ەكى تاراۋ ورتالىقتىڭ جاراتىلىستىق اپاتتان قۇتقارۋ قارجىسىنان 40 ميلليون يۋاندى الدىن الا بوساتىپ، حاينان، گۋاڭدۇڭ، گۋاڭشيدىڭ تاسقىننان ساقتانۋ، تايفىڭ داۋىلىنان ساقتانۋ قىزمەتىن قولدادى

بيىلعى 1 – ءنومىرلى تايفيڭ بورانى ”كوبەلەك“ جانە نوسەر، سەل اپاتىنا قاراتا، جاقىندا قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى ورتالىقتىڭ 40 ميلليون يۋان تابيعي اپاتتان قۇتقارۋ قاراجاتىن اجىراتىپ، حاينان، گۋاڭدۇڭ، گۋاڭشي قاتارلى ولكە، رايونداردىڭ سەلدەن قورعانۋ، تايفيڭ بورانىنان قورعانۋ شۇعىل قۇتقارۋ قىزمەتىن جاقسى ىستۋىنە قولداۋ كورسەتىپ، اپاتقا ۇشىراعان ادامداردى جوتكەپ ورنالاستىرۋ، حاۋىپ - قاتەردى الاستاۋ، حاۋىپ - قاتەردى جويۋ قاتارلى شۇعىل جاعدايعا توتەپ بەرۋ، اپات كومەسكى قاتەرىن تەكسەرۋ جانە شۇعىل جونگە سالۋ قاتارلىلاردى ورىستەتىپ، اپاتتىڭ ىقپالىن ەڭ زور دارەجەدە جەڭىلدەتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىزداندىرۋدى قولدادى.

قازىنا مينيسترلىگى قاتىستى ولكەلىك ( رايوندىق ) قازىنا مەڭگەرمەسىنەن قارجىنى اپات تۋىلعان رايونعا جەدەل بوساتىپ، اپاتتان قۇتقارۋ قارجىسىن باقىلاۋ - باسقارۋدى شىنايى كۇشەيتىپ، اپاتتان قۇتقارۋ قارجىسىنىڭ حاۋىپسىز، جۇيەلى، جوعارى ءونىمدى پايدالانىلۋىنا كەپىلدىك ەتۋدى تالاپ ەتتى.

كەلۋ قاينارى: حالىق تورابى