وقىتۋشىلىق تولىمدىلىق جازباشا ەمتيحانىنىڭ ناتيجەسىن بۇگىن تەكسەرۋگە بولادى 

ءتىلشىنىڭ وقۋ – اعارتۋ مينيسترلىگىنىڭ وقۋ – اعارتۋ جانە ەمتيحان مەكەمەسىنەن ۇعىسۋىنشا، 2025 – جىلعى الدىڭعى جارىم جىلداعى ورتا، باستاۋىش مەكتەپ وقىتۋشىلىق تولىمدىلىق ەمتيحانىنىڭ (جازباشا ەمتيحان) ناتيجەسى 4 – ايدىڭ 21 – كۇنى ساعات 10 دا جاريالانعان، بەتپە – بەت ەمتيحانعا تىزىمدەلۋ قىزمەتى دە سول كۇنى باستالادى. ەمتيحان بەرۋشىلەردىڭ جۇڭگو وقۋ – اعارتۋ جانە ەمتيحان تورابى، سونداي – اق، سايكەستى شاعىن پروگرامما ارقىلى ناتيجەنى تەكسەرۋىنە بولادى.

وقۋ – اعارتۋ مينيسترلىگىنىڭ وقۋ – اعارتۋ جانە ەمتيحان مەكەمەسى مىنانى ەسكەرتەدى: وسى رەتكى بەتپە – بەت ەمتيحان 31 ولكەدە (اۆتونوميالى رايون، توتە قارساتى قالا) وتكىزىلەدى، ءارقايسى ولكەلەردىڭ (اۆتونوميالى رايون، توتە قاراستى قالا) تىزىمدەلۋ ۇقتىرۋى ينتەرنەت ارقىلى جاريالانا باستادى، ەمتيحان بەرۋشىلەر سول ولكەدەگى (اۆتونوميالى رايون، توتە قاراستى قالا) تىزىمدەلۋ ۇقتىرۋىنداعى تالاپتارعا ساي، بەلگىلەنگەن ۋاقىت ىشىندە ينتەرنەت ارقىلى تىركەلۋ، جەكەلىك ينفورماتسياسىن تولتىرۋ، ەمتيحانعا تىزىمدەلۋ قاتارلى ىستەردى ورىنداپ بولۋى، تولىمدىلىعى تەكسەرۋدەن وتكەن سوڭ، بەلگىلەنگەن ۋاقىت ىشىندە ينتەرنەت ارقىلى اقى تولەۋدى ورىنداپ بولۋى قاجەت.

كەلۋ قاينارى: حالىق تورابى