ەڭبەكاقىنى بەرمەۋ سىندى زاڭعا قايشى ارەكەتتەرگە قاتاڭ سوققى بەرۋ ارناسىن اشتى

11 – ايدىڭ 24 – كۇنى، مەملەكەتتىك كەڭەستىڭ جۇمىستانۋدى جەبەۋ جانە ەڭبەك قورعاۋ قىزمەتىنە باسشىلىق ەتۋ گرۋپپاسى كەڭسەسى 2025 - جىلى ەڭبەكاقىنى بەرمەۋدى جونگە سالۋ قىسقى ارەكەتى جونىندە اتتانىسقا كەلتىرۋ، ورنالاستىرۋ جاساۋ بەينە ەكران ءماجىلىسىن اشتى. ءماجىلىس مىنانى باسا دارىپتەدى: پارتيا 20 ـ كەزەكتى ورتالىق كوميتەتى ءتورتىنشى جالپى ءماجىلىسىنىڭ ەڭبەكاقىنى بەرمەۋدى جونگە سالۋ تەبىنىن ارتتىرۋ جونىندەگى ورنالاستىرۋلارىن، تالاپتارىن ىشكەرىلەي تياناقتاندىرىپ، بورىش ارقالاۋدى كۇشەيتىپ، قىسقى ارەكەتتەن قامال الۋ شايقاسىنىڭ جەڭىسىنە بار كۇشپەن قول جەتكىزۋ كەرەك.

ءماجىلىس مىنالاردى تالاپ ەتتى: اشكەرەلەۋ، ارىزدانۋ ارناسىن ىركىلىسسىزدەندىرىپ، ارىز ـ شاعىم دەرەكتەرىن تولىق قابىلداپ، ءبىر جاقتى ەتىپ، جۇيەلى جونگە سالىپ، دالمە – ءدال شارا قولدانىپ، زاڭ اتقارۋ تەبىنىن جانە تاراۋلاردىڭ سەلبەستىگىن كۇشەيتىپ، ەڭبەكاقىعا قارىزدار بولىپ، سەنىمنەن ايرىلعانداردى بىرلەسىپ جازالاپ، ەڭبەكاقىنى جات نيەتپەن كەشەۋىلدەتۋ سىندى زاڭعا قايشى ارەكەتتەرگە قاتاڭ سوققى بەرىپ، ديقان جۇمىسكەرلەردىڭ ەڭبەكاقى ۇقىق - مۇددەسىن جانە جىل سوڭى مەن جىل باسىنداعى قوعامدىق جالپى جاعدايدىڭ ورنىقتىلىعىن بار كۇشپەن قورعاۋ كەرەك.

مەملەكەتتىك كەڭەستىڭ جۇمىستانۋدى جەبەۋ جانە ەڭبەك قورعاۋ قىزمەتىنە باسشىلىق ەتۋ گرۋپپاسىنا مۇشە ورىندارداعى جاۋاپتى جولداستار بەيجيڭدەگى نەگىزگى ءماجىلىس الاڭىندا ماجىلىسكە قاتىناستى، ولكە دارەجەلى ۇكىمەتتەردىڭ جاۋاپتى جولداستارى مەن جەر ـ جەردىڭ جۇمىستانۋدى جەبەۋ جانە ەڭبەك قورعاۋ قىزمەتىن كەڭەسۋ، سايكەستىرۋ قۇرىلىمىنا قاتىستى مۇشە ورىنداردىڭ جاۋاپتى جولداستارى جەرگىلىكتى تارماق ءماجىلىس الاڭىندا ماجىلىسكە قاتىناستى.

كەلۋ قاينارى: حالىق تورابى