شي جينپيڭ بيرما باسشىسى مين اڭلايمەن جۇڭگو مەن بيرمانىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

شينحۋا اگەنتتىگىنىڭ 6 ـ ايدىڭ 8 ـ كۇنى بەيجيڭنەن بەرگەن حابارى. 6 ـ ايدىڭ 8 ـ كۇنى مەملەكەت ءتوراعاسى شي جينپيڭ بيرما باسشىسى مين اڭلايمەن ءوزارا قۇتتىقتاۋ تەلەگرامماسىن جولداپ، جۇڭگو مەن بيرمانىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: ديپلوماتيالىق قارىم ـ قاتىناس ورناتقان 75 جىلدان بەرى، جۇڭگو مەن بيرمانىڭ باۋىرلاستىق سۇيىسپەنشىلىگى بوران ـ شاشىندى باستان وتكەرىپ، ۋاقىت وتكەن سايىن بەكەمدەلدى. ەكى جاق بىرگە دارىپتەگەن بەيبىت قاتار تۇرۋ بەس پرينسيبى مەن باندۇڭ رۋحىن ۇستانىپ، تاتۋ كورشى، دوس بولۋعا تاباندى بولىپ، ءوزارا پايدا جەتكىزۋ سەلبەستىگىن تەرەڭدەتىپ، ءبىر ـ ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىر ـ ءبىرىن باتىل قولداپ، مەملەكەتتەر اراسىندا دوستىق بارىس ـ كەلىس جاساۋدىڭ تيپتىك ۇلگىسىن ورناتتى.

شي جينپيڭ بىلاي دەپ باسا دارىپتەدى: بيىل 5 ـ ايدا مەن سىزبەن رەسەيدە ديدارلاسىپ، جۇڭگو - بيرما تاعدىرلاس ورتاق تۇلعاسى قۇرىلىسىن ىلگەرىلەتۋ جونىندە ماڭىزدى ورتاق تانىمعا كەلدىك. جۇڭگو جاق جۇڭگو - بيرما قارىم ـ قاتىناسىن دامىتۋعا وسكەلەڭ ءمان بەرەدى، بيرما جاقپەن قول ۇستاسا قۇلشىنىس جاساپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعىن وراي ەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ سەلبەستىگىن جەدەل ىلگەرىلەتىپ، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن بىرگە ويداعىداي تياناقتاندىرىپ، جۇڭگو - بيرما تاعدىرلاس ورتاق تۇلعاسى قۇرىلىسىن ۇزدىكسىز تەرەڭدەتۋدى، ناقتىلاندىرۋدى ىلگەرىلەتىپ، ەكى ەل حالقىنا اناعۇرلىم كوپ قۇت ـ ىرىس اكەلۋدى قالايدى.

مين اڭلاي مىنالاردى ءبىلدىردى: مارتەبەلى ءتوراعا 2020 ـ جىلى بيرمادا تاريحي سيپاتتى ساپاردا بولىپ، بيرما - جۇڭگو تاعدىرلاس ورتاق تۇلعاسىن قۇرۋدىڭ جاڭا تاراۋىن اشتى. جۋىقتا بيرما كۇشتى جەر سىلكىنىسى اپاتىنا ۇشىرادى، جۇڭگو ۇكىمەتى جانە حالقى دەر كەزىندە ادامگەرشىلىك كومەك كورسەتتى، بۇل ەكى ەل حالقىنىڭ تار جول، تايعاق كەشۋلەردى بىرگە وتكەرىپ، ءبىر ـ بىرىنە قارايلاسقان تەرەڭ دوستىق سۇيىسپەنشىلىگىن تولىق ايگىلەيدى. مەن مارتەبەلى توراعامەن ماسكەۋدە سۇبەلى جەتىستىككە يە ديدارلاسۋ وتكىزىپ، بيرما - جۇڭگو ستراتەگيالىق سەلبەستىگىن تەرەڭدەتۋ جونىندە ماڭىزدى ورتاق تانىمعا كەلدىك. جۇڭگو جاقتىڭ بيرمانىڭ بەيبىتشىلىكتى، ورنىقتىلىقتى، ۇلتتاردىڭ راقايلاسۋىن، ەكونوميكالىق دامۋدى جۇزەگە اسىرۋىنا باتىل قولداۋ كورسەتكەندىگىنە العىس ايتامىن، ەكى ەلدىڭ ءار سالاداعى سەلبەستىكتى جەدەل ىلگەرىلەتىپ، اناعۇرلىم كۇشتى، بەرىك، ءوزارا پايدا جەتكىزەتىن سەرىكتەستىك قارىم ـ قاتىناستى تۇلعالاۋىن ءۇمىت ەتەمىن.

سول كۇنى مەملەكەتتىك كەڭەستىڭ زۇڭليى لي چياڭ مين اڭلايمەن ءوزارا قۇتتىقتاۋ تەلەگرامماسىن جولدادى. لي چياڭ مىنالاردى ءبىلدىردى: ديپلوماتيالىق قارىم ـ قاتىناس ورناتقان 75 جىلدان بەرى، ەكى جاقتىڭ ورتاق قۇلشىنۋىندا، ەكى ەلدىڭ ءار سالاداعى دوستىق اۋىس ـ كۇيىسى مەن ناقتى ىستەر سەلبەستىگى باياندى ىلگەرىلەۋشىلىككە قول جەتكىزدى. مەن سىزبەن بىرگە ەكى ەلدىڭ جالپى بەتتىك ستراتەگيالىق سەلبەستىگىن تەرەڭدەتىپ، جۇڭگو - بيرما تاعدىرلاس ورتاق تۇلعاسى قۇرىلىسىنىڭ تەرەڭدەۋىن، ناقتىلانۋىن ىلگەرىلەتىپ، ءوز ەلىمىزدىڭ دامۋىنا جاڭا قوزعاۋشى كۇش ۇستەۋدى قالايمىن. مين اڭلاي مىنالاردى ءبىلدىردى: بەيبىت قاتار تۇرۋ بەس پرينسيبىنىڭ جەتەكشىلىگىندە، بيرما - جۇڭگو قارىم ـ قاتىناسى ورنىقتى قاداممەن العا قاراي دامىدى. بيرما جاق جۇڭگو جاقپەن قول ۇستاسا وتىرىپ بيرما - جۇڭگو تاعدىرلاس ورتاق تۇلعاسى قۇرىلىسىن ىلگەرىلەتىپ، ەكى ەل حالقىنا اناعۇرلىم ويداعىداي باقىت جاراتۋدى قالايدى.