قالادا شوعىرلى بازار اشىلىپ، جاڭا سالت سان مىڭداعان وتباسىلارىنا جەتكىزىلدى (ءتورتىنشى جالپى ءماجىلىستىڭ رۋحىن دايەكتىلەندىرۋدىڭ ءبىرىنشى شەبىنەن كورگەن – بىلگەندەرىمىز)

”جۇرىڭىزدەر، شوعىرلى بازارعا بارايىق!“

سەنبى كۇنى تۇستەن بۇرىن جياڭشي گانجوۋ جاڭگۇڭ رايونى يىڭجياۋ الەۋمەتتىك اۋماعىندا تۇرعىن زىڭ لايشياڭ اۋىل - قىستاقتان ەندى عانا كوشىپ كەلگەن كورشىسى جۇڭ يۇيلياندى ىستىق ىقىلاسپەن كۇتىپ الدى.

”قالادا دا شوعىرلى بازار بار ما؟“ دەپ سۇرادى قايران قالعان جۇڭ يۇيليان.

مۇنداعى شوعىرلى بازار دەپ وتىرعانىمىز گانجوۋ العا قويعان ”وركەنيەت بازارى“ ەدى. زىڭ لايشياڭ كۇلىپ تۇرىپ: ”بارساڭىز، سەرگىپ قالاسىز!“ دەدى.

وركەنيەت − وسىزاماندانعان مەملەكەتتىڭ بەلگىسى. باس شۋجي شي جينپيڭ بىلاي دەپ باسا دارىپتەدى: ”قوعامنىڭ وركەنيەت دەڭگەيىن جوعارىلاتۋدى مادەنيەتتە قۋاتتى سوتسياليستىك ەل قۇرۋدىڭ ماڭىزدى مىندەتى ەتۋ كەرەك“. ”قوعامنىڭ وركەنيەت دەڭگەيىن كورنەكتى جوعارىلاتۋ“ − پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە العا قويىلعان ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ باستى نىسانالارىنىڭ ءبىرى.

سالدەن سوڭ زىڭ لايشياڭ، جۇڭ يۇيليان شوعىرلى بازارعا كەلدى.

”راسىندا ۇقسامايدى!“ كۇرىش، ۇن، استىق، ماي جوق، كوشە بويلاعان ساتۋشىلار كورىنبەيدى، جۇڭ يۇيلياننىڭ كورگەنى سوعىلعان بارابان، تۇرعىندار اڭگىمە ايتىپ، جۇزدەرىنە كۇلكى ءۇيىرىلىپ، بىرەۋلەر دارىگەرلىك كەڭەس سۇراۋدا، بىرەۋلەر شاشتاراز، اياق كيىم جوندەۋ جايمالارىندا ارلى - بەرلى ءجۇر... ”اۋىل - قىستاق بازارىنان دا دۋماندى ەكەن!“ جۇڭ يۇيليان جەلپىنە باستادى.

ءار اپتانىڭ سوڭىندا، مەرەكە - مەيرامدا گانجوۋدىڭ ءمالى الەۋمەتتىك اۋماقتارى الاڭ، باقشا سياقتى جەرلەردە ادەبيەت - كوركەمونەر ويىندارىن قويىپ، حالىققا قولايلى قىزمەت وتەپ، وركەنيەتتى جاڭا سالتتى دارىپتەدى.

”ۇيلەنسەڭ قارىز ارقالامايسىڭ، شىنايى سۇيىسپەنشىلىگىڭ ەڭ باعالى...“ الاڭ ساحناسىندا وڭتۇستىك جياڭشي تەاترى «قوماقتى قالىڭ مالعا توسقاۋىل قويۋ» دابىرالى ورىندالىپ جاتتى. ساحنادا ارتيستەر ىجداعاتپەن تەاتر ورىنداۋدا، ساحنا استىندا كورەرمەندەر ءماز - مەيرام بولۋدا.

”كونسەرت جاقسى قويىلدى، جاقسى بولۋ سەبەبى، ايتىلعانداردىڭ بارلىعى تۇرمىستاعى ىستەر“ دەدى زىڭ لايشياڭ.

تەاتر سياقتى بۇقارا ۇناتاتىن فورمالار ارقىلى وركەنيەت حيكايالارى باياندالدى، گانجوۋ ”وركەنيەت بازارى“ بيىل جىل باسىنان بەرى 1300 رەتتەن استام مادەنيەت ارقىلى حالىققا تيىمدىلىك جاساۋ قيمىلىن وتكىزدى.

”يۇيليان، ەندى مىنا جاقتى كورەيىك“. زىڭ لايشياڭ جۇڭ يۇيلياندى ەرتىپ الاڭنىڭ تاعى ءبىر جاعىنا باردى. قوعامدىق قامسىزداندىرۋ بويىنشا جىلدىق تەكسەرۋ، الدامكوستىككە قارسى تۇرۋ، الدامشىلىقتان ساقتانۋ... 12 جايمادا 30 نەشە قىزمەتكەر تۇرعىنداردىڭ كۇدىك - كۇمانىنا سابىرلىلىقپەن جاۋاپ بەرۋدە.

زىڭ لايشياڭ ۋاكىلدىك رەتىندە قىزمەت وتەۋ جايماسىنا بارىپ، قول تەلەفوننان زەينەتكەرلىك قامسىزداندىرۋىن جىلدىق تەكسەرۋدى قالاي ءبىتىرۋ جونىندە اقىل - كەڭەس سۇرادى، 3 مينۋتقا جەتپەيتىن ۋاقىتتا كاسىپ ءبىتىرىلىپ بولدى. ”الدىڭعى جولعى ەمدەۋ قامسىزداندىرۋىنىڭ ەسەپتەن كوتەرۋ ءىسى دە ولاردىڭ كومەگىنىڭ ارقاسى“ دەدى زىڭ لايشياڭ.

”بۇل وتە جاقسى بولدى! ءبىزدىڭ جاسىمىز ۇلعايدى، بالالارىمىز قاسىمىزدا ەمەس، بىلمەيتىندەرىمىز بولسا، كەلىپ سۇرايمىز“ دەدى جۇڭ يۇيليان.

”وركەنيەت بازارى“ ءارقايسى تاراۋلاردىڭ قىزمەتكەرلەرىن جانە ەرىكتىلەردى ۇيىمداستىرىپ، بۇقارانىڭ كۇدىك - كۇمانىنا ناق مايداندا جاۋاپ بەرىپ، ساياساتتىق بىلىمدەردى جالپىلاستىردى، بيىل جىل باسىنان بەرى بۇقاراعا جيىنى 780 مىڭ ادام - رەت قىزمەت وتەدى.

”لايشياڭ اپەكە، بۇل بازار وتە جاقسى ەكەن!“

”تاعى ءبىر جەر بار، مەن ءار جولى كەلگەندە بارىپ تۇرامىن“.

ءسوز ارەدىگىندە ەكەۋى الاڭداعى گۇل تەكشەنىڭ شەتىنە جەتىپ باردى، اقىسىز دياگنوز قويۋ، تىگىنشىلىك سياقتى 8 جايما ورنى رەتى بويىنشا ءتىزىلىپتى.

سىمنىڭ بالاعىن 2 سانتيمەتر قىسقارتىپ قايىرىپ، جيەگىن وكشە تۇسقا تۋرالاپ بەرىڭىز... تىگىنشى زىڭ فانيۇن تۇستەن بۇرىن قاربالاس جۇمىس ىستەدى، ول: ”اپتاسىنا جارىم كۇن مىندەتتى قىزمەت وتەيمىن، جاقسى ىستەردى كوبىرەك ىستەگەندە كوڭىلىم جاي تابادى“ دەدى.

تۇسكە تاياعاندا شوعىرلى بازار جيناستىرىلدى، تۇرعىندار كورگەن - بىلگەندەرى مەن تابىستارى جونىندە اڭگىمەلەسۋدە.

”پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرگەن گانجوۋ وركەنيەتتى قالا قۇرىلىسىن ۇزدىكسىز تەرەڭدەتىپ، ’وركەنيەت بازارىن‘ ويداعىداي قۇرىپ، وركەنيەتتى سالت ارقىلى وركەنيەتتى قالانى سومدايدى“ دەدى گانجوۋ قالالىق پارتكوم ۇگىت ءبولىمى باستىعىنىڭ ورىنباسارى لي شاۋگاڭ.

كەلۋ قاينارى: حالىق تورابى