ساياسي كەڭەس مەملەكەتتىك 12 - كەزەكتى كوميتەتىنىڭ 5 - ءماجىلىسى جابىلدى
2017.03.14 14:49 كەلۋ قاينارى : حالىق تورابى
شينحۋا اگەنتتىگى، 13 – ناۋرىز، بەيجيڭ. قۋاتتى كۇش توپتاپ، گۇلدەنۋ ۇلى ءىسىن بىرگە اقىلداستى. جۇڭگو حالىق ساياسي ءماسليحات كەڭەسى مەملەكەتتىك 12 - كەزەكتى كوميتەتىنىڭ 5 - ءماجىلىسى ءتۇرلى كەڭەستىك تارتىپتەردى تابىسپەن تامامداپ، 13 - ناۋرىز تۇستەن بۇرىن حالىق سارايىندا جابىلدى. ءماجىلىس مىنالارعا ۇندەدى: حالىق ساياسي كەڭەسىنىڭ ءار دارەجەلى ۇيىمدارى، ءارقايسى قاتىسۋشى ورىندار جانە ساياسي كەڭەس مۇشەلەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، اۋەلگى سەلبەسۋ ماقساتىن ۇمىتپاي، تىزە قوسا ۇزدىكسىز العا باسىپ، ءورىس اشا جاڭالىق جاراتىپ، قۇلشىنا ىستەپ، ج ك پ 19 - قۇرىلتايىنىڭ تابىسپەن اشىلۋىن ۇزدىك ناتيجەلەرمەن قارسى الىپ، «ەكى 100 جىلدىق» ايبىندى نىسانانى، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەسەيىك.
مەملەكەتتىك ساياسي كەڭەستىڭ ءتوراعاسى يۇي جىڭشىڭ جابىلۋ جيىنىن باسقاردى. مەملەكەتتىك ساياسي كەڭەستىڭ ورىنباسار ءتوراعالارى دۋ چيڭلين، حان چيدى، پابالا گىلەلاڭجيە، دۇڭ جيانحۋا، ۋان گاڭ، لين ۋىن - ي، لو فۋحى، حى حوۋحۋا، جاڭ چيڭلي، لي حايفىڭ، چىن يۋان، لۋ جانگۇڭ، جوۋ شياۋچۋان، ۋاڭ جيارۇي، ۋاڭ جىڭۋەي، ما بياۋ، چي شۇيچۇن، چىن شياۋگۋاڭ، ما پەيحۋا، ليۋ شياۋفىڭ، ۋاڭ چينمين ءتوراعالار مىنبەسىنىڭ الدىڭعى قاتارىنان ورىن الدى.
شي جينپيڭ، لي كىچياڭ، جاڭ دىجياڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى.
تۇستەن بۇرىن ساعات 9دان 30 مينۋت وتكەندە جابىلۋ جيىنى باستالدى، يۇي جىڭشىڭ جۇڭگو حالىق ساياسي ءماسليحات كەڭەسى مەملەكەتتىك 12 - كەزەكتى كوميتەتىنىڭ 5 - ماجىلىسىنە قاتىناسۋعا ءتيىستى مۇشە 2 مىڭ 203 ادام ەكەندىگىن، بۇگىنگى جابىلۋ جيىنىنا 2 مىڭ 101 مۇشە قاتىناسقانىن، مۇنىڭ بەلگىلەنگەن ادام سانىنا ۇيلەسەتىنىن جاريالادى.
ماجىلىستە مۇشەلەر داۋىسقا سالۋ اسپابىمەن داۋىس بەرۋ ءتاسىلى ارقىلى لياڭ جىنيىڭدى ساياسي كەڭەس مەملەكەتتىك 12 - كەزەكتى كوميتەتىنىڭ ورىنباسار ءتوراعالىعىنا كوبەيتىپ سايلادى، وسىدان سوڭ يۇي جىڭشىڭ لياڭ جىنيىڭدى ءتوراعالار مىنبەسىنە وتىرۋعا ۇسىنىس ەتتى.
ءماجىلىس ساياسي كەڭەس مەملەكەتتىك 12 - كەزەكتى كوميتەتى 5 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن، ساياسي كەڭەس مەملەكەتتىك 12 - كەزەكتى كوميتەتى ۇسىنىس جوبا كوميتەتىنىڭ ساياسي كەڭەس مەملەكەتتىك 12 - كەزەكتى كوميتەتى 5 - ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن، ساياسي كەڭەس مەملەكەتتىك 12 - كەزەكتى كوميتەتى 5 - ءماجىلىسىنىڭ ساياسي قاۋلىسىن ماقۇلدادى.
يۇي جىڭشىڭ بىلاي دەدى: ءماجىلىس كەزىندە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ءماجىلىستىڭ باستالۋ جانە جابىلۋ جيىنىنا قاتىناسىپ، ءار سالانىڭ گرۋپپالارىنا بارىپ، پىكىر تىڭداپ، مۇشەلەرمەن پىكىر اۋىستىرىپ، ەكونوميكانىڭ ورنىقتى، اقاۋسىز دامۋى مەن قوعامنىڭ جاراسىمدىلىعىن، ورنىقتىلىعىن جەبەيتىن ۇتىمدى شارالاردى اقىلداسىپ، سوتسياليستىك كەڭەستىك دەموكراتيانىڭ جاندى ومىرشەڭدىك كۇشىن تولىق ايگىلەدى. بارلىق ساياسي كەڭەس مۇشەلەرى شي جينپيڭ جولداستى ۇيىتقى ەتكەن پارتيا ورتالىق كوميتەتىن شىن ىقىلاسپەن قورعادى، قولدادى، ج ك پ 18 - قۇرىلتايىنان بەرى پارتيا مەن مەملەكەت ىستەرىنىڭ دامۋداعى قوماقتى ناتيجەلەرىنە ايرىقشا ءسۇيىندى، جەلپىندى، جۇڭگوشا سوتسياليزم ىستەرىنىڭ شۇعىلالى بولاشاعىنا تولىق سەنىم ارتتى. مۇشەلەر پارتيا مەن مەملەكەتتىڭ بيىلعى وزەكتى قىزمەتىن ارقاۋ ەتىپ، باس شۋجيدىڭ جۇڭگو دەموكراتيانى ىلگەرىلەتۋ قوعامىنىڭ، جۇڭگو شارۋا - جۇمىسشى دەموكراتيالىق پارتياسىنىڭ، 3 - قىركۇيەك عىلمي قوعامىنىڭ بىرلەسكەن گرۋپپا جيىنىندا سويلەگەن ماڭىزدى ءسوزىن مۇقيات ۇيرەنىپ، ۇكىمەت قىزمەتىنەن بايانداما مەن مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى سياقتى ماڭىزدى قۇجاتتاردى ىشكەرىلەي تالقىلاپ، ۇكىمەت ءىسىن تىڭعىلىقتى كەڭەسىپ، سىندارلى اقىل - كەڭەس بەرىپ، ماڭىزدى پىكىرلەر مەن ۇسىنىستاردى ورتاعا قويدى. ءماجىلىس تولىق تابىستى بولدى، بۇل دەموكراتيا ساۋلەلەندىرىلگەن، مەملەكەت جوسپارىن ورتاق اقىلداسقان ءماجىلىس، ورتاق تانىمدى ۇيىستىرعان، ىنتىماقتى كۇشەيتكەن ءماجىلىس، رۋحتى سەرپىلتىپ، جىگەرگە دەم بەرگەن، قايراتتانا ۇمتىلعان ءماجىلىس بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
