شي جينپيڭ پنومپەنگە باردى، الدا كامبودجادا مەملەكەتتىك ساپاردا بولادى

سول جەر ۋاقىتى 4 - ايدىڭ 17 - كۇنى تۇستەن بۇرىن مەملەكەت ءتوراعاسى شي جينپيڭ ارناۋلى ۇشاقپەن پنومپەنگە باردى، الدا كامبودجانىڭ پاتشاسى سيحامونيدىڭ ۇسىنىسىمەن كامبودجادا مەملەكەتتىك ساپاردا بولادى. مەملەكەت پاتشاسى سيحاموني شاكارپىن حانزادا، الۇن حانىشا قاتارلى پاتشا اۋلەتىنىڭ مۇشەلەرىن، حالىق پارتياسىنىڭ ءتوراعاسى، كەڭەس پالاتاسىنىڭ ءتوراعاسى حۇڭسىن، پارلامەنت ءتوراعاسىنىڭ ءبىرىنشى ورىنباسارى چيان يە جانە گوسوپا، بلاسوكۇن، حانچۇننارو، شاۋسوكا، حۇڭماني قاتارلى بەس ورىنباسار ءۋازىردى باستاپ اۋەجايدا قىزۋ قارسى الدى. سۋرەتتە: شي جينپيڭ سيحامونيمەن ىقىلاسپەن قول الىسۋدا.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

سول جەر ۋاقىتى 4 - ايدىڭ 17 - كۇنى تۇستەن بۇرىن مەملەكەت ءتوراعاسى شي جينپيڭ ارناۋلى ۇشاقپەن پنومپەنگە باردى، الدا كامبودجانىڭ پاتشاسى سيحامونيدىڭ ۇسىنىسىمەن كامبودجادا مەملەكەتتىك ساپاردا بولادى. سيحاموني اۋەجايدا شي جينپيڭگە ارناپ سالتاناتتى قارسى الۋ سالتىن وتكىزدى. سۋرەتتە: شي جينپيڭ سيحامونيدىڭ سەرىك بولۋىندا قۇرمەت قاراۋىلىن كوزدەن كەشىرۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 4 - ايدىڭ 17 - كۇنى، پنومپەن (تىلشىلەر ۋاڭ جوۋ، چىڭ شىجيە). سول جەر ۋاقىتى 4 - ايدىڭ 17 - كۇنى تۇستەن بۇرىن مەملەكەت ءتوراعاسى شي جينپيڭ ارناۋلى ۇشاقپەن پنومپەنگە باردى، الدا كامبودجانىڭ پاتشاسى سيحامونيدىڭ ۇسىنىسىمەن كامبودجادا مەملەكەتتىك ساپاردا بولادى.

شي جينپيڭ ارناۋلى ۇشاقپەن پنومپەندەگى حالىقارالىق اۋەجايعا بارعاندا، مەملەكەت پاتشاسى سيحاموني شاكارپىن حانزادا، الۇن حانىشا قاتارلى پاتشا اۋلەتىنىڭ مۇشەلەرىن، حالىق پارتياسىنىڭ ءتوراعاسى، كەڭەس پالاتاسىنىڭ ءتوراعاسى حۇڭسىن، پارلامەنت ءتوراعاسىنىڭ ءبىرىنشى ورىنباسارى چيان يە جانە گوسوپا، بلاسوكۇن، حانچۇننارو، شاۋسوكا، حۇڭماني قاتارلى بەس ورىنباسار ءۋازىردى باستاپ اۋەجايدا قىزۋ قارسى الدى. قۇرمەت قاراۋىلى قىزىل كىلەمنىڭ ەكى جاعىندا ساپ تۇزەپ تۇردى. كامبودجا پاتشا اۋلەتىندەگى جىننا حانىشا شي جينپيڭگە جۇپارگۇل ساقيناسىن ۇسىندى، بويجەتكەندەر جول بويى قىزىل كىلەمگە گۇل جاپىراقشاسىن شاشتى.

سيحاموني اۋەجايدا شي جينپيڭگە ارناپ سالتاناتتى قارسى الۋ سالتىن وتكىزدى.

ەكى ەلدىڭ مەملەكەت باسشىلارى قۇرمەت قاراۋىلى مىنبەسىنە شىقتى. اسكەري وركەستر جۇڭگو مەن كامبودجانىڭ مەملەكەت اندەرىن ورىندادى. شي جينپيڭ سيحامونيدىڭ سەرىك بولۋىندا قۇرمەت قاراۋىلىن كوزدەن كەشىردى. ەكى ەل مەملەكەت باسشىلارى جەكە - جەكە قارسى جاقتان سەرىك بولىپ كەلگەندەرمەن قول الىسىپ قۇرمەت ءبىلدىردى.

نەشە جۇزدەگەن جەرگىلىكتى بۇقارا ەكى ەلدىڭ مەملەكەت تۋىن بۇلعاپ، قولدارىنا ”كامبودجا مەن جۇڭگونىڭ دوستىعى، ىنتىماعى، سەلبەستىگى جاساسىن!“ دەگەن سياقتى جازۋلار جازىلعان قىزىل كەرمە تۋ كوتەرىپ، شي جينپيڭنىڭ ساپارلاي كەلگەندىگىن قىزۋ قارسى الدى.

شي جينپيڭ جازباشا ءسوز سويلەپ، كامبودجانىڭ ءداستۇرلى جاڭا جىلى قارساڭىندا كامبودجا ۇكىمەتى مەن حالقىنا جاڭا جىلدىق ىزگى تىلەك ءبىلدىردى.

شي جينپيڭ بىلاي دەپ اتاپ كورسەتتى: جۇڭگو - كامبودجا قارىم - قاتىناسىن ەكى ەلدىڭ اعا بۋىن باسشىلارى ءوز قولدارىمەن نەگىز قالاپ، دەن قويا جەتىلدىرگەن، حالىقارالىق اۋمالى - توكپەلى وزگەرىستەردىڭ سىنىنان ءوتىپ، باستان - اياق بولاتتاي بەرىك بولىپ كەلەدى. ەكى ەل ەكى جاقتى تاعدىرلاس ورتاق تۇلعانى الدىمەن قۇرىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىن الدىمەن ورىستەتىپ، ءوز ەلدەرىنىڭ ورنىقتىلىعىن قورعاۋ، دامۋدى، گۇلدەنۋدى جەبەۋ ىستەرىندە ءبىرىن - ءبىرى قولداپ، حالىقارالىق ادىلدىكتى، تۋراشىلدىقتى قورعاۋ كۇرەسىندە ىنتىماقتاسا سەلبەسىپ، جاڭاشا حالىقارالىق قارىم - قاتىناس ورناتۋعا ۇلگى ورناتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇلەس قوستى.

مەن كامبودجا باسشىلارىمەن دوستىقتى بىرگە اڭگىمەلەپ، دامۋدى بىرگە جوسپارلاپ، جۇڭگو مەن كامبودجانىڭ ”گاۋھاردىڭ التى جاعى“ سەلبەستىك جۇلگەسىن ۇزدىكسىز تولىقتاپ، ستراتەگيالىق سەلبەستىكتى تەرەڭدەتىپ، ەكى ەل حالقىنا اناعۇرلىم مول باقىت اكەلۋدى، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىنە، ورنىقتىلىعىنا اناعۇرلىم مول وڭ ەنەرگيا ۇستەۋدى كۇتەمىن.

ساي چي، ۋاڭ ي، ۋاڭ شياۋحۇڭ قاتارلى ساپارلاستارى وسى ۇشاقپەن بىرگە باردى.

جۇڭگونىڭ كامبودجادا تۇراتىن باس ەلشىسى ۋاڭ ۋىنبين دە اۋەجايعا بارىپ قارسى الدى.

شي جينپيڭ اۋەجايدان قوناقجايعا بارار جولدا جەرگىلىكتى بۇقارادان، سونداي - اق حۋاچياۋ، حۋارىنداردىڭ، جۇڭگو قارجىلاندىرعان كاسىپورىنداردىڭ جانە شەتەلدە وقىپ جاتقان وقۋشىلاردىڭ ۋاكىلدەرىنەن 20 مىڭنان استام ادام كوشەنىڭ ەكى جاعىن قاۋمالاپ، جۇڭگو مەن كامبودجانىڭ مەملەكەت تۋىن بۇلعاپ، ەكى ەل باسشىلارىنىڭ سۋرەتىن ۇستاپ، شي جينپيڭنىڭ ساپارلاي كەلگەندىگىن قىزۋ قارسى الدى.

كەلۋ قاينارى: حالىق تورابى