بازاردى باقىلاۋ – باسقارۋ تاراۋلارى اۋىل – قىستاقتاعى جالعان – جارامسىز ازىق – تۇلىكتەردى ارناۋلى تۇردە جونگە سالادى 

حالىق گازەتىنىڭ ءتىلشىسى لين ليلي 4 – ايدىڭ 20 – كۇنى بەيجيڭنەن حابارلايدى. ءتىلشىنىڭ بازاردى باقىلاۋ – باسقارۋ باس مەڭگەرمەسىنەن ۇعىسۋىنشا، مەملەكەتتىك بازاردى باقىلاۋ – باسقارۋ جۇيەسى اۋىل – قىستاقتاعى جالعان – جارامسىز ازىق – تۇلىكتەردى ارناۋلى جونگە سالۋ ارەكەتىن ورىستەتىپ، شوعىرلى تۇردە جونگە سالۋ، زاڭعا قايشى ارەكەتتەردى قاتاڭ جازالاۋ ارقىلى اۋىل – قىستاقتاعى ازىق – تۇلىك حاۋىپسىزدىگىنە ساياتىن تۇتىنۋ ورتاسىن كۇش سالا پاكتەندىرىپ، حالىق جۇرتشىلىعىنىڭ اس – سۋ حاۋىپسىزدىگىن شىنايى قامتاماسىزداندىرادى.

وسى رەتكى ارناۋلى جونگە سالۋ ارەكەتىندە مىناداي 3 جاقتان ءتۇيىندى تۇردە جونگە سالۋ مىندەتى ايقىن تۇراقتاندىرىلعان. بىرىنشىدەن، شيكىزاتتاردىڭ لاستانۋى ماسەلەسىنە باعىتتاي وتىرىپ، كەلۋ قاينارى انىق ەمەس، تەكسەرۋ – كارەنتيندەۋدەن وتپەگەن ت.ب. ەتتەردى، اۋىر مەتال قاتارلى لاستايتىن زاتتاردىڭ قۇرامى مولشەردەن اسىپ كەتكەن وسىمدىك قاينارىندىق ازىق – تۇلىك شيكىزاتتارىن ساتىپ الۋ جانە پايدالانۋ قاتارلى زاڭعا قايشى ارەكەتتەردى ءتۇيىندى تۇردە جونگە سالادى. ەكىنشىدەن، بىلە تۇرا جالعاننان جاساۋ ماسەلەسىنە باعىتتاي وتىرىپ، ازىق – تۇلىكتى رۇقساتسىز (ەستەلىككە الدىرماي تۇرىپ) ءوندىرۋ، ازىق – تۇلىك قوسپاسىن بەلگىلەنگەن كولەمنەن، بەلگىلەنگەن شەكتەن ارتىق پايدالانۋ جانە ازىق – تۇلىككە جاتپايتىن زاتتاردان ازىق – تۇلىك جاساۋ، ۇقىققا قول سۇعۋ جولىمەن ازىق – تۇلىك ءوندىرۋ قاتارلى زاڭ – تۇزىمگە قايشى ارەكەتتەردى ءتۇيىندى تۇردە جونگە سالادى. ۇشىنشىدەن، تۇتىنۋشىلاردى الدامكوستىكپەن الجاستىرۋ ماسەلەسىنە باعىتتاي وتىرىپ، ينتەرنەت ارقىلى جانە ينتەرنەتتەن تىس جولدارمەن ”ۇشتەن جۇرداي“ ازىق – تۇلىكتەردى، ”كوشىرمە“ ازىق – تۇلىكتەردى ساتۋ، جالعان ۇگىت جاساۋ جانە زاڭعا قايشى تۇردە يقۋاتىن اسىرەلەۋ قاتارلى زاڭ – تۇزىمگە قايشى ارەكەتتەردى ءتۇيىندى تۇردە جونگە سالادى.

بازاردى باقىلاۋ – باسقارۋ باس مەڭگەرمەسى قوعامنىڭ ءار سالاسىنداعىلاردى، اقپارات قۇرالدارىن قوعامدىق باقىلاۋ مەن اڭىس ارقىلى باقىلاۋدى كۇشەيتۋگە شابىتتاندىرادى، بارشا تۇتىنۋشىلاردى مەملەكەتتىك 12315 تەكشەسى جانە 12315 توتە لەنياسى ارقىلى بازاردى باقىلاۋ – باسقارۋ تاراۋلارىنا اۋىل – قىستاقتاعى جالعان – جارامسىز ازىق – تۇلىكتەرگە قاتىستى ماسەلەلەردىڭ دەرەگىن اڭىس ەتۋگە شابىتتاندىرادى.

كەلۋ قاينارى: حالىق تورابى