پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسى شياڭگاڭدا ۇگىت - لەكسيا جاسادى (پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنىپ، دايەكتىلەندىرەيىك)

شينحۋا اگەنتتىگى، 11 - ايدىڭ 25 - كۇنى، شياڭگاڭ. پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسى 11 - ايدىڭ 24 - كۇنىنەن 25 - كۇنىنە دەيىن شياڭگاڭ ەرەكشە رايونىندا ورتالىقتىڭ شياڭگاڭدا تۇراتىن قۇرىلىمدارى مەن جۇڭگو قارجىلاندىرعان كاسىپورىنداردىڭ ۋاكىلدەرىنە، شياڭگاڭ ەرەكشە اكىمشىلىك رايونىنىڭ باسقارۋ - جونگە سالۋ ۇيىرمەسىنە، قوعامداعى ءار سالا قايراتكەرلەرىنە 3 رەت ۇگىت - لەكسيا جاسادى ءارى بەيبۋ دۋحۇي رايونىنا بارىپ تەكسەرۋ - زەرتتەۋ جۇرگىزدى، سونداي - اق پىكىر اۋىستىردى.

ورتالىق ۇگىت - لەكسيا ۇيىرمەسىنىڭ مۇشەسى، جۇڭگو عىلىم اكادەمياسىنىڭ باستىعى، پارتيا باسشىلىق گرۋپپاسىنىڭ شۋجيى حوۋ جيانگو ”15 - بەسجىلدىق“ جوبا كەزىندەگى جۇڭگو ۇلگىسىندەگى وسىزامانداندىرۋدى ىلگەرىلەتۋدە كەلەلى جەتەكتەۋ، جەبەۋ، تىرەكتىك رول اتقاراتىن ستراتەگيالىق مىندەتتەر مەن كەلەلى شارالارعا سالالار بويىنشا تانىستىرۋ جاسادى. ول ”15 - بەسجىلدىق“ جوبا ۇسىنىسىنىڭ جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدى جەدەلدەتۋ جونىندەگى ورنالاستىرۋ تالابىنا ۇشتاستىرىپ، شياڭگاڭنىڭ ءوز ارتىقشىلىقتارىن ساۋلەلەندىرىپ، جەتەكشىلىك سيپاتتى نەگىزدىك زەرتتەۋدى كۇشەيتۋىن، قولدانىلمالى كورىنىس قۇرىلىسى مەن ەسىك اشۋ تەبىنىن ارتتىرۋ ءارى حالىقارالىق جوعارى دەڭگەيلى دارىندىلاردى شوعىرلاندىرۋ بيىگىن جانە دۇنيە جۇزىلىك عىلىم - تەحنيكانى اشىق ۇستاۋ سەلبەستىك تۇعىرى تورابىن قۇرۋىن ۇسىنىس ەتتى.

ورتالىق ۇگىت - لەكسيا ۇيىرمەسىنىڭ مۇشەسى، ورتالىق قازىنا - ەكونوميكا كوميتەتى كەڭسەسى مەڭگەرۋشىسىنىڭ ورىنباسارى، ورتالىق اۋىل - قىستاق قىزمەتىنە باسشىلىق ەتۋ گرۋپپاسى كەڭسەسى مەڭگەرۋشىسىنىڭ ورىنباسارى جۋ ۋەيدۇڭ جالپى ءماجىلىستىڭ كەلەلى ءمانى، ”15 - بەسجىلدىق“ كەزىندەگى مەملەكەتتىڭ ەكونوميكالىق، قوعامدىق دامۋ جاعدايى مەن مىندەتى، جەتەكشى باعىتى جانە باستى نىساناسى توڭىرەگىندە تۇسىنىك جاسادى. ول مىنالاردى ءبىلدىردى: مەملەكەتتىڭ ”15 - بەسجىلدىق“ جوسپارىن جاساۋى جانە جولعا قويۋى شياڭگاڭعا مىقتى دامۋ ارەكەتتەندىرگىش كۇشىن قوسادى، شياڭگاڭ مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسىپ جانە وعان قىزمەت وتەپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى مەملەكەتتىك ستراتەگيالارعا ات سالىسۋى كەرەك.

شياڭگاڭ ەرەكشە اكىمشىلىك رايونىنىڭ اكىمى لي جياچاۋ مىنالاردى ءبىلدىردى: ەرەكشە اكىمشىلىك رايون ۇكىمەتى ”15 - بەسجىلدىق“ جوبا مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسى، ماڭىزدى قاعيداسى جانە جوسپار مىندەتتەرىن تەرەڭ يگەرىپ، شياڭگاڭنىڭ ەكونوميكالىق، قوعامدىق دامۋىنىڭ ءتۇرلى شارالارىن پارمەندى ىلگەرىلەتىپ، مەملەكەتتىڭ ”15 - بەسجىلدىق“ جوباسىمەن بەلسەندىلىكپەن ۇشتاستىرىپ، فينانس، جاڭالىق اشۋ، دامۋ سىندى قوس قوزعالتقىش قۇرىلىسىن جاپپاي ىلگەرىلەتىپ، دۇنيە ءجۇزىنىڭ جەر - جەرىمەن اناعۇرلىم كەڭ، اناعۇرلىم تىعىز اۋىس - كۇيىس، سەلبەستىگىن ورىستەتەدى.

ورتالىق شياڭگاڭ، اۋمىن قىزمەتى كەڭسەسى مەڭگەرۋشىسىنىڭ ورىنباسارى، مەملەكەتتىك كەڭەس شياڭگاڭ، اۋمىن ىستەرى كەڭسەسى مەڭگەرۋشىسىنىڭ ورىنباسارى، ورتالىق ۇكىمەتتىڭ شياڭگاڭدا تۇراتىن بايلانىس كەڭسەسىنىڭ مەڭگەرۋشىسى جوۋ جي مىنالاردى ءبىلدىردى: شياڭگاڭ، ءسوز جوق، مەملەكەتتىڭ دامۋ جەتىستىكتەرىنەن پايدالانىپ جەڭىسكە جەتۋ سەنىمىن اناعۇرلىم بەكەمدەي الادى، جاعداي مەن مىندەتتەن وراي مەن بولاشاقتى اناعۇرلىم ايقىن تانىپ، ”15 - بەسجىلدىق“ جوبا ۇسىنىسىنان دامۋ بەتالىسىن اناعۇرلىم ءدال يگەرىپ، ”ءبىر ەل، ەكى ءتۇزىمنىڭ“ ابزالدىعىن، ىشپەن بايلانىس جاساپ، سىرتقا شىعارۋدىڭ وزگەشە باسىمدىعىن ويداعىداي ساۋلەلەندىرەدى.

11 - ايدىڭ 24 - كۇنى تۇستەن كەيىن حوۋ جيانگو، جۋ ۋەيدۇڭ شياڭگاڭ ەرەكشە اكىمشىلىك رايونى ۇكىمەتى قازىنا مەڭگەرمەسىنىڭ باستىعى چىن ماۋبونىڭ سەرىك بولۋىندا، بيبۋ دۋحۇي رايونىنا بارىپ تەكسەرۋ - زەرتتەۋ جۇرگىزىپ، پىكىر اۋىستىردى. گۋدۇڭ بەيشين دامۋ رايونىندا ورتالىق ۇگىت - لەكسيا ۇيىرمەسىنىڭ مۇشەلەرى سولتۇستىك دۋحۇي رايونىنىڭ جوباسى مەن قۇرىلىس جاعدايىن ۇعىستى. حىتاۋ شىنجىن - شياڭگاڭ عىلىم - تەحنيكادا جاڭالىق جاراتۋ سەلبەستىك رايونى شياڭگاڭ باقشا رايونىندا ولار باقشا رايونىنداعى تىرشىلىك اقاۋسىزدىعى عىلىم - تەحنيكاسىمەن جانە جاساندى زەردە مەن قۇلتەمىردى زەرتتەپ اشۋمەن شۇعىلداناتىن جاڭالىق اشۋ كاسىپورىندارىنىڭ ۋاكىلدەرىمەن پىكىر اۋىستىردى.

سول كۇنگى تەكسەرىپ - زەرتتەۋ، اۋىس - كۇيىس جاساۋ بارىسىندا ورتالىق ۇگىت - لەكسيا ۇيىرمەسىنىڭ مۇشەلەرى مىنالاردى ءبىلدىردى: پارتيا 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى شياڭگاڭنىڭ ۇزاق ۋاقىت گۇلدەنىپ - كوركەيۋىن، ورنىقتىلىعىن جەبەۋدىڭ ءبىرقىدىرۋ كەلەلى شاراسىن العا قويدى، كوپشىلىكتىڭ ”15 - بەسجىلدىق“ جوبانى جاساۋ، اتقارۋ الا كەلگەن كەلەلى ورايدى يگەرۋىن، شياڭگاڭنىڭ وتانعا ارقا سۇيەپ، دۇنيە ءجۇزىن تۇتاستىراتىن وزگەشە ابزالدىعى مەن ماڭىزدى رولىن ساۋلەلەندىرىپ، بەيبۋ دۋحۇي رايونىن اشۋ قۇرىلىسىن جەدەلدەتىپ، شياڭگاڭنىڭ حالىقارالىق جاڭالىق اشۋ عىلىم - تەحنيكا ورتالىعىن قۇرۋىن جەدەل ىلگەرىلەتىپ، مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىن جانە وعان قىزمەت ەتۋىن ءۇمىت ەتەمىز.

11 - ايدىڭ 25 - كۇنى تۇستەن بۇرىنعى ۇگىت - لەكسيا ءماجىلىسى شياڭگاڭ راديو ستانسياسى مەن شياڭگاڭ ەرەكشە اكىمشىلىك رايونى ۇكىمەتىنىڭ توراپ بەكەتى ارقىلى باستان - اياق تىكە تاراتىلىپ، قالا تۇرعىندارىنىڭ تىڭداۋىنا، كورۋىنە قولايلىلىق جاراتتى. حوۋ جيانگو، جۋ ۋەيدۇڭ ۇگىت - لەكسيا ماجىلىسىندە شياڭگاڭ قوعامىنداعى ءار سالا قايراتكەرلەرىمەن سۇراۋ - جاۋاپ ۇلگىسىندە سۇحپاتتاستى.