ساپارداعى جۇڭگو| وسى ارادا سيىر بۇلدىرگەندى قالاعانىڭىزشا جەي الاسىز!

سۋرەتتە: جياڭشي ولكەسى فۋجوۋ قالاسى دۇڭشياڭ رايونى پوگان اۋىلى دۇڭتىڭ سيىر بۇلدىرگەن كاسىپ باقشاسى 1 - ءنومىرلى بازاسى جاسىل جەلەك جامىلدى، كەزىندەگى قاعىر تاۋ ادامداردىڭ جەمىس تەرەتىن قىزىققا تولى باقشاسىنا اينالدى. حالىق تورابىنىڭ ءتىلشىسى شى يۇي فوتوسى

”ۇزە ءجۇرىپ جەۋىمە، شارباققا سالىپ ۇيگە الىپ قايتۋىما بولادى، بۇگىن سيىر بۇلدىرگەنگە سىلقيا تويدىم!“ 5 ـ ايدىڭ 26 ـ كۇنى، جياڭشي ولكەسى فۋجوۋ قالاسى دۇڭشياڭ رايونى پوگان اۋىلى دۇڭتىڭ سيىر بۇلدىرگەن كاسىپ باقشاسىنىڭ 1 - ءنومىرلى بازاسىندا ساياحاتشىلار جەمىس شارباعىن كوتەرىپ ارالاپ ءجۇرىپ جەمىس تەرۋدىڭ قىزىعىن سەزىندى.

دۇڭتىڭ سيىر بۇلدىرگەن كاسىپ باقشاسى دۇڭشياڭ رايونىنداعى 96 سيىر بۇلدىرگەن بازاسىنىڭ ءبىرى. 4 جىلدىڭ الدىندا، قۇنارسىزدىققا ءتۇزىمدى، وڭاي ەگىلەتىن”لانمەي 1 – ءنومىرلى“ سيىر بۇلدىرگەن سورتى دۇڭشياڭنىڭ قۇمايتتانعان توپىراعىمەن جوعارى دارەجەدە سايكەسكەندىگى بايقالدى. جەرگىلىكتى ورىن وسى ارقىلى قاعىر تاۋ بايلىعىن جانداندىرىپ، ”ۇكىمەت جەتەكشىلىك ەتۋ + فينانس ارقىلى قۋات بەرۋ + قىستاق كاسىپورىندارى بىرلەسىپ قيمىلداۋ“ ۇلگىسىنە سۇيەنىپ، ”ءبىر اۋداندا ءبىر ءونىم بولۋ“ ەرەكشە سيىر بۇلدىرگەن كاسىبىن ءساتتى قالىپتاستىردى.

قازىر دۇڭشياڭداعى 16 مىڭ مۋ ادىرلى تاۋ بەتكەيىندە، توپ - توپ سيىر بۇلدىرگەن اعاشى جاسىل جەلەك جامىلىپ، بۇتاقتارى جەمىسكە تولدى. ”سيىر بۇلدىرگەن كاسىبى بۇكىل رايونداعى 44 اكىمشىلىك قىستاققا 10 ميلليون يۋاننان استام كوللەكتيۆ كىرىس اكەلدى، ورتا ەسەپپەن ءار قىستاقتىڭ كىرىسى 300 مىڭ يۋانعا تايادى.“ دۇڭشياڭ رايونى وسى زامانعى اۋىل شارۋاشىلىعىنان ۇلگى كورسەتۋ باقشا رايونىن باسقارۋ كوميتەتىنىڭ مەڭگەرۋشىسى شين بين بىلاي دەپ تانىستىردى: 2024 ـ جىلى دۇڭشياڭ قارا بۇلدىرگەن ءونىمى ءبىر ميلليون 670 مىڭ جىڭ بولدى، بيىل ءونىم مولشەرى 3 ميلليون جىڭ بولادى، ساتىلۋ سوماسى 30 ميلليون يۋاننان اسۋى مۇمكىن، بۇل جەمىس ـ جيدەكتەر حالىقتى اۋقاتتاندىرۋداعى قۋاتتى رايوننىڭ ”التىن تانىسقىسىنا“ اينالدى. (ليۋ حۇڭ، ۋ يۋەجۇن، شۋاي جۇن، لو نا، شى يۇي، كۇڭ ۋىنجين، لۇڭ چۋلياڭ)

كەلۋ قاينارى: حالىق تورابى