ەلىمىز بويىنشا بازاردى باقىلاۋ – باسقارۋ جۇيەسىنىڭ ازىق – تۇلىكتەردىڭ حاۋىپسىزدىگى تۋرالى ۇلگى الىپ تەكسەرۋ جۇرگىزۋى بارىسىندا ازىق – تۇلىكتەردىڭ تولىمسىزدىق مولشەرى %2.74 بولعان

حالىق گازەتىنىڭ ءتىلشىسى لين ليلي 11 – ايدىڭ 25 – كۇنى بەيجيڭنەن حابارلايدى. ءتىلشىنىڭ 11 – ايدىڭ 25 – كۇنى بازاردى باقىلاۋ – باسقارۋ باس مەڭگەرمەسى اشقان ارناۋلى تاقىرىپتىق اقپارات جاريالاۋ ماجىلىسىنەن ۇعىسۋىنشا، بيىل 11 – ايدىڭ ورتا شەنىنە دەيىن، ەلىمىز بويىنشا بازاردى باقىلاۋ – باسقارۋ جۇيەسى 5 ميلليون 702 مىڭ 600 توپتاعى (رەت) ازىق – تۇلىكتەردىڭ حاۋىپسىزدىگى تۋرالى ۇلگى الىپ تەكسەرۋ جۇرگىزگەن، 156 مىڭ توپتاعى (رەت) ۇلگى ونىمدەر تولىمسىز بولعان، تولىمسىز بولۋ مولشەرى %2.74 بولعان؛ 234 مىڭ 400 توپتاعى (رەت) ونىمدەردىڭ حاۋىپ – قاتەرىن باقىلاۋدى ورىنداپ، 10 مىڭ 200 توپتاعى (رەت) ۇلگى ونىمنەن ماسەلەنى انىقتاعان. بايقالعان ماسەلەلەر نەگىزىنەن اۋىل شارۋاشىلىعى ءدارى – دارمەكتەرىنىڭ قالدىقتارى ولشەمنەن اسىپ كەتۋ، ازىق – تۇلىك قوسپاسىن الباتى پايدالانۋ، سونداي – اق، ميكرو ورگانيزمدەرمەن لاستانۋ قاتارلى جاقتارعا شوعىرلانعان.

تانىستىرۋعا قاراعاندا، ازىق – تۇلىك حاۋىپسىزدىگى تۋرالى ۇلگى الىپ تەكسەرۋ بارىسىندا، باستىسى، ماسەلەنى بايقاۋ نىسانا ەتىلىپ، ءۇش ءىرى ماڭىزدى تۇيىنگە نازار شوعىرلاندىرلعان: ”بالالار جەيتىن“ ازىق – تۇلىكتەر باستى نازار سالىناتىن ءتۇيىن ەتىلىپ، بوبەكتەر مەن نارەستەلەرگە ارنالعان ازىق – تۇلىكتەردى وندىرۋ ۇستىندەگى كاسىپورىنداردى ۇلگى الىپ تەكسەرۋ بارىسىندا %100 تولىق قامتۋ ىسكە اسىرىلعان، بوبەكتەر مەن نارەستەلەرگە ارنالعان ازىق – تۇلىكتەردى وندىرەتىن كاسىپورىنداردىڭ ونىمدەرىنەن تۇگەلدەي اي سايىن ۇلگى الىپ تەكسەرۋ ورىندالعان؛ ”كىلتيپان بارىن“ ۇلگى الىپ تەكسەرۋدىڭ باستى ءتۇيىنى ەتىپ، بيىل ءتۇيىندى تۇردە جونگە سالىناتىن مەكتەپ اۋلاسىنداعى ازىق – تۇلىكتەر، اۋىل – قىستاقتاعى جالعان – جارامسىز ازىق – تۇلىكتەر، ازىق – تۇلىك قوسپاسىن الباتى قوسۋ، سونداي – اق، ازىقتىق ماي قاتارلىلارعا قاتىستى كورنەكتى ماسەلەلەردى ۇلگى الىپ تەكسەرۋ جۇرگىزۋ جانە باقىلاۋ قىزمەتىنىڭ باستى ءتۇيىنى ەتكەن؛ ”ىقتيمالدىعى بار“ ماسەلەلەردى قىزمەتتىڭ باستى ءتۇيىنى ەتە وتىرىپ، تىكە تاراتىلىم ارقىلى زات ساتۋ، شيكى ازىق – تۇلىكتەرگە قاتىستى ەلەكتروندىق ساۋدا، اس – سۋدى ۇيگە جەتكىزىپ بەرۋ قاتارلى سالالاردا ارناۋلى ۇلگى الىپ تەكسەرۋ جۇرگىزۋدى ورىستەتىپ، جالعان نارسەلەردى ارالاستىرۋ، جالعانىن شىن ورنىندا ساتۋ قاتارلى قوعامداعىلار ايرىقشا نازار اۋدارىپ وتىرعان ماسەلەلەر جونىندە حاۋىپ – قاتەردى باقىلاۋ تەبىنىن ارتتىرعان.

كەلۋ قاينارى: حالىق تورابى