توعىز تاراۋ جوبا باسىپ تاراتىپ، قىزمەت وتەۋ جاعىنداعى تۇتىنۋدى ىلگەرىلەتىپ، حالىققا تيىمدىلىك جاراتۋدىڭ ساپاسىن جوعارىلاتادى 

حالىق گازەتىنىڭ ءتىلشىسى ۋاڭ كى 4 – ايدىڭ 17 – كۇنى بەيجيڭنەن حابارلايدى. ساۋدا مينيسترلىگى قاتارلى 9 تاراۋ جۋىردا «قىزمەت وتەۋ جاعىنداعى تۇتىنۋدىڭ ساپاسىن جوعارىلاتىپ، حالىققا تيىمدىلىك جاساۋ ارەكەتىنىڭ 2025 – جىلعى قىزمەت جوباسىن» بىرگە باسىپ تاراتىپ، قىزمەت وتەۋمەن قامداۋدى كەڭەيتۋ، كوپ نەگىزدەنگەن قىزمەت وتەۋ ورىسىندە جاڭالىق جاراتۋ، قىزمەت وتەۋدىڭ ساپاسىن جوعارىلاتۋ، تۇتىنۋ اسەرىن جاقسارتۋ، قىزمەت وتەۋ جاعىنداعى تۇتىنۋدىڭ دامۋ كومەسكى قۋاتىن اشۋ جاقتارىن ىلگەرىلەتىپ، ەكونوميكانىڭ جوعارى ساپالى دامۋىنا پارمەندى تىرەك ازىرلەيدى.

قىزمەت جوباسىندا ساياساتتىق قولداۋ كورسەتۋ، ىلگەرىلەتۋ جاعىنداعى قيمىلداردى ورىستەتۋ، تەكشەلىك تاسىمالداۋشىلاردى ورناتۋ، شەتەلگە ەسىك اشۋدى كەڭەيتۋ، ولشەم جاساۋدا باستاماشىلدىق ەتۋدى جاقسارتۋ قاتارلى 6 ءتۇرلى جاقتى توڭىرەكتەي وتىرىپ، 48 ءتۇرلى ناقتى مىندەت شاراسى ورتاعا قويىلعان، اس – سۋ، جاتاق، دەنساۋلىق ساقتاۋ، مادەنيەت جانە كوڭىل اشۋ، ساياحات جانە دەمالىس، دەنە تاربيە جارىستارى قاتارلى باستى سالالاردى قامتۋمەن بىرگە، ساياحات پويەزى، كوك جۇزىندە سەيىلدەۋ، پاراشوتپەن سەكىرۋ جانە ۇشۋ، اسا تۇنىق تەلەۆيزور، ميكرو – قىسقا فيلمدەر قاتارلى جاڭا گۇلدەنگەن كاسىپ سالالارى مەن جاڭا ورىستەردى قامتيدى.

كەلۋ قاينارى: حالىق تورابى