ورتالىق كوميتەت كەڭسەسى، مەملەكەتتىك كەڭەس كەڭسەسى «شىنجىننىڭ كەشەندى رەفورماسىن تۇيىندە سىناق ەتۋدى ىشكەرىلەي ىلگەرىلەتىپ، رەفورما جاساۋ، جاڭالىق اشۋدى تەرەڭدەتىپ، ەسىك اشۋدى كەڭەيتۋ جونىندەگى پىكىردى» باسىپ تاراتتى

شينحۋا اگەنتتىگىنىڭ 6 ـ ايدىڭ 10 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «شىنجىننىڭ كەشەندى رەفورماسىن تۇيىندە سىناق ەتۋدى ىشكەرىلەي ىلگەرىلەتىپ، رەفورما جاساۋ، جاڭالىق اشۋدى تەرەڭدەتىپ، ەسىك اشۋدى كەڭەيتۋ جونىندەگى پىكىردى» باسىپ تاراتتى.

«پىكىردە» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، جاڭا دامۋ ۇستانىمىن تولىق، دالمە ـ ءدال، جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، جوعارى دەڭگەيدە جوبالاۋدى نەگىزگى ساتىدا ىزدەنىس جاساۋمەن ورگانيكالى ۇشتاستىرۋعا تاباندى بولىپ، ۇقىق بەرىلگەن ىستەر اداقتاماسىن توپقا ءبولىپ زەرتتەپ جاساۋ قىزمەت مەحانيزمى بويىنشا تاعى ءبىر توپ رەفورما شارالارىن شىعارىپ، ءبىر توپ جاڭالىق اشۋ سىناعىن تياناقتاندىرىپ، ءبىر توپ ەسىك اشۋ شارالارىن تەرەڭدەتىپ، وقۋ ـ اعارتۋ، عىلىم ـ تەحنولوگيا، دارىندى سالاسىنداعى ءتۇزىلىس ـ مەحانيزمدىك بوگەتتەردى تالقانداۋ، جاڭالىق اشۋ تىزبەگىن، كاسىپ سالاسى تىزبەگىن، قارجى تىزبەگىن، دارىندىلار تىزبەگىن تەرەڭدەي توعىستىرۋدى كۇشەيتۋ، گۋاڭدۇڭ - شياڭگاڭ - اۋمىن سەلبەستىگى جاڭا ارناسىن، جاڭا جاعدايىن، جاڭا دانەكەرىن كەڭەيتۋ، وسىزاماندانعان، حالىقارالانعان، جاڭالىق اشۋ تيبىندەگى قالا قۇرۋ سياقتى جاقتاردا الدىمەن جۇرگىزىپ، الدىمەن سىناق ەتىپ، ءورىس اشا جاڭالىق اشىپ، شىنايى يگەرىپ ناقتى ىستەپ، اناعۇرلىم جوعارى باستامادا، اناعۇرلىم جوعارى دەڭگەيدە، اناعۇرلىم بيىك نىسانادا رەفورمانى تەرەڭدەتىپ، ەسىك اشۋدى كەڭەيتىپ، كوشىرىپ پايدالانۋعا بولاتىن، جالپىلاستىرۋعا بولاتىن اناعۇرلىم كوپ جاڭا تاجىريبەلەردى جاراتىپ، شىنجىننىڭ گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنداعى ماڭىزدى قوزعالتقىشتىق رولىن جانە بۇكىل ەل ءبىر تۇتاس جۇيەسىندەگى شارپۋ، جەتەكتەۋ رولىن اناعۇرلىم ويداعىداي ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋعا ۇلەس قوسۋ، ۇلگى ازىرلەۋ كەرەك.

«پىكىردە» مىنالار ورتاعا قويىلدى: وقۋ ـ اعارتۋ، عىلىم ـ تەحنولوگيا، دارىندى ءتۇزىلىس ـ مەحانيزمىن ءبىر تۇلعالاندىرۋ رەفورماسىن ءبىر تۇتاس جوسپارلاپ ىلگەرىلەتۋ كەرەك. ءوندىرىستىڭ، وقىتۋدىڭ، زەرتتەۋدىڭ جوعارى ءونىمدى سايكەسۋىن، تەرەڭدەي توعىسۋىن كۇشەيتۋ كەرەك. ادام تاربيەلەۋ ءتاسىلى، وقىتۋ جۇرگىزۋ ۇلگىسى، باسقارۋ ءتۇزىلىسى، قامتاماسىز ەتۋ مەحانيزمى رەفورماسىن ءبىر تۇتاس جوسپارلاپ ىلگەرىلەتۋ كەرەك. شەتەلدەن دارىندى ەنگىزۋدى قولداۋ، قامتاماسىزداندىرۋ مەحانيزمىن كەمەلدەندىرۋ كەرەك.

فينانس، تەحنولوگيا، ساندى مالىمەت سياقتىلاردىڭ ناقتى تۇلعالىق ەكونوميكانىڭ جوعارى ساپالى دامۋىنا قۋات ۇستەۋىن ىلگەرىلەتۋ كەرەك. فينانستىڭ ناقتى تۇلعالىق ەكونوميكاعا قىزمەت وتەۋىندەگى ىنتالاندىرۋ، تەجەۋ مەحانيزمىن كەمەلدەندىرۋ كەرەك. جاڭادان گۇلدەنگەن كاسىپ سالاسىنىڭ دامۋىنا قولداۋ كورسەتەتىن ءتۇزىلىس ـ مەحانيزمىندە جاڭالىق اشۋ كەرەك. ساندى مالىمەت فاكتورلارىن بازارلاندىرا ورنالاستىرۋ رەفورماسىن تەرەڭدەتۋ قاجەت.

اناعۇرلىم جوعارى دەڭگەيدەگى، اشىق ەكونوميكا جاڭا ءتۇزىلىسىن ورناتۋ كەرەك. زاتتار ساۋداسىن ساپالىلاندىرۋدى، دارەجەسىن ءوسىرۋدى ىلگەرىلەتۋ كەرەك. ساۋداعا قىزمەت وتەۋدە جاڭالىق اشۋ، دارەجەسىن ءوسىرۋ كەرەك. ادامداردىڭ جىلجۋىنا قولايلى سايكەستى مەحانيزمدى كەمەلدەندىرۋ كەرەك.

عىلميلاندىرىلعان، ەگجەي ـ تەگجەيلىلەندىرىلگەن، زاڭمەن باسقارىلاتىن باسقارۋ ۇلگىسىن اقاۋسىزداندىرۋ كەرەك. حالىق تۇرمىسىن قامتاماسىز ەتۋ، قىزمەت وتەۋ دەڭگەيىن جوعارىلاتۋ كەرەك. جەر سياقتى جاراتىلىستىق بايلىقتاردى باسقارۋ ءتۇزىمىن اقاۋسىزداندىرۋ كەرەك. ءادىليا سالاسىنداعى رەفورمانى جانە اۋىس ـ كۇيىستى، سەلبەستىكتى تەرەڭدەتۋ كەرەك.

«پىكىردە» ۇيىمداستىرىپ اتقارۋدى كۇشەيتۋ جونىندە دە تالاپتار قويىلدى.

كەلۋ قاينارى: حالىق تورابى