جۇڭگو اۋا رايى مەكەمەسى اۋىر اۋا رايى اپاتىنا قاتىستى (تايفىڭ داۋىلى) 4 - دارەجەلى شۇعىل توتەپ بەرۋ ۇندەۋىن ىسكە قوستى

بيىلعى 1 – ءنومىرلى تايفىڭ داۋىلى ”كوبەلەك“ 6 – ايدىڭ 11 – كۇنى ساعات 8 دە نانحاي تەڭىزىنىڭ ورتا، باتىس بولىگىندەگى تەڭىز بەتىندە پايدا بولىپ، 6 – ايدىڭ 13 – كۇنى تاڭ سارىدەن باستاپ تۇستەن بۇرىنعا دەيىن حاينان ارالىنىڭ وڭتۇستىك بولىگىندەگى تەڭىز جاعاسىنان قۇرلىققا شىعادى (كۇشتى ىستىق بەلدەۋ بورانى دارەجەسىنەن تايفىڭ داۋىلى دارەجەسىنە دەيىن، 10 بالدان 12 بالعا دەيىن، سەكۋندىنا 25 تە 33 مەتر)، وسىدان كەيىن 6 – ايدىڭ 13 - كۇنى تۇندە گۋاڭدۇڭنىڭ باتىس بولەگىنەن گۋاڭشيعا دەيىنگى تەڭىز جاعالاۋىنان تاعى دا قۇرلىققا شىعۋى مۇمكىن (كۇشتى ىستىق بەلدەۋ بورانى دارەجەسىنەن تايفىڭ داۋىلى دارەجەسىنە دەيىن، 8 بالدان 10 بالعا دەيىن، سەكۋندىنا 20 دا 25 مەتر)، حاينان، گۋاڭدۇڭ، گۋاڭشي، جياڭشي، فۋجيان قاتارلى جەرلەردە كۇشتى بوران - شاشىن بولادى.

جان - جاقتى تۇجىرىم جاساۋ جانە شۇعىل جاعدايعا توتەپ بەرۋدى كەڭەسۋ ارقىلى جۇڭگو اۋا رايى مەكەمەسى 6 – ايدىڭ 11 - كۇنى ساعات 11 دە اۋىر اۋا رايى اپاتىنا قاتىستى (تايفىڭ داۋىلى) 4 - دارەجەلى شۇعىل جاعدايعا توتەپ بەرۋ ۇندەۋىن ىسكە قوستى.

كەلۋ قاينارى: حالىق تورابى