە ونى تىزگىندەۋ قىزمەتى جونىندەگى اڭگىمە ءماجىلىسى حىبەي ولكەسىنىڭ شىجياجۋاڭ قالاسىندا وتكىزىلدى. بەيجيڭ، تيانجين، حىبەي 3 جەر سەلبەستىكتى كۇشەيتىپ، الىستى كورە الماۋدان ساقتانۋ جانە ونى تىزگىندەۋ قىزمەتىن ىلگەرىلەتتى. بيىل كۇزگى وقۋ ماۋسىمىندا بەيجيڭ قالاسى مىندەتتى وقۋ - اعارتۋ ساتىسىنداعى مەكتەپتەردىڭ ساباق ارالىعىنداعى ۋاقىتىن 15 مينۋتقا ۇزارتىپ ساپالىلاندىرىپ، ساباق ارالىق قيمىل ورنالاستىرۋىن تياناقتاندىرىپ، وقىتۋشى - وقۋشىلاردى كلاستان دالاعا شىعىپ جۇرۋگە جەتەكتەدى؛ تيانجين قالاسىنىڭ مىندەتتى وقۋ - اعارتۋ ساتىسىنداعى مەكتەپتەر ءار كۇنى ءبىر ساعات دەنە تاربيە ساباعىن اشىپ، ورتا، باستاۋىش مەكتەپ وقۋشىلارىنىڭ ءار كۇنى 2 ساعات دەنە شىنىقتىرۋىنا كەپىلدىك ەتتى؛ حىبەي ولكەسى ورتا - باستاۋىش مەكتەپ وقۋشىلارىن سارالاپ تەكسەرىپ ارحيۆ تۇرعىزۋمەن بىرگە، بۇكىل ولكەدەگى 0 دەن 6 جاس ارالىعىنداعى بالالاردى ينفورماتسيالاندىرىپ باسقارۋ جۇيەسى مەن باسقا جەرگە جوتكەپ دياگنوز قويۋ مەحانيزمىن ورناتتى.

تانىستىرۋعا قاراعاندا، جەر - جەردەگى وقۋ - اعارتۋ اكىمشىلىك تاراۋلارى، ورتا، باستاۋىش مەكتەپتەر مەن بالالار باقشاسى ساباقحانالارىنىڭ جارىق ءتۇسۋ جانە جارىقتاندىرۋ شارت - جاعدايىن جاپپاي تەكسەرەدى. سونىمەن بىرگە، ورتا، باستاۋىش مەكتەپتەر ءبىر رەت كورۋ قۋاتىن تەكسەرۋدى قانات جايدىرادى، مۇندا جازعى دەمالىستان مەكتەپكە ورالعاننان كەلگەننەن كەيىنگى كورۋ قۋاتىنىڭ وزگەرىس جاعدايىنا ءتۇيىندى تۇردە نازار اۋداردى.

كەلۋ قاينارى: حالىق تورابى