شي جينپيڭ ”پالەستينا حالقىنا مەدەت بەرۋ حالىقارالىق كۇنىن“ اتاپ ءوتۋ جينالىسىنا قۇتتىقتاۋ تەلەگرامماسىن جولدادى

شينحۋا اگەنتتىگى، 11 - ايدىڭ 26 - كۇنى، بەيجيڭ. 11 - ايدىڭ 25 - كۇنى بىرلەسكەن مەملەكەتتەر ۇيىمى ”پالەستينا حالقىنا مەدەت بەرۋ حالىقارالىق كۇنىن“ اتاپ ءوتۋ جينالىسىن وتكىزدى، مەملەكەت ءتوراعاسى شي جينپيڭ جينالىسقا قۇتتىقتاۋ تەلەگرامماسىن جولدادى.

شي جينپيڭ بىلاي دەپ اتاپ كورسەتتى: پالەستينا ماسەلەسى − ورتا شىعىس ماسەلەسىنىڭ وزەگى، حالىقارالىق ادىلدىك پەن ادىلەتتىلىككە سايادى، وڭىرلىك جاعدايعا ىقپال جاسايدى. قازىرگى جاعدايدا حالىقارالىق قوعام ورتاق تانىمدى ونان ارى ۇيىستىرىپ، اناعۇرلىم بەلسەندى ارەكەت قولدانىپ، گازادا سوعىستى جاپپاي، باياندى توقتاتۋعا كەپىلدىك ەتىپ، سوعىس ءورتىنىڭ قايتا تۇتانۋىنان ساقتانۋى كەرەك. ”پالەستينالىقتار پالەستينانى جونگە سالۋ“ پرينسيبىن ۇستانىپ، گازا سوعىسىنان كەيىنگى جونگە سالۋ مەن قايتا قۇرۋدى ورىستەتىپ، پالەستينا حالقىنىڭ تىلەگىنە قۇرمەت ەتىپ، وڭىردەگى ەلدەردىڭ ۇيلەسىمدى كوڭىل ءبولىپ وتىرعان ماسەلەلەرىنە ءمان بەرۋ كەرەك. گازاداعى گۋمانيتارلىق اۋقىمدى تەزدەن جاقسارتىپ، پالەستينا حالقىنىڭ ازابىن جەڭىلدەتۋ كەرەك. ەڭ ماڭىزدىسى، ”ەكى ەل جوباسىنىڭ“ ۇلكەن بەتالىسىن وزەك ەتىپ، پالەستينا ماسەلەسىنىڭ ەرتەرەك ساياسي جولمەن شەشىلۋىن ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: پالەستينا ماسەلەسى − دۇنيە جۇزىلىك جونگە سالۋ جۇيەسىنىڭ ونىمدىلىگى جونىندەگى سىناق تا. جۇڭگو جاق حالىقارالىق قوعامدى پالەستينا ماسەلەسىنىڭ قاينارىنا بەتپە - بەت كەلىپ، جاۋاپكەرشىلىك ارقالاۋدى ايگىلەپ، پارمەندى ارەكەت قولدانىپ، تاريحتاعى ادىلەتسىزدىكتى تۇزەتىپ، ادىلدىك پەن ادىلەتتىلىكتى قورعاۋعا ۇندەيدى. جۇڭگو بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى رەتىندە، پالەستينا حالقىنىڭ ۇلتتىڭ زاڭدى ۇقىعىن قالپىنا كەلتىرۋ سىندى ادىلەتتى ءىسىن باتىل قولدايدى. جۇڭگو جاق حالىقارالىق قوعاممەن بىرگە پالەستينا ماسەلەسىنىڭ ەرتەرەك جان - جاقتى، ءادىل، باياندى شەشىلۋىن ىلگەرىلەتۋ جولىندا ۇزدىكسىز قاجىماي - تالماي قۇلشىنادى.