شي جينپيڭ 7 - كەزەكتى جۇڭگو - رەسەي ەنەرگيا ساۋدا ىستەرى تالقى مىنبەرىنە قۇتتىقتاۋ حاتىن جولدادى

شينحۋا اگەنتتىگى، 11 - ايدىڭ 25 - كۇنى، بەيجيڭ. 7 - كەزەكتى جۇڭگو - رەسەي ەنەرگيا ساۋدا ىستەرى تالقى مىنبەرى 11 - ايدىڭ 25 - كۇنى بەيجيڭدە وتكىزىلدى. مەملەكەت ءتوراعاسى شي جينپيڭ تالقى مىنبەرىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: جۇڭگو مەن رەسەيدىڭ ەنەرگيا سەلبەستىگى ەرتە باستالعان، نەگىزى جاقسى، ەكى جاقتىڭ ءوزارا ءتيىمدى سەلبەستىگىنىڭ ۇلگىسى، ەكى ەلدىڭ ەكونوميكالىق، قوعامدىق دامۋىن جەبەۋدە، ەكى ەل حالقىنىڭ ىرىس - قۇتىن ارتتىرۋدا بەلسەندى رول اتقاردى.

شي جينپيڭ بىلاي دەپ باسا دارىپتەدى: جۇڭگو جاق رەسەي جاقپەن بىرگە قۇلشىنىپ، جالپى بەتتىك ەنەرگيا سەلبەستىك سەرىكتەستىك قارىم - قاتىناسىن ۇزدىكسىز بەكەمدەپ، دۇنيە جۇزىلىك ەنەرگيا كاسىپ سالاسى تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىن بىرگە قورعاپ، اناعۇرلىم ءادىل، ادىلەتتى، بىركەلكى، جالپىعا ءتيىمدى دۇنيە جۇزىلىك ەنەرگيانى جونگە سالۋ جۇيەسىن قۇرۋدى ىلگەرىلەتىپ، دۇنيە ءجۇزىنىڭ ەنەرگيا حاۋىپسىزدىگى مەن جاسىل، تومەن كومىرتەكتى تيپكە بۇرىلىس جاساۋىنا اناعۇرلىم كوپ ورنىقتىلىق ۇستەۋدى قالايدى.

سول كۇنى رەسەي فەدەراتسياسىنىڭ زۇڭتۇڭى پۋتين دا 7 - كەزەكتى جۇڭگو - رەسەي ەنەرگيا ساۋدا ىستەرى تالقى مىنبەرىنە قۇتتىقتاۋ حاتىن جولدادى.