رىدي جولداستىڭ سۇيەگى بەيجيڭدە ورتەلدى

رىدي جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن رىدي جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس ـ تۋعاندارىنان شىنايى حال سۇرادى

شينحۋا اگەنتتىگىنىڭ 6 ـ ايدىڭ 12 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ تاڭداۋلى مۇشەسى، ادال كوممۋنيزم جاۋىنگەرى، ەلىمىزدىڭ ۇلت قىزمەتى جانە سوتسياليستىك زاڭ ـ ءتۇزىم قۇرىلىسىنىڭ كورنەكتى باسشىسى، زاڭزۋ حالقىنىڭ تاڭداۋلى ۇلانى، 10 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى رىدي جولداستىڭ سۇيەگى 6 ـ ايدىڭ 12 ـ كۇنى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى.

رىدي جولداس ناۋقاس سەبەبىنەن 2025 ـ جىلى 6 ـ ايدىڭ 6 ـ كۇنى ساعات 2دەن 15 مينۋت وتكەندە بەيجيڭدە 87 جاسىندا قايتىس بولدى.

رىدي جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن رىدي جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس ـ تۋعاندارىنان شىنايى حال سۇرادى.

6 ـ ايدىڭ 12 ـ كۇنى تۇستەن بۇرىن باباۋشان توڭكەرىستىك قۇرباندار قابىرستانىنىڭ زالى ايبىندى جىم ـ جىرت كۇيگە شومىپ، قايعىلى مۋزيكا باياۋ ەستىلىپ تۇردى. نەگىزگى زالدىڭ تورىنە ”رىدي جولداسقا قايعىلى ازا بىلدىرەمىز“ دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا رىدي جولداستىڭ سۋرەتى قويىلعان. رىدي جولداستىڭ سۇيەگى گۇل شوقتارىمەن جانە ارشالارمەن قورشالىپ، ۇستىنە جۇڭگو كوممۋنيستىك پارتياسىنىڭ نارت قىزىل پارتيا تۋى جابىلعان.

تۇستەن بۇرىن ساعات 9دان 30 مينۋت وتكەن مولشەردە شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار قايعىلى مۋزيكا ءۇنى ىشىندە رىدي جولداستىڭ سۇيەگىنىڭ الدىنا باياۋ كەلىپ ءۇنسىز ازا ءبىلدىرىپ، رىدي جولداستىڭ سۇيەگىنە 3 رەت تاعزىم ەتتى ءارى رىدي جولداستىڭ تۋىس ـ تۋعاندارىمەن ءبىر ـ بىردەن قول الىسىپ حال سۇرادى.

پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاسۋعا باردى نەمەسە ءتۇرلى تاسىلدەرمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، رىدي جولداستىڭ كوزى تىرىسىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاسۋعا باردى.