پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، زاڭمەن باسقارىلاتىن جۇڭگو قۇرىلىسىنىڭ جاڭا جاعدايىن اشۋ كەرەك

«حالىق گازەتى»، 11 - ايدىڭ 18 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا مەملەكەتتى جاپپاي زاڭمەن باسقارۋ قىزمەتى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى مەملەكەتتى جاپپاي زاڭمەن باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، پارمەندى ىلگەرىلەتىپ، مەملەكەتتى جاپپاي زاڭمەن باسقارۋدىڭ جالپى تۇلعالىق جاعدايىن نەگىزىنەن قالىپتاستىردى، جۇڭگوشا سوتسياليستىك زاڭمەن باسقارۋ جۇيەسى ۇزدىكسىز كەمەلدەنىپ، جۇڭگوشا سوتسياليستىك زاڭمەن باسقارۋ جولى بارعان سايىن كەڭەيدى.

شي جينپيڭ بىلاي دەپ باسا دارىپتەدى: جاڭا جورىقتا جاڭا ءداۋىر جۇڭگوشا سوتسياليستىك زاڭمەن باسقارۋ يدەياسىن جاپپاي دايەكتىلەندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، نازاردى اناعۇرلىم كەمەلدى جۇڭگوشا سوتسياليستىك زاڭمەن باسقارۋ جۇيەسىن قۇرۋعا، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋعا شوعىرلاندىرىپ، زاڭمەن باسقارۋدىڭ رەفورمامەن، دامۋمەن، ورنىقتىلىقپەن ءوزارا سايكەسۋىنە اناعۇرلىم ءمان بەرىپ، قوعامدىق ادىلدىك پەن ادىلەتتىلىكتى قامتاماسىزداندىرۋعا جانە جەبەۋگە اناعۇرلىم ءمان بەرىپ، عىلمي زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىقتىڭ زاڭعا بويسۇنۋىن جاپپاي ىلگەرىلەتىپ، مەملەكەتتىڭ ءار جاقتاعى قىزمەتتەرىن زاڭمەن باسقارۋدى جاپپاي ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدى زاڭمەن باسقارۋ جاعىنان پارمەندى قامتاماسىز ەتۋ كەرەك.

شي جينپيڭ بىلاي دەپ باسا دارىپتەدى: ءار دارەجەلى پارتكومدار (پارتيا باسشىلىق گرۋپپاسى) تۇلعالىق جاۋاپكەرشىلىكتى ارقالاپ، زاڭمەن باسقارۋ سالاسىنداعى كەلەلى ورنالاستىرۋلاردى، ماڭىزدى مىندەتتەردى، ءتۇيىندى قىزمەتتەردى تياناقتاندىرۋدى مىقتى يگەرۋى كەرەك. زاڭمەن باسقارۋ قىزمەت تاراۋلارى مىندەتىن مۇقيات اتقارىپ، جاۋاپكەرشىلىگىن ادا ەتىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتۋى، تاراۋلار، سالالار ءىستى زاڭ بويىنشا قاتاڭ ىستەپ، زاڭمەن باسقارىلاتىن جۇڭگو قۇرىلىسىنىڭ جاڭا جاعدايىن كۇش بىرىكتىرە اشۋى كەرەك.

ورتالىقتىڭ مەملەكەتتى جاپپاي زاڭمەن باسقارۋ قىزمەتى ءماجىلىسى 11 - ايدىڭ 17 - كۇنىنەن 18 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي ماجىلىسكە قاتىناستى ءارى ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناستى ءارى شي جينپيڭنىڭ ماڭىزدى نۇسقاۋىن جەتكىزدى.

جاۋ لىجي سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى بيىكتە تۇرىپ الىستى بولجاعان، يدەياسى تەرەڭ، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، جاڭا جورىقتا مەملەكەتتى جاپپاي زاڭمەن باسقارۋدى ىلگەرىلەتۋگە ايقىن العا باسۋ بەتالىسىن كورسەتتى، ونى ىشكەرىلەي ۇيرەنۋ، ءتۇسىنۋ، باتىل دايەكتىلەندىرۋ، تياناقتاندىرۋ كەرەك.

جاۋ لىجي بىلاي دەپ باسا دارىپتەدى: شي جينپيڭ زاڭمەن باسقارۋ يدەياسى − جاڭا داۋىردە مەملەكەتتى جاپپاي زاڭمەن باسقارۋدا، ءسوز جوق، ۇزاق ۋاقىت تاباندى بولۋعا ءتيىستى جەتەكشى يدەيا. مەملەكەتتى جاپپاي زاڭمەن باسقارۋدىڭ تاريحي جەتىستىكتەرى شي جينپيڭ زاڭمەن باسقارۋ يدەياسىنىڭ اقيقات كۇشى مەن امالياتتىق ۇلى كۇشىن تولىق ايگىلەدى. شي جينپيڭ زاڭمەن باسقارۋ يدەياسىن ۇيرەنۋدى، ۇگىتتەۋدى، تاربيەلەۋدى، زەرتتەۋدى، ءتۇسىندىرۋدى تەرەڭدەتىپ، دايەكتىلەندىرۋدى، تياناقتاندىرۋدى مىقتى يگەرىپ، ۇيرەنۋ جەتىستىكتەرىن زاڭمەن باسقارۋ قۇرىلىسىنىڭ امالياتىندا ايگىلەۋ كەرەك.

جاۋ لىجي بىلاي دەپ اتاپ كورسەتتى: پارتيانىڭ مەملەكەتتى جاپپاي زاڭمەن باسقارۋعا باسشىلىعىنا تاباندى بولىپ جانە ونى كۇشەيتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ باتىل ورىنداپ، جۇڭگوشا سوتسياليستىك زاڭمەن باسقارۋ جولىمەن بۇلجىماي ءجۇرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، پارتيا باسشىلىعىنىڭ مەملەكەتتى جاپپاي زاڭمەن باسقارۋدىڭ جالپى بارىسىندا جانە ءار جاعىندا دايەكتىلەنۋىنە شىنايى كەپىلدىك ەتۋ كەرەك.

جاۋ لىجي بىلاي دەپ باسا دارىپتەدى: پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ستراتەگيالىق ورنالاستىرۋلارىن دايەكتىلەندىرۋدى، تياناقتاندىرۋدى ارقاۋ ەتىپ، دۇرىس جولدان جازباي، جاڭالىق اشىپ، ورنىقتىلىق بارىسىندا ىلگەرىلەپ، مەملەكەتتى جاپپاي زاڭمەن باسقارۋ قىزمەتتەرىن ويداعىداي ىستەپ، زاڭمەن باسقارۋ ارقىلى ءتۇزىم باسىمدىعىن بەكەمدەپ جانە ايگىلەپ، جوعارى ساپالى دامۋدى زاڭمەن باسقارۋ جاعىنان قامتاماسىز ەتىپ، حالىقتىڭ ۇقىق - مۇددەسىن زاڭ بويىنشا قامتاماسىز ەتىپ، حالىقتىڭ ىرىسىن ارتتىرىپ، قوعامدىق ادىلدىك پەن ادىلەتتىلىكتى قامتاماسىزداندىرىپ جانە جەبەپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن قورعاۋ كەرەك، شەتەلگە ساياتىن زاڭمەن باسقارۋ جۇيەسى مەن قابىلەت قۇرىلىسىن كۇشەيتىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە كەپىلدىك ەتۋدى بەرىك زاڭمەن باسقارۋ كەپىلدىگىمەن قامداۋ كەرەك.

جاۋ لىجي بىلاي دەپ اتاپ كورسەتتى: اناعۇرلىم كەمەلدى جۇڭگوشا سوتسياليستىك زاڭمەن باسقارۋ جۇيەسىن ورناتىپ، كەمەلدى زاڭ نورمالارى جۇيەسىن جەدەل قالىپتاستىرىپ، زاڭمەن باسقارىلاتىن ۇكىمەت قۇرىلىسىن كۇش سالا ىلگەرىلەتىپ، ءادىليادا ءادىل بولۋدى جاپپاي ىلگەرىلەتىپ، زاڭمەن باسقارىلاتىن قوعام قۇرىلىسىن ىشكەرىلەي ىلگەرىلەتىپ، زاڭمەن باسقارۋ قىزمەت قوسىنى قۇرىلىسىن جانە زاڭمەن باسقارۋ دارىندىلارىن باۋلۋدى تەرەڭدەتىپ، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋعا بەرىك نەگىز قالاۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى چىن ۋىنچيڭ قورىتىندى سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋى مەملەكەتتى جاپپاي زاڭمەن باسقارۋدىڭ ستراتەگيالىق، جالپى جاعدايلىق، باعىتتىق ماسەلەلەرىن اناعۇرلىم ايقىنداپ، سوتسياليستىك زاڭمەن باسقارۋ قۇرىلىسىنىڭ زاڭدىلىعى جونىندەگى تانىمدى تەرەڭدەتىپ، جاڭا جورىقتا مەملەكەتتى جاپپاي زاڭمەن باسقارۋدى ىلگەرىلەتۋگە ايقىن العا باسۋ بەتالىسىن كورسەتتى. شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، ءماجىلىس رۋحىن ىشكەرىلەي ۇيرەنىپ، دايەكتىلەندىرىپ، عىلمي زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىقتىڭ زاڭعا بويسۇنۋىن ءبىر تۇتاس ىلگەرىلەتىپ، زاڭدىق باقىلاۋدى كۇشەيتىپ، زاڭمەن باسقارىلاتىن جۇڭگو قۇرىلىسىنىڭ جاڭا جاعدايىن كۇش بىرىكتىرە اشۋ كەرەك.

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانىنىڭ، ورتالىق ۇيىمداستىرۋ ءبولىمىنىڭ، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ، تيانجين قالاسىنىڭ، جياڭسۋ ولكەسىنىڭ، فۋجيان ولكەسىنىڭ، چۇڭچيڭ قالاسىنىڭ، گانسۋ ولكەسىنىڭ جاۋاپتى جولداستارى پىكىر اۋىستىرىپ، ءسوز سويلەدى.

شى تايفىڭ، لي شۋلەي، لي حۇڭجۇڭ، ليۋ جينگو، ۋاڭ شياۋحۇڭ، جاڭ شىڭمين، ۋ جىڭلۇڭ، جاڭ جۇن، يىڭ يۇڭ ماجىلىسكە قاتىناستى.

ورتالىقتىڭ مەملەكەتتى جاپپاي زاڭمەن باسقارۋ كوميتەتىنىڭ مۇشەلەرى، ءارقايسى ولكە، اۆتونوميالى رايون، توتە قاراستى قالالار جانە جوسپارى بولەك جاسالاتىن قالالار، شينجياڭ ءوندىرىس - قۇرىلىس بيڭتۋانى پارتكومدارىنىڭ ولكەنى (اۆتونوميالى رايون، توتە قاراستى قالا، بيڭتۋان) جاپپاي زاڭمەن باسقارۋ كوميتەتتەرىندەگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار قاتارلىلار ماجىلىسكە قاتىناستى.

كەلۋ قاينارى: حالىق تورابى