شي جينپيڭ كامبودجاداعى مەملەكەتتىك ساپارىن تابىسپەن اياقتاتتى

«حالىق گازەتى»، 4 - ايدىڭ 18 - كۇنى پنومپەن (تىلشىلەر ۋاڭ جوۋ، جاۋ ي - پۋ). مەملەكەت ءتوراعاسى شي جينپيڭ 4 - ايدىڭ 18 - كۇنى تۇستەن بۇرىن كامبودجاداعى مەملەكەتتىك ساپارىن اياقتاتىپ، بەيجيڭگە قايتىپ كەلدى.

پنومپەننەن اتتاناردا كامبودجا حالىق پارتياسىنىڭ ءتوراعاسى، كەڭەس پالاتاسىنىڭ ءتوراعاسى حۇڭسىن، كەڭەس پالاتاسى ءتوراعاسىنىڭ ءبىرىنشى ورىنباسارى ۋبوليە، پارلامەنت باستىعىنىڭ ءبىرىنشى ورىنباسارى چيانيە، گوسوپا، بۋلاسوكۇن، حانچۇننالو، شاۋسوكا، حۇڭماني قاتارلى 5 ورىنباسار ءۋازىر، پاتشا اۋلەتى ارمياسى قۇرلىق ارمياسى سىليڭىنىڭ ورىنباسارى حۇڭمانى قاتارلى جوعارى دارەجەلى ءمانساپتىلار اۋەجايعا بارىپ اتتاندىرىپ سالدى.

حۇڭسىن اۋەجايدا ءتوراعا شي جينپيڭگە ارناپ سالتاناتتى اتتاندىرۋ سالتىن وتكىزدى. شي جينپيڭ حۇڭسىننىڭ سەرىك بولۋىندا قۇرمەت قاراۋىلىن كوزدەن كەشىردى. شي جينپيڭ اتتاندىرىپ سالعاندارعا قول بۇلعاپ قۇرمەت ءبىلدىردى.

اۋەجايعا بارار جولدا كامبودجاداعى نەشە ون مىڭ بۇقارا، كامبودجاداعى جۇڭگو قارجىلاندىرعان كاسىپورىن قىزمەتكەرلەرى، سول جەردە وقىپ جاتقان وقۋشىلار جانە جۇڭگولىق حۋاچياۋ، حۋارىندار جولدىڭ ەكى جاعىنا جينالىپ، جۇڭگو مەن كامبودجانىڭ مەملەكەت تۋلارىن بۇلعاپ، قولدارىنا ”جۇڭگو - كامبودجا دوستىعى ماڭگى جالعاسسىن“ دەگەن سياقتى جازۋلار جازىلعان قىزىل كەرمە تۋ ۇستاپ، شي جينپيڭنىڭ كامبودجاداعى ساپارىنىڭ تولىق تابىستى بولعاندىعىن قىزۋ قۇتتىقتادى.

سول كۇنى تۇستەن بۇرىن حۇڭسىن باس ءۋازىر حۇڭمانايدى جانە حۇڭماني، حۇڭمانىنى ەرتىپ شي جينپيڭ تۇسكەن قوناقجايعا ارناۋلى بارىپ، شي جينپيڭمەن قوشتاستى.

كەلۋ قاينارى: حالىق تورابى