بايىرعى رايوندارعا جوعارى قارقىندى تەمىر جول تۇتاستىرىلىپ، گۇلدەندىرۋدىڭ تىڭ داستانىن جازدى (ۇزاق جورىق رۋحىن جالعاستىرىپ، گۇلدەنۋ جورىعىندا ەكپىندەي ىلگەرىلەيىك)

”فۋشيڭحاۋ“ پاراۆوزدارىنان قۇرالعان پويەز شييان جوعارى قارقىندى تەمىر جولى ارقىلى يان - ان بەكەتىنە جەتتى. شييان جوعارى قارقىندى تەمىر جولى وتكەن جىلدىڭ سوڭىندا ىسكە قوسىلدى، بۇل سولتۇستىك شانشي توڭكەرىستىك بايىرعى رايونىنداعى تۇڭعىش جوعارى قارقىندى تەمىر جول.

سۋرەتتى شينحۋا اگەنتتىگىنىڭ ءتىلشىسى لي يبو تۇسىرگەن

جياڭشيدىڭ رۇيجينىنەن شانشيدىڭ يان - انىنا دەيىن قانشا ۋاقىت كەتەدى؟

90 نەشە جىلدىڭ الدىندا، ورتالىق قىزىل ارميانىڭ اسكەري ”ءشوپ شاقايى“ مولشەرمەن 12 اي دەپ جاۋاپ بەرەر ەدى. بۇگىنگى تاڭدا ومىرشەڭدىك كۇشكە تولى جۇڭگودا پايدالانىلاتىن ”فۋشيڭحاۋ“ اتتى پويەز 11 ساعات 23 مينۋتتا جەتىپ، جاڭا تاراۋ جازدى.

2022 - جىلى 10 - ايدا باس شۋجي شي جينپيڭ يان - اندا قىزمەت تەكسەرگەندە مىنالاردى اتاپ كورسەتتى: ”وسى رەت يان - انعا كەلىپ، مول ءونىم العان كورىنىستى، قاتىناس شارت - جاعدايى بارىنشا جاقسارعانىن، وراسان زور وزگەرىستەردى كوردىم“، ”اۋىلداستار جاقسى تۇرمىس كەشىرىپ جاتىپتى، ءبىراق ۇزدىكسىز قۇلشىنا العا باسىپ، تۇرمىستى بارعان سايىن كورىكتەندىرۋ كەرەك“.

يان - اندى شام - شىراق دەۋگە بولادى، توڭكەرىس جىلدارىنداعى قاراڭعى تۇندەردى نۇرلاندىردى. بۇگىنگى تاڭدا، سولتۇستىك شانشي بايىرعى رايونى باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، جاڭا جول اشىپ، جاڭا داۋىرگە قادام تاستادى.

9 - ايدىڭ 6 - كۇنى ساعات 22 دەن 34 مينۋت وتكەندە، رۇيجيننەن يان - انعا توتە باراتىن تۇڭعىش جوعارى قارقىندى پويەز 1800 كيلومەتردەن استام جول باسىپ، يان - ان بەكەتىنە باياۋ كىردى. ”جوعارى قارقىندى تەمىر جول تاۋ قويناۋىنداعى كەدەرگىلەردى بۇزىپ، ’رۇيجين‘ مەن ’يان - اندى‘ تۇتاستىردى“ دەدى مەملەكەتتىك تەمىر جول شي - ان مەكەمەسى يان - ان بەكەتىنىڭ ورىنباسار باستىعى حوۋ شياۋتيڭ قاتتى اسەرلەنىپ.

90 جىلدى باستان وتكەرگەن ۇلى ۇزاق جورىق رۋحى ۋاقىت وتكەن سايىن جاڭارىپ كەلەدى.

يان - اننان شي - انعا دەيىن ەڭ العاشىندا پويەزبەن 14 ساعاتتا جەتەتىن، قازىر جوعارى قارقىندى پويەز ەڭ تەز بولعاندا 68 مينۋتتا جەتەدى. 92 جاستاعى يان - ان قالاسىنىڭ تۇرعىنى جى جىڭچيان بايىرعى رايونداعى تەمىر جول قۇرىلىسىنىڭ اياق الىسىنا باستان - اياق نازار اۋدارىپ كەلەدى. بىلتىر جىل سوڭىندا شييان جوعارى قارقىندى تەمىر جولى ىسكە قوسىلىپ، يان - ان ”جوعارى قارقىندى تەمىر جول داۋىرىنە“ قادام تاستادى.

”سارى توپىراقتى ۇستىرتىنەن وتەتىن جوعارى قارقىندى تەمىر جول سالۋ وڭاي ەمەس، بۇل ۇلى ۇزاق جورىق رۋحىمەن تامىرلاس“. جى جىڭچيان قاريا تەبىرەنىسىن جاسىرا الماي، قالامىن قولعا الىپ: ”كەمپىرقوساق كوشەدى، كەمپىرقوساق كوشەدى، تاۋدى اسىپ، تاس باسىپ، كوكتەم سامالى جەتەدى...“ دەپ ولەڭ جازدى.

پويىزعا وتىرىپ، كيەلى يان انعا اتتانعاندا، اينالادا ”ەسكى دوس“ تا، ”جاڭا جاستار“ دا بار.

يان - انداعى ياڭجياليڭ توڭكەرىستىك كونە جۇرتىنا بارعاندا، كۇن نۇرى ورماننان ءوتىپ ورتالىق ۇلكەن زالداعى كوك، سۇرى قاڭىلتاق كەرپىشتەرگە ءتۇسىپ تۇرادى. جەر - جەردەگى ساياحاتشىلار وسى اراعا كەلىپ، ”ماڭگى وقىپ تاۋىسا المايتىن كىتاپتاردى“ بىرگە وقيدى.

”جەر ۇيلەرگە بارىپ، كىتاپ ۇستەلىنە، ماي شامعا قاراپ، توڭكەرىستىك جىلدارعا بارعانداي بولدىم“. 14 جاستاعى جاۋ يۇيچىن شانشي ولكەسىنىڭ شاڭلو قالاسىنان كەلگەن، اكە - شەشەسىمەن بىرگە يان - انعا ارنايى كەلىپ ەكسكۋرسيالاعان. بۇل ارادا ول سارعايعان سۋرەتتەردى، ۇزاق جورىق كەزىندەگى مىلتىقتاردى، جاماۋ سالىنعان اسكەري كيىمدەردى كوردى، ول ”كىتاپتاعى بىلىمدەر بىردەن جاندانىپ، تىرىلگەندەي بولدى“ دەدى.

قىزىل يان - ان ءتىپتى دە كوپ ”جاستىق كوكتەمنىڭ بەينەسىن“ قارسى الدى: ”جاڭا داۋىردەگى جاستاردىڭ يان - ان ساپارى“ قوعامدىق اماليات قيمىلى جوعارى مەكتەپ وقۋشىلارىنىڭ ”جىلجىمالى ۇلكەن يدەيا - ساياسي ساباعىنا“ اينالدى؛ بارعان سايىن قولايلى قاتىناس تورابىن توقىپ، وتباسىمەن ساياحاتتاۋدىڭ، زەرتتەۋ - ۇيرەنۋ ساياحاتىنىڭ ۇزدىكسىز ورلەۋىنە مۇمكىندىك جاسادى...

بيىل 8 - ايدىڭ سوڭىنا دەيىن، ”يان - انعا بارۋ . سانچين وقۋشىلارىنىڭ كيەلى جەرىنە ساپار“ قىزىل وقۋ - اعارتۋ ارناۋلى پويەزى شانشي ولكەسىندەگى 98 جوعارى مەكتەپكە، 41 مىڭ وقىتۋشى - وقۋشىعا قىزمەت وتەدى.

”يان - ان توڭكەرىستىڭ بايىرعى جۇرتىندا قىزىل رۋح ماڭگى ساقتالادى“. يان - ان قالالىق مادەني مۇرالار مەكەمەسىنىڭ ۇنەمىلىك ىستەرگە جاۋاپتى ورىنباسار باستىعى حى دۇڭمەي بىلاي دەدى: 2025 - جىلى 50 ميلليون ادام - رەتتەن استام ادام يان - انعا بارىپ، ”قىزىل تارتىمدىلىقتى“ سەزىندى.

”يان - انعا كەلىپ“ كەڭ قۇلاش سەرمەدى، ”يان - اننان اتتانىپ“ ارشىندى قاداممەن العا تارتتى. بايىرعى رايونداعى حالىق شەكتەۋلى ورتادان شىعىپ، اناعۇرلىم كەڭ ورتاعا قادام تاستادى.

سولتۇستىك شانشيدىڭ كۇزى، المالار بۇتاقتاردى ءيىپ تۇر. يان - ان لوچۋان اۋدانىنىڭ جەمىس ساۋداگەرى دۋ ۋاڭجۇننىڭ ەڭ قاربالاس مەزگىلى كەلدى.

”بۇرىن سىرت جەردەن كەلگەن قاريدارلار جەمىس باعىنا كەلىپ، جەمىس ونىمدەرىن كورەتىن، مەن اۆتوكولىكپەن شي - انعا بارىپ، الىپ كەلۋگە 5 ساعات ۋاقىت كەتەتىن“ دەدى دۋ ۋاڭجۇن. قازىر جوعارى قارقىندى تەمىر جول بار، ءبىر ساعاتتا بارادى، ول: ”قاريدارلار كۇنبە كۇن كەلىپ قايتادى، وزىندىك قۇنى زور مولشەر دە تومەن. مەن گۋانجۇڭ رايونىنداعى سەلبەسۋشىلەردى كوبەيتۋدى ويلاستىرۋدامىن“ دەدى.

جول تورابى كەمەلدەنىپ، لوچۋان الماسىنا ”جاڭا ارنا“ اشىلدى، ”تاڭەرتەڭ جەمىس ءۇزۋ، كەشتە ۇستەلگە دايىن بولۋ“ رەالدىققا اينالدى.

”جارتى كۇندە لوچۋان الماسى شي - انعا، بەيجيڭگە جەتەدى. 24 ساعات ىشىندە گۋاڭدۇڭ، شياڭگاڭ، اۋمىن شىعاناق رايونىنا جەتە الادى“. لوچۋان اۋدانى يانگاڭ ەكونوميكا - ساۋدا جەمىس شارۋاشىلىعى شەكتى جاۋاپكەرشىلىك سەرىكتەستىگىنىڭ قىزمەتكەرى سۇن دۇڭچي: ”تاسىمالداعى شىعىن مولشەرى دە بۇرىنعى % 15تەن %2 تەن تومەندەدى“ دەدى.

جوعارى قارقىندى تەمىر دەم بەردى، بايىرعى رايونداعى حالىق ”التىن اپكىشتى“ دۇرىس تاڭداعى. 2025 - جىلى يان - اندا المانىڭ جالپى ەگىلگەن جەر اۋدانى 3 ميلليون 321 مىڭ مۋ، ءونىم مولشەرى 5 ميلليون 279 مىڭ توننا بولىپ، تۇتاس كاسىپ تىزبەگىنىڭ ءونىم قۇنى 60 ميلليارد يۋاننان استى.

جۇگىرگەن يان - ان اناعۇرلىم كەڭ دۇنيەمەن قاۋىشتى _

بيىل 7 - ايدا يان - اننىڭ شىعىسىندا قالانى اينالىپ وتەتىن جوعارى قارقىندى تاس جولدا اۆتوكولىك قاتىناپ، قالانى اينالىپ وتەتىن جوعارى قارقىندى تاس جولدىڭ ”ىركىلىسسىزدىگىن“ جۇزەگە اسىردى؛ يانيۇي جوعارى قارقىندى تەمىر جول قۇرىلىسى ورنىقتى ىلگەرىلەپ، سولتۇستىك شانشيدەگى 2 قالانى ونان ارى تۇتاستىرىپ، وڭىرلىك جوعارى قارقىندى تەمىر جول تورىن كەمەلدەندى؛ يان - ان اۋەجايىندا 21 اۋە جەلىسى اشىلىپ، ەل ىشىندەگى 31 قالانى شارپىپ، ولكە، اۆتونوميالى رايون، توتە قاراستى قالالاردىڭ قاتىناۋ مولشەرى %80.7كە جەتتى...

90 نەشە جىلدىڭ الدىندا، ورتالىق قىزىل ارميا سولتۇستىك شانشيگە جەتكەندە، بۇل ارا ۇزاق جورىقتىڭ تابان تىرەر تياناعى بولعان. بۇگىنگى تاڭدا، سولتۇستىك شانشيدەگى توڭكەرىستىك بايىرعى رايوندار قارقىندى تەزدەتىپ، جۇڭگونىڭ ارشىندى قاداممەن العا باسقان ”كۇرە تامىرىمەن“ توعىستى.