بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ حات جولداپ ورتالىق سوتسياليزم شۋەيۋانى قۇرىلعاندىعىنىڭ 70 جىلدىعىن قۇتتىقتاپ بىلاي دەپ باسا دارىپتەدى

ساياسي باۋلۋدى ۇزدىكسىز كۇشەيتىپ، ساياسي ورتاق تانىمدى كەڭىنەن ۇيىستىرىپ، پارتيا مەن مەملەكەت قىزمەتىنىڭ جالپى جاعدايىنا اناعۇرلىم ويداعىداي قىزمەت وتەۋ كەرەك

ۋاڭ حۋنيڭ قۇتتىقتاۋ جينالىسىنا قاتىناستى ءارى ءسوز سويلەدى

2026.10.21 15:24     كەلۋ قاينارى : حالىق تورابى

قۇتتىقتاۋ حاتى

ورتالىق سوتسياليزم شۋەيۋانى قۇرىلعاندىعىنىڭ 70 جىلدىعىن قۇتتىقتايمىن!

70 جىلدان بەرى، ورتالىق سوتسياليزم شۋەيۋانى ”سوتسياليزمگە“ تاباندى بولىپ، جۇڭگو كوممۋنيستىك پارتياسىمەن ءبىر نيەت، ءبىر تىلەكتە بولا وتىرىپ، ىنتىماقتاسا كۇرەس جۇرگىزگەن پارتيا سىرتىنداعى قىرۋار ۋاكىل قايراتكەرلەردى باۋلىپ، وتانشىلدىق بىرلىكساپتى بەكەمدەۋگە جانە دامىتۋعا ماڭىزدى ۇلەس قوستى.

جاڭا باستامادا سىزدەردىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، دۇرىس مەكتەپ باسقارۋ بەتالىسىن مىقتى يگەرىپ، ساياسي تاربيەنى ۇزدىكسىز كۇشەيتىپ، ساياسي ورتاق تانىمدى كەڭىنەن ۇيىستىرىپ، وقىتۋ، عىلمي زەرتتەۋ جانە شۋەيۋاندى جونگە سالۋ دەڭگەيىن ۇزدىكسىز جوعارىلاتىپ، بىرلىكساپ دارىندىلارىن تاربيەلەۋ، نازاريالىق زەرتتەۋ، باعىت - ساياساتتاردى ۇگىتتەۋ سياقتى جاقتاردا رولدارىڭىزدى ونان ارى ساۋلەلەندىرىپ، پارتيا مەن مەملەكەت قىزمەتىنىڭ جالپى جاعدايىنا اناعۇرلىم ويداعىداي قىزمەت ەتۋلەرىڭىزدى ءۇمىت ەتەمىن.

شي جينپيڭ

2026 - جىلى 10 - ايدىڭ 20 - كۇنى

(شينحۋا اگەنتتىگى، 10 - ايدىڭ 20 - كۇنى، بەيجيڭ)

«حالىق گازەتى»، 10 - ايدىڭ 20 - كۇنى، بەيجيڭ، ورتالىق سوتسياليزم شۋەيۋانى قۇرىلعاندىعىنىڭ 70 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ قۇتتىقتادى.

شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 70 جىلدان بەرى، ورتالىق سوتسياليزم شۋەيۋانى ”سوتسياليزمگە“ تاباندى بولىپ، جۇڭگو كوممۋنيستىك پارتياسىمەن ءبىر نيەت، ءبىر تىلەكتە بولاتىن، ىنتىماقتاسا كۇرەس جۇرگىزەتىن پارتيا سىرتىنداعى قىرۋار ۋاكىل قايراتكەرلەردى باۋلىپ، وتانشىلدىق بىرلىكساپتى بەكەمدەۋگە جانە دامىتۋعا ماڭىزدى ۇلەس قوستى.

شي جينپيڭ مىنالاردى باسا دارىپتەدى: جاڭا باستامادا سىزدەردىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، دۇرىس مەكتەپ باسقارۋ بەتالىسىن مىقتاپ يگەرىپ، ساياسي باۋلۋدى ۇزدىكسىز كۇشەيتىپ، ساياسي ورتاق تانىمدى كەڭىنەن ۇيىستىرىپ، وقىتۋ، عىلمي زەرتتەۋ جانە شۋەيۋاندى جونگە سالۋ دەڭگەيىن ۇزدىكسىز جوعارىلاتىپ، بىرلىكساپ دارىندىلارىن باۋلۋ، نازاريالىق زەرتتەۋ، باعىت - ساياساتتاردى ۇگىتتەۋ سياقتى جاقتاردا رولدارىڭىزدى ونان ارى ساۋلەلەندىرۋلەرىڭىزدى ءۇمىت ەتەمىن. پارتيا مەن مەملەكەت قىزمەتىنىڭ جالپى جاعدايىنا اناعۇرلىم ويداعىداي قىزمەت وتەۋ كەرەك (قۇتتىقتاۋ حاتىنىڭ تولىق مازمۇنى بولەك جاريالاندى).

ورتالىق سوتسياليزم شۋەيۋانى قۇرىلعاندىعىنىڭ 70 جىلدىعىن قۇتتىقتاۋ جينالىسى 10 - ايدىڭ 20 - كۇنى بەيجيڭدە وتكىزىلدى. جينالىستا شي جينپيڭنىڭ قۇتتىقتاۋ حاتى وقىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى.

ۋاڭ حۋنيڭ سوزىندە مىنالاردى اتاپ كورسەتتى: باس شۋجي شي جينپيڭ ورتالىق سوتسياليزم شۋەيۋانى قۇرىلعاندىعىنىڭ 70 جىلدىعىنا ارنايى ماڭىزدى قۇتتىقتاۋ حاتىن جولداپ، 70 جىلدان بەرى ورتالىق سوتسياليزم شۋەيۋانىنىڭ قول جەتكىزگەن تابىستارىن، قوسقان ۇلەستەرىن تولىق تۇراقتاندىرىپ، جاڭا ءداۋىر، جاڭا جورىقتا شۋەيۋان قۇرىلىسىن كۇشەيتۋدىڭ، رولىن اناعۇرلىم ويداعىداي ساۋلەلەندىرۋدىڭ بەتالىسى مەن تالابىن تەرەڭ بايىمدادى. باس شۋجي شي جينپيڭنىڭ بىرلىكساپ جانە كوپ پارتيا سەلبەستىگى ىستەرىنە وسكەلەڭ ءمان بەرگەندىگىن، ورتالىق سوتسياليزم شۋەيۋانىنا دەگەن شىنايى قامقورلىعىن تولىق ايگىلەپ، سوتسياليزم شۋەيۋانى قىزمەتىن ويداعىداي ىستەۋگە ماڭىزدى ولشەم ازىرلەدى. ءبىز مۇقيات ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى مىقتى يگەرۋىمىز كەرەك.

ۋاڭ حۋنيڭ مىنالاردى اتاپ كورسەتتى: 70 جىلدان بەرى جۇڭگو كوممۋنيستىك پارتياسى ورتالىق كوميتەتى سوتسياليزم شۋەيۋانىنىڭ قۇرىلىسى مەن دامۋىنا باستان - اياق ءمان بەرىپ جانە كوڭىل ءبولىپ كەلەدى. اسىرەسە، جۇڭگو كوممۋنيستىك پارتياسى 18 - قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بىرلىكساپ پەن كوپ پارتيا سەلبەستىگى ىستەرىنىڭ ۇزاق بولاشاقتىق دامۋىن كوزدە ۇستاپ، بىرلىكساپ دارىندىلارىن تاربيەلەۋ، باۋلۋ جانە سوتسياليزم شۋەيۋانى قىزمەتىن كۇشەيتۋ جونىندە ماڭىزدى ورنالاستىرۋ جاساپ، سوتسياليزم شۋەيۋانىنىڭ جاڭا داۋىردە جاڭا دامۋدى جۇزەگە اسىرۋىنا جەتەكشىلىك ەتتى جانە ونى ىلگەرىلەتتى. جاڭا جورىقتا ورتالىق سوتسياليزم شۋەيۋانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، تياناقتاندىرىپ، ”سوتسياليزم“ دەگەن دۇرىس ساياسي بەتالىستى مىقتاپ يگەرىپ، كۋرسانتتاردى ”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنۋگە، ”ەكىنى قورعاۋدى“ باتىل ورىنداۋعا جەتەكتەۋ كەرەك. ساياسي ورتاق تانىم تاربيەسىنىڭ نەگىزگى جاۋاپكەرشىلىگىن، نەگىزگى كاسىبىن كۇشەيتىپ، ساياسي تاربيەنى ۇزدىكسىز كۇشەيتىپ، ساياسي ورتاق تانىمدى كەڭىنەن ۇيىستىرۋ كەرەك. مەكتەپ باسقارۋ ساپاسىن كۇش سالا جوعارىلاتىپ، بىرلىكساپ دارىندىلارىن تاربيەلەۋدى، باۋلۋدى ويداعىداي جەبەۋ كەرەك. شۋەيۋاندى جاپپاي قاتاڭ جونگە سالۋدى تاباندىلىقپەن ىلگەرىلەتىپ، شۋەيۋاندى قاتاڭ جونگە سالۋ، وقۋ - اعارتۋدى قاتاڭ جونگە سالۋ، ۇيرەنۋدى قاتاڭ جونگە سالۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى لي گانجيە جينالىستى باسقاردى. مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، ورتالىق سوتسياليزم شۋەيۋانىنىڭ باستىعى ۋ ۋەيحۋا، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي جەكە - جەكە ءسوز سويلەدى.

ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ءارقايسى ولكە، اۆتونوميالى رايون، قالالارداعى جانە ورىنباسار ولكە دارەجەلى قالالارداعى، شينجياڭ ءوندىرىس - قۇرىلىس بيڭتۋانى سوتسياليزم شۋەيۋانىنداعى نەگىزگى جاۋاپتى جولداستار، ورتالىق سوتسياليزم شۋەيۋانىنداعى وقۋشىلاردىڭ، وقىتۋشى - قىزمەتكەرلەردىڭ جانە ساقا جولداستاردىڭ ۋاكىلدەرى تاعى باسقالار جينالىسقا قاتىناستى.

جاۋاپتى رەداكتورى : مانەپ ەربول ۇلى