جۇڭگو كوممۋنيستىك پارتياسى ورتالىق كوميتەتى چىن يۇن جولداس دۇنيەگە كەلگەندىگىنىڭ 120 جىلدىعىن ەسكە ءتۇسىرۋ اڭگىمە ءماجىلىسىن وتكىزدى

6 ـ ايدىڭ 13 ـ كۇنى جۇڭگو كوممۋنيستىك پارتياسى ورتالىق كوميتەتى بەيجيڭ حالىق سارايىندا چىن يۇن جولداس دۇنيەگە كەلگەندىگىنىڭ 120 جىلدىعىن ەسكە ءتۇسىرۋ اڭگىمە ءماجىلىسىن وتكىزدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار اڭگىمە ماجىلىسىنە قاتىناستى.

□ سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن

شينحۋا اگەنتتىگىنىڭ 6 ـ ايدىڭ 13 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى 6 ـ ايدىڭ 13 ـ كۇنى تۇستەن بۇرىن حالىق سارايىندا اڭگىمە ءماجىلىسىن وتكىزىپ، چىن يۇن جولداس دۇنيەگە كەلگەندىگىنىڭ 120 جىلدىعىن ەسكە ءتۇسىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ، بىلاي دەپ باسا دارىپتەدى: چىن يۇن جولداستىڭ ءومىرى ۇلى، داڭقتى ءومىر، ونىڭ ورناتقان وسكەلەڭ رۋحاني قاسيەتى، جاراتقان مول باسشىلىق تاجىريبەسى، قورىتىندىلاعان عىلمي يدەيالىق ءادىسى جانە قىزمەت ءادىسى — ماڭگى ءبىزدىڭ باعالى بايلىعىمىز. ءبىز مۇقيات ۇيرەنىپ، قولدانىپ، ءىس جۇزىندىكپەن ۇشتاستىرا ساۋلەلەندىرىپ، جاڭا داۋىردەگى جاڭا جورىقتا قايراتتانا العا ۇمتىلىپ، قاجىرلىلىقپەن بەرىلە ىستەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي ـ تالماي كۇرەس جۇرگىزۋىمىز كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، ۋاڭ حۋنيڭ، ساي چي، ديڭ شۋەشياڭ، لي شي اڭگىمە ماجىلىسىنە قاتىناستى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى جاۋ لىجي اڭگىمە ءماجىلىسىن باسقاردى.

شي جينپيڭ سوزىندە چىن يۇن جولداستىڭ شۇعىلالى ءومىرىن ەسكە الىپ، ونىڭ ەلىمىزدىڭ توڭكەرىس، قۇرىلىس، رەفورما ىستەرىنە سىڭىرگەن وشپەس ەڭبەكتەرىن قورىتىندىلاپ، بىلاي دەپ باسا دارىپتەدى: چىن يۇن جولداس — ۇلى پرولەتاريات توڭكەرىسشىسى، ساياساتشى، ۇزدىك ماركسيزمشى، جۇڭگونىڭ سوتسياليستىك ەكونوميكالىق قۇرىلىسىن قۇرۋشىلاردىڭ جانە نەگىزىن قالاۋشىلاردىڭ ءبىرى، پارتيا مەن مەملەكەتتىڭ ۇزاق سىنىنان وتكەن كورنەكتى باسشىسى، ماۋ زىدۇڭ جولداستى ۇيتقى ەتكەن پارتيانىڭ ءبىرىنشى ۇرپاق ورتالىق كوميتەت باسشىلىق كوللەكتيۆىنىڭ جانە دىڭ شياۋپيڭ جولداستى ۇيتقى ەتكەن پارتيانىڭ ەكىنشى ۇرپاق ورتالىق كوميتەت باسشىلىق كوللەكتيۆىنىڭ ماڭىزدى مۇشەسى، ول پارتيا مەن حالىق ىستەرىنە كەلەلى ۇلەس قوسقان.

شي جينپيڭ بىلاي دەپ اتاپ كورسەتتى: چىن يۇن جولداستىڭ ۇزاق ۋاقىتتىق توڭكەرىستىك ومىرىندە ورناتقان جانە تاباندى بولعان بەرىك مۇرات ـ سەنىمى، بەرىك پارتيالىلىق پرينسيبى، شىندىققا جۇگىنىپ ناقتى ءىس ىستەۋ ستيلى، قاراپايىم حالىق قىزمەتكەرى بولۋ سۇيىسپەنشىلىگى، قۇلشىنا ۇيرەنۋ رۋحى كوممۋنيستەردىڭ وسكەلەڭ قاسيەتىن ايگىلەدى. ءبىز چىن يۇن جولداستىڭ وسكەلەڭ رۋحاني قاسيەتىنەن ۇيرەنىپ، مۇرات ـ سەنىمدى بەكەمدەپ، ءسوز جوق، جەڭىسكە جەتۋ سەنىمىن ورناتىپ، وزگەرىس پەن بىلىقپالىق قاباتتاسقان، قىم ـ قۋىت كۇردەلى جاعداي الدىندا ساياسي تاباندىلىقتى ساقتاۋىمىز كەرەك. بۇكىل ىنتا ـ پەيىلمەن حالىق ءۇشىن قىزمەت ىستەۋ ءتۇبىرلى ماقساتىن سانالىلىقپەن امالياتتا ايگىلەپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، حالىققا تىعىز ارقا سۇيەپ، تاريحي ۇلى ىستەردى جاراتۋىمىز كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرىپ، ستيلدى جاقسارتۋدىڭ ءىس جۇزىندىك ونىمدىلىگىمەن حالىق بۇقاراسىنىڭ قولداۋىنا جانە قۇپتاۋىنا يە بولۋىمىز كەرەك.

شي جينپيڭ بىلاي دەپ باسا دارىپتەدى: چىن يۇن جولداس مەيلى قايسى سالاعا جاۋاپتى بولسىن، قايسى باسشىلىق قىزمەت ورنىندا بولسىن، تۇگەلدەي قۇلشىنا ۇيرەنىپ، ىشكەرىلەي بەرىلە زەرتتەپ، زاڭدىلىقتاردى قاراستىرىپ، ماڭىزدى ءتۇيىندى يگەرىپ، ۇزدىك باسشىلىق قابىلەتىن ايگىلەپ، كۇنى بۇگىنگە دەيىن ماڭىزدى مانگە يە كوپتەگەن باسشىلىق تاجىريبەلەرىن جاراتتى. ءبىز چىن يۇن جولداستىڭ مول باسشىلىق تاجىريبەسىنەن ۇيرەنىپ، پارتيانىڭ ەكونوميكالىق، قوعامدىق دامۋعا باسشىلىق قابىلەتىن جانە وزىندىك قۇرىلىس دەڭگەيىن كۇش سالا جوعارىلاتۋىمىز كەرەك. پارتيانىڭ ەكونوميكالىق قىزمەتكە باسشىلىعىن كۇشەيتىپ، سوتسياليستىك ەكونوميكالىق قۇرىلىس زاڭدىلىعى جونىندەگى تانىمىمىزدى تەرەڭدەتىپ، جاڭا دامۋ ۇستانىمىن تولىق، دالمە ـ ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتۋىمىز كەرەك. رەفورمانى ونان ارى جاپپاي تەرەڭدەتۋدى تەز قارقىنمەن، ورنىقتى قاداممەن ىلگەرىلەتىپ، جوعارى دەڭگەيدە سىرتقا ەسىك اشۋدى بۇلجىماي كەڭەيتىپ، جۇڭگو ۇلگىسىندەگى وسىزامانداندىرۋعا اناعۇرلىم كوپ قوزعاۋشى كۇش جانە ومىرشەڭ كۇش ۇستەۋىمىز كەرەك. پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، پارتيانىڭ ءوزىن ـ ءوزى كىرشىكسىزدەندىرۋ، ءوزىن ـ ءوزى كەمەلدەندىرۋ، ءوزىن ـ ءوزى جاڭارتۋ، ءوز دەڭگەيىن جوعارىلاتۋ قابىلەتىن ۇزدىكسىز كۇشەيتىپ، پارتيانىڭ باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋىمىز كەرەك.

شي جينپيڭ بىلاي دەپ اتاپ كورسەتتى: شىندىقتى ءىس جۇزىنەن ىزدەۋگە تاباندى بولۋ — چىن يۇن جولداستىڭ ايقىن ەرەكشەلىگى. ول ”جوعارىعا تابىنۋشىلىقتان، كىتاپشىلدىقتان اۋلاق بولىپ، تەك امالياتتى نەگىز ەتۋ، اۋىستىرۋ، سالىستىرۋ، قايتالاۋ“ سىندى ماتەرياليستىك ديالەكتيكاعا تولى ”15 ارىپتىك امالدى“ قورىتىندىلاپ شىعىپ، ستراتەگيالىق تۇرعىدان ماسەلەگە وي جۇگىرتۋگە شەبەر بولىپ، تەكسەرۋ ـ زەرتتەۋدى شەشىم جاساۋدىڭ ماڭىزدى العى شارتى ەتتى. ءبىز چىن يۇن جولداستىڭ عىلمي يدەيالىق ادىسىنەن جانە قىزمەت ادىسىنەن ۇيرەنىپ، پارتيانىڭ يدەيالىق لۋشيانىنا تاباندى بولىپ، جاڭا داۋىردەگى جۇڭگوشا سوتسياليزم يدەياسىنىڭ دۇنيەگە كوزقاراسىن، ءادىسناماسىن جانە وعان سىڭىرىلگەن تۇرعىنى، كوزقاراستى، ءادىستى ويداعىداي ۇيرەنىپ، ويداعىداي قولدانىپ، جاعدايعا دۇرىس تۇجىرىم جاساپ، بولاشاقتى عىلمي جوسپارلاپ، قىزمەتتىڭ جۇيەلىلىگىن، بولجامدىلىعىن، جاسامپازدىعىن ۇزدىكسىز كۇشەيتۋىمىز كەرەك. تەكسەرۋ ـ زەرتتەۋ ساپاسىن جوعارىلاتىپ، ەكونوميكالىق، قوعامدىق دامۋ بارىسىنداعى جاڭا جاعدايلاردى، جاڭا ماسەلەلەردى، جاڭا اۋقىمدى دالمە ـ ءدال يگەرىپ، نەگىزگى ساتىنىڭ قاجەتىن، بۇقارانىڭ ءزارۋ بولىپ وتىرعان ىستەرىن دالمە ـ ءدال يگەرىپ، شەشىمنىڭ ءىس جۇزىندىككە ءتىپتى دە ۇيلەسۋىنە، حالىق بۇقاراسىنىڭ ارمانىنا ءتىپتى دە ۇيلەسۋىنە مۇمكىندىك جاساۋىمىز كەرەك.

جاۋ لىجي اڭگىمە ءماجىلىسىن باسقارعاندا بىلاي دەدى: باس شۋجي شي جينپيڭنىڭ ماڭىزدى ءسوزى چىن يۇن جولداستىڭ ۇلى، داڭقتى ءومىرىن تەرەڭ ەسكە الىپ، چىن يۇن جولداستىڭ پارتيا مەن حالىق ىستەرى ءۇشىن سىڭىرگەن وشپەس ەڭبەكتەرىن جوعارى باعالاپ، بۇكىل پارتيانى چىن يۇن جولداستىڭ وسكەلەڭ رۋحاني قاسيەتىنەن، مول باسشىلىق تاجىريبەسىنەن، عىلمي يدەيالىق ادىسىنەن جانە قىزمەت ادىسىنەن ۇيرەنۋگە ۇندەدى. ءسوز بيىكتە تۇرىپ الىستى بولجاعان، سىندارلى دا ءمانى تەرەڭ، اسا كۇشتى ساياسي سيپاتقا، يدەيالىلىق سيپاتقا، جەتەكشىلىك سيپاتقا يە، پارتيامىزدىڭ جۇڭگوشا سوتسياليزم جولىمەن تاباندىلىقپەن ءجۇرۋى، رەفورما جاساپ، ەسىك اشۋعا تاباندى بولۋى، جۇڭگو ۇلگىسىندەگى وسىزامانداندىرۋدى ىلگەرىلەتۋى جونىنەن كەلەلى ءمان الادى. ءبىز مۇقيات ۇيرەنۋىمىز، ءتۇسىنۋىمىز، ىشكەرىلەي دايەكتىلەندىرۋىمىز، تياناقتاندىرۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قۇلشىنا كۇرەس جۇرگىزۋىمىز كەرەك.

اڭگىمە ماجىلىسىندە ورتالىق كوميتەت پارتيا تاريحىن جانە حۇجات زەرتتەۋ ورنىنىڭ باستىعى چۇي چيڭشان، مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ليۋ چي، مەملەكەتتىك كەڭەستىڭ ورىنباسار باس حاتشىسى ۋاڭ جىجۇن، شاڭحاي قالاسىنىڭ باستىعى گۇڭ جىڭ ىلگەرىندى ـ كەيىندى ءسوز سويلەدى.

جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار اڭگىمە ماجىلىسىنە قاتىناستى.

ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى، بەيجيڭ قالاسىنداعى، شاڭحاي قالاسىنداعى جاۋاپتى جولداستار، چىن يۇن جولداستىڭ تۋىس ـ تۋعاندارى، بۇرىن قاسىندا قىزمەت ىستەگەن قىزمەتكەرلەر جانە اۋىلداستارىنىڭ ۋاكىلدەرى قاتارلىلار اڭگىمە ماجىلىسىنە قاتىناستى.