شۇي چيلياڭ جولداستىڭ سۇيەگى بەيجيڭدە ورتەلدى

شينحۋا اگەنتتىگىنىڭ 6 ـ ايدىڭ 8 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن ادال كوممۋنيزم جاۋىنگەرى، پرولەتاريات اسكەري ىستەر مامانى، جۇڭگو حالىق ازاتتىق ارمياسىنىڭ كورنەكتى باسشىسى، جۇڭگو كوممۋنيستىك پارتياسى 18 ـ كەزەكتى، 19 ـ كەزەكتى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ بۇرىنعى ورىنباسار ءتوراعاسى شۇي چيلياڭ جولداستىڭ سۇيەگى 6 ـ ايدىڭ 8 ـ كۇنى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى.

شۇي چيلياڭ جولداس ناۋقاس سەبەبىنەن 2025 ـ جىلى 6 ـ ايدىڭ 2 ـ كۇنى ساعات 12دەن 12 مينۋت وتكەندە بەيجيڭدە 75 جاسىندا قايتىس بولدى.

شۇي چيلياڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن شۇي چيلياڭ جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس ـ تۋعاندارىنان شىنايى حال سۇرادى.

6 ـ ايدىڭ 8 ـ كۇنى تۇستەن بۇرىن باباۋشان توڭكەرىستىك قۇرباندار قابىرستانىنىڭ زالى ايبىندى جىم ـ جىرت كۇيگە شومىپ، قايعىلى مۋزيكا باياۋ ەستىلىپ تۇردى. ورتاڭعى زالدىڭ تورىنە ”شۇي چيلياڭ جولداسقا قايعىلى ازا بىلدىرەمىز“ دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا شۇي چيلياڭ جولداستىڭ سۋرەتى قويىلعان. شۇي چيلياڭ جولداستىڭ سۇيەگى گۇل شوقتارىمەن جانە ارشالارمەن قورشالىپ، ۇستىنە جۇڭگو كوممۋنيستىك پارتياسىنىڭ نارت قىزىل پارتيا تۋى جابىلعان.

تۇستەن بۇرىن ساعات 9دان 30 مينۋت وتكەندە شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار قايعىلى مۋزيكا ءۇنى ىشىندە شۇي چيلياڭ جولداستىڭ سۇيەگىنىڭ الدىنا باياۋ كەلىپ ءۇنسىز ازا ءبىلدىرىپ، شۇي چيلياڭ جولداستىڭ سۇيەگىنە 3 رەت تاعزىم ەتتى ءارى شۇي چيلياڭ جولداستىڭ تۋىس ـ تۋعاندارىمەن ءبىر ـ بىردەن قول الىسىپ حال سۇرادى.

پارتيا مەن مەملەكەتتىڭ، ارميانىڭ قاتىستى باسشى جولداستارى سۇيەكپەن قوشتاسۋعا باردى نەمەسە ءتۇرلى تاسىلدەرمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، شۇي چيلياڭ جولداستىڭ كوزى تىرىسىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاسۋعا باردى.