ورتالىق كوميتەت كەڭسەسى، مەملەكەتتىك كەڭەس كەڭسەسى «حالىق تۇرمىسىن اناعۇرلىم قامتاماسىز ەتىپ جانە جاقسارتىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشۋ جونىندەگى پىكىردى» باسىپ تاراتتى

شينحۋا اگەنتتىگىنىڭ 6 ـ ايدىڭ 9 ـ كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «حالىق تۇرمىسىن اناعۇرلىم قامتاماسىز ەتىپ جانە جاقسارتىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشۋ جونىندەگى پىكىردى» باسىپ تاراتىپ، حالىق تۇرمىسى قۇرىلىسىنىڭ اناعۇرلىم ءادىل، تەپە ـ تەڭ، جالپىعا ءتيىمدى، قول جەتىمدى بولۋىن ىلگەرىلەتتى.

پىكىردە مىنالار باسا دارىپتەلدى: قوعامدىق قامتاماسىزداندىرۋدىڭ ادىلدىك سيپاتىن كۇشەيتۋ كەرەك. قوعامدىق قامسىزداندىرۋدىڭ قوعامدىق قامتاماسىزداندىرۋ جۇيەسىندەگى نەگىزگى تۇلعالىق رولىن كۇشەيتىپ، قالا ـ قالاشىقتاردا جۇمىستانۋشىلاردىڭ جۇمىسشى ـ قىزمەتكەرلەردىڭ نەگىزگى زەينەتكەرلىك قامسىزداندىرۋىنا جانە ەمدەۋ قامسىزداندىرۋىنا قاتىناسۋ سالىستىرماسىن ورنىقتى، ءتارتىپتى جوعارىلاتۋ كەرەك. شارتقا ۇيلەسەتىن جوعارى مەكتەپ تاۋىسقان وقۋشىلار، جۇمىستانۋى قيىنعا سوققان ادامدار سياقتىلارعا قوعامدىق قامسىزداندىرۋ قوسىمشا قاراجاتى بەرىلەدى. تومەن كىرىستى جان سانىن تۇراقتاندىرۋ ءادىسىن، تومەن كىرىستى وتباسىلاردىڭ ەكونوميكالىق جاعدايىن تەكسەرىپ انىقتاۋ ءادىسىن جاساپ، ەڭ تومەنگى تۇرمىستى قامتاماسىزداندىرۋ جيەگىندەگى وتباسىلاردى، قاجەتتى شىعىس قيىنشىلىعى بار وتباسىلارىن تۇراقتاندىرۋدى جاپپاي ورىستەتۋ كەرەك. ەڭ تومەنگى تۇرمىستىق قامتاماسىزداندىرۋ ولشەمىن ۇيلەسىمدى بەلگىلەپ جانە رەتتەپ، ەڭ تومەنگى ەڭبەكاقى ولشەمىن رەتتەۋ مەحانيزمىن كەمەلدەندىرۋ كەرەك. اۋىل ـ قىستاقتاعى تومەن كىرىستى جان سانىنا اشۋ ۇلگىسىندە كومەكتەسۋ ـ سۇيەمەلدەۋ، قابىلەتىن جوعارىلاتۋ، كىرىسىن ارتتىرۋ ارەكەتىن اتقارۋ كەرەك.

پىكىردە مىنالار ايقىندالدى: نەگىزگى الەۋمەتتىك قىزمەت وتەۋدىڭ بىركەلكىلىگىن جوعارىلاتۋ كەرەك. بۇقارانىڭ ءتول مۇددەسىنە ساياتىن ارتقان قىزمەت وتەۋ ىستەرىن مەملەكەتتىڭ نەگىزگى الەۋمەتتىك قىزمەت وتەۋ ولشەمىنە ۇيلەسىمدى كەزدە ەنگىزۋ كەرەك. اۋدان ءوڭىرىن نەگىزگى بىرلىك ەتىپ، الەۋمەتتىك قىزمەت وتەۋ جوباسى ورنالاسىمىن، قۇرىلعى قۇرىلىسىن، بايلىق جايعاسىمىن، دارىندىلار ءبولىسىن قالا مەن اۋىلداردا ءبىر تۇلعالاندىرۋدى جاپپاي ىلگەرىلەتۋ كەرەك. نەگىزگى الەۋمەتتىك قىزمەت وتەۋدى تۇراقتى قونىستانعان جەر قامداۋعا بىرتىندەپ رەتتەۋ كەرەك. جان سانى شوعىرلى اعىپ كىرگەن قالالاردا ”ءبىر قالاعا ءبىر شارا“ بويىنشا تۇراقتى قونىستانعان جەرلەردىڭ نەگىزگى الەۋمەتتىك قىزمەت وتەۋمەن قامداۋ جونىندەگى اتقارۋ ءادىسىن جاساۋدى ىلگەرىلەتۋ كەرەك.

پىكىردە مىنالار باسا دارىپتەلدى: نەگىزدىك حالىق تۇرمىسىنا قىزمەت وتەۋدىڭ جالپىعا ءتيىمدى بولۋ سيپاتىن ۇلعايتۋ كەرەك. نەگىزدىك وقۋ ـ اعارتۋدا ساپالى وقۋ ـ اعارتۋ بايلىعىمەن قامداۋدى كەڭەيتۋ، ساپاسىن جوعارىلاتۋ ارەكەت جوسپارىن اتقارىپ، 5 جىل ۋاقىت اينالاسىندا مىندەتتى وقۋ ـ اعارتۋ مەكتەپتەرىن ولشەمدەندىرۋ قۇرىلىسىنىڭ جاپپاي قامتۋىن بىرتىندەپ جۇزەگە اسىرۋ كەرەك. 1000نان استام ساپالى ادەتتەگى تولىق ورتا مەكتەپتى جاڭادان قۇرىپ جانە وزگەرتىپ كەڭەيتىپ سالىپ، اۋدان وڭىرىندەگى ادەتتەگى تولىق ورتا مەكتەپتەردىڭ نەگىزگى مەكتەپ باسقارۋ شارت ـ جاعدايىن ءتۇيىندى جاقسارتۋ كەرەك. جوعارى وقۋ ـ اعارتۋدىڭ ساپاسىن جوعارىلاتىپ كولەمىن كەڭەيتۋدى ىلگەرىلەتىپ، جاڭادان ارتقان جوعارى وقۋ ـ اعارتۋ بايلىعىن ورتا، باتىس بولىكتەگى جان سانى كوپ ولكەلەرگە لايىقتى بەيىمدەپ، ساپالى جوعارى مەكتەپتەردىڭ تولىق كۋرسقا وقۋشى قابىلداۋ كولەمىن بىرتىندەپ جوعارىلاتۋ كەرەك. ەمدەۋ ـ دەنساۋلىق ساقتاۋ نەگىزىن كۇشەيتۋ ينجەنەرياسىن اتقارۋ كەرەك. نەگىزگى ەمدەۋ قامسىزداندىرۋىنداعى ءدارى ـ دارمەك تىزىمدىگىن رەتتەۋ مەحانيزمىن كەمەلدەندىرىپ، ساۋدالىق سالاماتتىق قامسىزداندىرۋىنداعى جاڭا ءدارى ـ دارمەكتەردىڭ تىزىمدىگىن جاساۋ جانە شىعارۋ كەرەك. قاۋقارسىز قارتتارعا قارايلاسۋدى ءتۇيىن ەتىپ، قارتتاردى كۇتىمدەۋ بويىنشا قىزمەت وتەۋ قۇرىلىمدارىنىڭ ەمدەۋ مەن كۇتىمدەۋدى ۇشتاستىرعان قىزمەت وتەۋ قابىلەتىن جوعارىلاتىپ، كۇتىمدەۋ تيبىندەگى توسەك ورنىمەن قامداۋدى ارتتىرۋ كەرەك. الەۋمەتتىك قۇرىلىس بويىنشا اماناتتاۋ ورىندارىمەن قامداۋدى كوپ ارنامەن ارتتىرىپ، جالپىعا ءتيىمدى باعىپ ـ تاربيەلەۋگە اماناتتاۋدى كاسىپورىندارداعى، ءىسورىندارداعى جۇمىسشى ـ قىزمەتكەرلەردىڭ يگىلىك جۇيەسىنە ەنگىزۋدى ىلگەرىلەتۋ كەرەك.

پىكىردە مىنالار العا قويىلدى: الۋان ءتۇرلى قوعامدىق قىزمەت وتەۋدىڭ قول جەتىمدىلىگىن جوعارىلاتۋ كەرەك. الەۋمەتتىك اۋماقتى نەگىزگى جاعداي، نەگىزگى شەپ ەتىپ، حالىققا قولايلى ءتۇرلى قىزمەت وتەۋ بايلىعىن ءبىر تۇتاس جوسپارلاپ، بىرىكتىرۋدى كۇشەيتىپ، قىزمەت وتەۋ قۇرىلعىلارىن كەشەندى پايدالانۋدى ىلگەرىلەتۋ كەرەك. قوعامدىق دەنە تاربيە الاڭى قۇرىلىسىن قولداپ، يقۋاتى بىرىكتىرىلگەن كوپ قولدانىلمالى سپورت الاڭدارىن دامىتىپ، دەنە تاربيە الاڭدارىمەن قامداۋدى ورنىقتى ارتتىرۋ كەرەك. شارت ـ جاعدايى بار مۇراجاي، كىتاپحانا، اسەمونەر سارايى سياقتى مادەنيەت الاڭ ـ سارايلارىنىڭ تۇندە اشىلۋىن قولداۋ كەرەك. الەۋمەتتىك ساياسات بەلگىلەۋ، الەۋمەتتىك قۇرىلعىلار قۇرىلىسى، الەۋمەتتىك قىزمەت وتەۋمەن قامداۋ بارىسىندا بالالاردى الدىمەن ويلاستىرۋ پرينسيبى مەن بالالار دوستىق ۇستانىمىن تياناقتاندىرۋ كەرەك. قوعامدىق قامسىزداندىرۋ، قوعامدىق يگىلىك، سالىق سياقتى جاقتاردا وتباسىنىڭ دامۋىن قولداۋ ساياساتىن كەمەلدەندىرۋ كەرەك.

پىكىردە مىنالار تالاپ ەتىلدى: پارتيانىڭ باسشىلىعىن حالىق تۇرمىسى قىزمەتىنىڭ ءار سالاسىندا، تۇتاس بارىسىندا دايەكتىلەندىرۋ كەرەك. جەر ـ جەر جاۋاپكەرشىلىكتى تياناقتاندىرۋدى كۇشەيتىپ، قازىنالىق شىعىس قۇرىلىمىن ساپالىلاندىرىپ، نەگىزگى حالىق تۇرمىسى قازىنالىق قۋاتىن قامتاماسىز ەتۋدى كۇشەيتىپ، شىن مانىندە حالىق تۇرمىسىنىڭ تومەنگى شەگىن مىقتاپ ساقتاۋ، بەكەمدەۋ كەرەك. كەلەلى حالىق تۇرمىسى ساياساتىن تاراۋ اتتاپ ءبىر تۇتاس جوسپارلاپ سايكەستىرۋدى كۇشەيتۋ كەرەك. حالىق تۇرمىسى ساياساتىنىڭ اتقارىلۋ ونىمدىلىگىن عىلمي باعالاۋ كەرەك.