بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.06.16 16:02 كەلۋ قاينارى : حالىق تورابى
«حالىق گازەتى»، 6 - ايدىڭ 15 - كۇنى، بەيجيڭ (ءتىلشى وۋياڭ جيە). كەدەن باس مەكەمەسى 6 - ايدىڭ 15 - كۇنى جاريالاعان ساندى مالىمەتتە كورسەتىلۋىنشە، بيىل جىل باسىنان بەرى ەلىمىزدىڭ ورتا ازياداعى 5 ەلمەن ساۋدا كولەمى ۇزدىكسىز كەڭەيىپ، الدىڭعى 5 ايدا ەلىمىزدىڭ ورتا ازياداعى 5 ەلمەن يمپورت - ەكسپورتى 286 ميلليارد 420 ميلليون يۋان بولىپ، سايكەس مەزگىلدەگىدەن %10.4 ارتىپ، كولەمى تاريحتاعى سايكەس مەزگىلدەگى ەڭ جوعارى دەڭگەيگە جەتكەن. مۇنىڭ ىشىندە ەكسپورت 188 ميلليارد 180 ميلليون يۋان بولىپ، سايكەس مەزگىلدەگىدەن %5.6 ارتقان؛ يمپورت 98 ميلليارد 240 ميلليون يۋان بولىپ، سايكەس مەزگىلدەگىدەن %21 ارتقان.
كەدەننىڭ ساناعىنا قاراعاندا، ەلىمىزدىڭ ورتا ازياداعى بەس ەلمەن يمپورت - ەكسپورتى 2013 - جىلعى 312 ميلليارد 40 ميلليون يۋاننان 2024 - جىلعى 674 ميلليارد 150 ميلليون يۋانعا جەتىپ، %116 ارتىپ، جىلدىق ورتاشا ارتۋ قارقىنى %7.3 كە جەتىپ، ۇقساس مەزگىلدەگى ەلىمىزدىڭ جالپى يمپورت - ەكسپورتىنىڭ جىلدىق ورتاشا ارتۋ قارقىنىنان 2.3 پايىز جوعارى بولىپ، ەكى جاقتى ەكونوميكا - ساۋدا بارىس - كەلىسى ۇزدىكسىز تەرەڭدەگەن.
ەلىمىز ورتا ازيامەن اۋىل شارۋاشىلىعى سالاسىنداعى سەلبەستىك كومەسكى كۇشىن بەلسەنە اشىپ، ورتا ازيانىڭ جاسىل، ساپالى اۋىل شارۋاشىلىق ونىمدەرى جۇڭگو بازارىنا بارعان سايىن كوپتەپ كىردى. بيىل الدىڭعى 5 ايدا ەلىمىز ورتا ازياداعى 5 ەلدەن يمپورت ەتكەن اۋىل شارۋاشىلىق ونىمدەرى 4 ميلليارد 360 ميلليون يۋان بولىپ، سايكەس مەزگىلدەگىدەن %26.9 ارتقان. مۇنىڭ ىشىندە قازاقستاننان يمپورت ەتىلگەن زىعىر سايكەس مەزگىلدەگىدەن %202.1 ارتقان، وزبەكستاننان يمپورت ەتىلگەن مەيىز سايكەس مەزگىلدەگىدەن %153.7 ارتقان؛ قىرعىزستاننان يمپورت ەتىلگەن بال سايكەس مەزگىلدەگىدەن 10.9 ەسە ارتقان
جوعارى دەڭگەيلى ۇلاستىرۋ - تۇتاستىرۋ تورىن قۇرۋدىڭ ارقاسىندا، توڭىرەكتەگى قۇرلىق جولى ۇزدىكسىز ساپالىلانىپ، تاس جول تاسىمالىنىڭ ەلىمىزدىڭ ورتا ازياداعى 5 ەلمەن يمپورت - ەكسپورتى جاعىنداعى سالىستىرماسى تاياۋ جىلداردان بەرى زور دارەجەدە جوعارىلادى. بيىل الدىڭعى 5 ايدا ەلىمىزدىڭ تاس جول تاسىمالى تاسىلىمەن ورتا ازياداعى 5 ەلمەن جاساسقان يمپورت - ەكسپورتى 143 ميلليارد 650 ميلليون يۋان بولىپ، سايكەس مەزگىلدەگىدەن %10.9 ارتىپ، يەلەگەن سالىستىرماسى %50 تەن جوعارى ورەنى ساقتاعان.
