جۇڭچيۋ مەرەكەسىندەگى دەمالىس كەزىندە بۇكىل ەلىمىزدىڭ كوپ ءبولىم وڭىرلەرىندە اۋا رايى ءبىرشاما جايلى بولادى 

شينحۋا اگەنتتىگىنىڭ 9 - ايدىڭ 23 - كۇنى بەيجيڭنەن بەرگەن حابارى. ورتالىق اۋا رايى ستانسياسىنىڭ 9 - ايدىڭ 23 - كۇنى مەجەلەۋىنشە، جۇڭچيۋ مەرەكەسىندەگى دەمالىس كەزىندە (9 - ايدىڭ 25 - كۇنىنەن 27 - كۇنىنە دەيىن) بۇكىل ەلىمىزدىڭ كوپ ءبولىم وڭىرلەرىندە اۋا رايى ءبىرشاما جايلى بولادى، باتىس جۇڭگودان حۋاڭحى – حۋايحى الابىنا دەيىن جاڭبىر كوپ جاۋادى، شىعىس سولتۇستىك، سولتۇستىك جۇڭگونىڭ سولتۇستىك بولىگى قاتارلى جەرلەردە جاڭبىر جاۋادى جانە ءالسىز سۋىق اعىس جۇرەدى.

جۇڭچيۋ مەرەكەسىندەگى دەمالىس كەزىندە، باتىس سولتۇستىكتەگى وڭىرلەردىڭ شىعىس بولىگى، سىچۋان ويپاتى، چاڭجياڭ - حانجياڭ، حۋاڭحى – حۋايحى، چاڭجياڭ - حۋايحى وڭىرلەرىندە جاڭبىر كوپ جاۋادى دەگەن بولجام جاسالدى، مۇندا سىچۋاننىڭ شىعىس بولىگى، چۇڭچيڭ، شانشيدىڭ وڭتۇستىك بولىگى، حۋبەيدىڭ باتىس بولىگى جانە سولتۇستىك بولىگى، حىناننىڭ وڭتۇستىك بولىگى، جياڭسۋ مەن انحۇيدىڭ سولتۇستىك بولىگى قاتارلى جەرلەردىڭ ءىشىنارا وڭىرلەرىندە ورتاشا جانە قالىڭ جاڭبىر جاۋادى، ءىشىنارا ورىنداردا نوسەر جاۋادى.

سونىمەن بىرگە، شىعىس سولتۇستىكتەگى وڭىرلەر، سولتۇستىك جۇڭگونىڭ سولتۇستىك بولىگى قاتارلى جەرلەردە مەجەمەن سەبەزگى جاڭبىر نەمەسە ورتاشا دارەجەدە جاڭبىر جاۋادى، حىبەي، لياۋنيڭ، جيلين قاتارلى جەرلەردىڭ ءىشىنارا وڭىرلەرىندە قالىڭ جاڭبىر جاۋادى، ءالسىز سۋىق اعىس پەن جاڭبىردىڭ ىقپالىنان تەمپەراتۋرا ℃3 تەن ℃5 كە دەيىن تومەندەيدى، تاڭەرتەڭ جانە كەشتە سۋىق سەزىلەدى.

بەيجيڭدە جۇڭچيۋ مەرەكەسىندەگى دەمالىس كەزىندە اۋا رايى نەگىزىنەن بۇلتتى بولادى، تۇندە جەڭىل تۇمان تۇسەدى، مۇندا 9 - ايدىڭ 26 - كۇنى تۇستەن كەيىننەن 27 - كۇنى كۇندىزگە دەيىن از جاڭبىر جاۋادى. كۇندىزگى ەڭ جوعارى تەمپەراتۋرا ℃26 دان ℃27 كە دەيىن، تۇندەگى ەڭ تومەن تەمپەراتۋرا ℃15 تەن ℃18 گە دەيىن بولادى.

ورتالىق اۋا رايى ستانسياسى ماماندارىنىڭ ەسكەرتۋىنشە، جۇڭچيۋ مەرەكەسىندەگى دەمالىس كەزىندە سولتۇستىكتەگى وڭىرلەرگە ءالسىز سۋىق اعىس ىقپال ەتەدى، تۇندە تەمپەراتۋرا ءبىرشاما تومەن بولىپ، سۋىق سەزىلەدى، تۇندە جاۋراپ قالۋدان ساقتانعان ءجون. شىعىس سولتۇستىكتەگى وڭىرلەر مەن سولتۇستىك جۇڭگونىڭ سولتۇستىك بولىگى قاتارلى جەرلەردە سەبەزگى جاڭبىر نەمەسە ورتاشا دارەجەدە جاڭبىر جاۋادى، ءىشىنارا ورىنداردا قالىڭ جاڭبىر جاۋادى، ساپارلاي شىققاندا قاتىناس حاۋىپسىزدىگىنە نازار اۋدارۋ قاجەت.

كەلۋ قاينارى: حالىق تورابى