ەكى تاراۋ جاڭا بەلگىلەمە شىعاردى، موتورلى كولىكتەردىڭ لاس شىعارۋىن تەكسەرۋدى جالعاننان جاساۋ ارەكەتتەرىن قاتاڭ جازالايدى

تاياۋدا، ەكولوگيالىق ورتا مينيسترلىگى مەن بازار باقىلاۋ - باسقارۋ باس مەكەمەسى بىرلەسىپ «موتورلى كولىكتەردىڭ لاس شىعارۋىن تەكسەرۋ قۇرىلىمدارىنىڭ لاس شىعارۋىن تەكسەرۋ ناتيجەسىن جالعاننان جاساۋ نەمەسە لاس شىعارۋىن جالعان تەكسەرۋ مالىمەتىن بەرۋ جاعدايى اۋىر بولۋدى بەلگىلەۋ ولشەمى جونىندەگى پىكىردى» شىعاردى.

«پىكىردە» «جۇڭحۋا حالىق رەسپۋبليكاسىنىڭ اتموسفەرانىڭ لاستانۋىنان ساقتانۋ جانە ونى جونگە سالۋ زاڭىنىڭ» 112 – تارماعىنا ساي، ”جاعدايى اۋىر“ دەگەنگە تۇجىرىم جاساۋ ولشەمىن تۇڭعىش رەت ناقتىلاندىردى. بۇل 2 جىل ىشىندە جالعاندىق ىستەۋ ارەكەتى سەبەبىنەن ءبىر رەت اكىمشىلىك جازا بەرىلسە دە جالعاستى جالعاندىق ىستەۋ نەمەسە جالعاندىق ىستەۋ ارەكەتى 10 نان ارتىق اۆتوكولىككە سايۋ قاتارلى جاعدايلاردى قامتيدى. بۇل جونىندە ەكولوگيالىق ورتانى باسقارۋشى تاراۋلار زاڭ بويىنشا قاتاڭ جازالاۋى، بازار باقىلاۋ - باسقارۋ تاراۋلارى ونىڭ تەكسەرۋ تولىمدىلىعىن زاڭ بويىنشا كۇشىنەن قالدىرۋى كەرەك.

پىكىر جاريالانعان كۇننەن باستاپ اتقارىلادى.

كەلۋ قاينارى: حالىق تورابى