بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.11.19 15:33 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 18 - كۇنى، بەيجيڭ. شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ زاڭمەن باسقارۋ يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋ ءۇشىن، ورتالىق كوميتەتتىڭ ۇگىت ءبولىمى، ورتالىق مەملەكەتتى زاڭمەن باسقارۋ كەڭسەسى 2021 - جىلى باسپادان شىققان «شي جينپيڭ زاڭمەن باسقارۋ يدەياسىن ۇيرەنۋ باعدارلاماسىنا» وزگەرىس ەنگىزىپ، «شي جينپيڭ زاڭمەن باسقارۋ يدەياسىن ۇيرەنۋ باعدارلاماسى (2025 - جىلعى باسىلىمى)» (تومەندە قىسقاشا «باعدارلاما (2025 - جىلعى باسىلىمى)» دەلىنەدى) اتتى كىتاپتى قۇراستىرىپ جازۋعا ۇيىمداستىردى، ونى حالىق باسپاسى، ۇيرەنۋ باسپاسى بىرلەسىپ باسپادان شىعاردى، بۇگىننەن باستاپ بۇكىل ەل كولەمىندە تاراتىلادى.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭگوشا سوتسياليزمگە تاباندى بولۋ جانە ونى دامىتۋ جالپى جاعدايى مەن ستراتەگيالىق تۇرعىسىنان زاڭمەن باسقارۋدى تۇراقتاندىرىپ، زاڭمەن باسقارۋدى ورنالاستىرىپ، زاڭمەن باسقارۋدى قاتاڭ اتقارىپ، ماركسيزمدىك زاڭمەن باسقارۋ نازارياسىن جۇڭگونىڭ زاڭمەن باسقارۋ قۇرىلىسىنىڭ ناقتى امالياتىمەن، جۇڭحۋانىڭ تاڭداۋلى ءداستۇرلى زاڭ مادەنيەتىمەن ۇشتاستىرۋعا تاباندى بولىپ، مەملەكەتتى جاپپاي زاڭمەن باسقارۋ جونىندەگى ءبىرقىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى جاسامپازدىقپەن العا قويىپ، شي جينپيڭ زاڭمەن باسقارۋ يدەياسىن قالىپتاستىردى. شي جينپيڭ زاڭمەن باسقارۋ يدەياسى − ماركسيزمدىك زاڭمەن باسقارۋ نازارياسىنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىگى، جۇڭگوشا سوتسياليستىك زاڭمەن باسقارۋ نازارياسىنىڭ كەلەلى جاڭالىق اشا دامۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، جاڭا داۋىردە مەملەكەتتى جاپپاي زاڭمەن باسقارۋدىڭ ءتۇبىرلى تياناعى جانە ارەكەت باعدارناماسى.
«باعدارلاما (2025 - جىلعى باسىلىمى)» جالپى 14 تاراۋ، 51 مازمۇن، 142 تارماق، 105 مىڭ ءارىپ. تۇتاس كىتاپ شي جينپيڭ زاڭمەن باسقارۋ يدەياسىنىڭ كەلەلى ءمانىن، وزەكتى ءمانىن، رۋحاني ءمانىن، باي مازمۇنىن، امالياتتىق تالابىن جۇيەلى بايىمداپ، وسى يدەيانىڭ ەڭ جاڭا دامۋىن تولىق بەينەلەپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ زاڭمەن باسقارۋ سالاسىنداعى ءتول جاسامپازدىق ۇلەسىن جاپپاي ايگىلەدى. «باعدارلامانىڭ (2025 - جىلعى باسىلىمى)» مازمۇنى باي، قۇرىلىمى قاتاڭ، ءتۇپ نۇسقاعا ادال، جازۋ ستيلى قاراپايىم، جاندى، قالىڭ كادرلار مەن بۇقارانىڭ شي جينپيڭ زاڭمەن باسقارۋ يدەياسىن ىشكەرىلەي ۇيرەنۋدەگى، دايەكتىلەندىرۋدەگى بەدەلدى كومەكشى وقۋلىعى.
ورتالىق كوميتەتتىڭ ۇگىت ءبولىمى، ورتالىقتىڭ مەملەكەتتى زاڭمەن باسقارۋ كەڭسەسى حابارلاندىرۋ شىعارىپ، «باعدارلامانى (2025 - جىلعى باسىلىمى)» پارتكومنىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋىندەگى، كادرلاردى تاربيەلەۋدەگى، پارتيا مۇشەلەرىنىڭ ۇيرەنۋىندەگى ماڭىزدى مازمۇن ەتىپ، جان - جاقتى، جۇيەلى ۇيرەنۋدى، دەر كەزىندە ىلەسە ۇيرەنۋدى، ىشكەرىلەي وي جۇگىرتىپ ۇيرەنۋدى، ءىس جۇزىندىكپەن ۇشتاستىرىپ ۇيرەنۋدى ىلگەرىلەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاباندى بولىپ، شي جينپيڭ زاڭمەن باسقارۋ يدەياسىمەن ءىس جۇزىندىك ماسەلەلەرگە اناعۇرلىم سانالى تۇردە جەتەكشىلىك ەتىپ، تالداۋ جاساپ، شەشىپ، ۇيرەنۋ ونىمدىلىگىن مەملەكەتتى جاپپاي زاڭمەن باسقارۋدى ىلگەرىلەتۋدىڭ، زاڭمەن باسقارىلاتىن جۇڭگو قۇرۋدىڭ جاندى امالياتىنا شىنايى اينالدىرىپ، جاڭا ءداۋىردىڭ جاڭا جورىعىندا مەملەكەتتى جاپپاي زاڭمەن باسقارۋدىڭ جاڭا جاعدايىن ۇزدىكسىز اشىپ، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ جولىندا ىنتىماقتاسا كۇرەس جۇرگىزۋدى تالاپ ەتتى.
كەلۋ قاينارى: حالىق تورابى
