شي جينپيڭ ورتالىقتىڭ قازىنا - ەكونوميكاعا باسشىلىق ەتۋ گرۋپپاسىنىڭ 16 - رەتكى ءماجىلىسىن باسقارىپ اشقاندا ورنىقتى، ادىلەتتى، جاريا ىسكەرلىك ورتاسىن ازىرلەپ، اشىق ەكونوميكالىق ءتۇزىلىستىڭ ورناۋىن جەدەلدەتۋدى باسا دارىپتەدى
لي كىچياڭ، جاڭ گاۋلي ماجىلىسكە قاتىناستى
2017.07.19 14:21 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 17 - شىلدەدە بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىقتىڭ قازىنا - ەكونوميكاعا باسشىلىق ەتۋ گرۋپپاسىنىڭ باستىعى شي جينپيڭ 17 - شىلدە كۇنى تۇستەن كەيىن ورتالىقتىڭ قازىنا - ەكونوميكاعا باسشىلىق ەتۋ گرۋپپاسىنىڭ 16 - رەتكى ءماجىلىسىن باسقارىپ اشىپ، قارجىلىق جانە بازار ورتاسىن جاقسارتۋ، سىرتقا ەسىك اشۋدى كەڭەيتۋ ماسەلەلەرىن اقىلداستى. شي جينپيڭ ماڭىزدى ءسوز سويلەپ، مىنالاردى باسا دارىپتەدى: قارجىلىق جانە بازار ورتاسىن جاقسارتىپ، سىرتقا ەسىك اشۋ قادامىن جەدەلدەتىپ، بازار اينالىمىنىڭ وزىندىك قۇنىن تومەندەتىپ، ورنىقتى، ادىلەتتى، جاريا، بولجاۋعا تۇرارلىق ىسكەرلىك ورتاسىن ازىرلەپ، اشىق ەكونوميكالىق ءتۇزىلىستىڭ ورناۋىن تەزدەتىپ، ەلىمىز ەكونوميكاسىنىڭ ءۇرتىس اقاۋسىز دامۋىن ىلگەرىلەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىقتىڭ قازىنا - ەكونوميكاعا باسشىلىق ەتۋ گرۋپپاسىنىڭ ورىنباسار باستىعى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىقتىڭ قازىنا - ەكونوميكاعا باسشىلىق ەتۋ گرۋپپاسىنىڭ مۇشەسى جاڭ گاۋلي ماجىلىسكە قاتىناستى.
ماجىلىستە مەملەكەتتىك دامۋ جانە رەفورما كوميتەتىنىڭ شەتەلدىك كاسىپكەرلەردىڭ قارجى سالىمىنا رۇقسات بەرۋدەن ىلگەرى ازاماتتىق مارتەبە + ۇنامسىز ءتىزىم باسقارۋ ۇلگىسىن قولدانۋ، ساۋدا مينيسترلىگىنىڭ ساۋدا بالانىسىن ىلگەرىلەتۋ جانە جۇڭگو - ا ق ش ەكى جاقتى قارجى سالىمىنا قاتىستى ماسەلەلەر، حالىق بانكەسىنىڭ حالىق اقشاسى سىندىرىلىمىنىڭ قالىپتاسۋ مەحانيزمىن كەمەلدەندىرۋ جانە فينانس سالاسىنىڭ سىرتقا ەسىك اشۋىن كەڭەيتۋ جونىندەگى مالىمەتتەرى تىڭدالدى. باسشىلىق ەتۋ گرۋپپاسىنىڭ مۇشەلەرى تالقى جۇرگىزدى.
شي جينپيڭ سوزىندە مىنالاردى باسا دارىپتەدى: ءبىز اشىق ەكونوميكالىق ءتۇزىلىس ورناتۋدى ورتاعا قويدىق، ونىڭ ماڭىزدى ماقساتتارىنىڭ ءبىرى − ەسىك اشۋ ارقىلى ءوزىمىزدىڭ ءتۇزىم قۇرىلىسى مەن زاڭ - ەرەجە قۇرىلىسىن جەدەلدەتۋىمىزدى ىلگەرىلەتىپ، ىسكەرلىك ورتاسى مەن جاڭالىق اشۋ ورتاسىن جاقسارتىپ، بازار اينالىمىنىڭ وزىندىك قۇنىن تومەندەتىپ، اينالىم تيىمدىلىگىن جوعارىلاتىپ، حالىقارالىق باسەكە قابىلەتىن كوتەرۋ. شەتەل كاسىپكەرلەرى سالعان قارجى بايلىقتىڭ ۇيلەسىمدى ۇلەستىرىلۋىن ىلگەرىلەتىپ، بازارلاندىرۋ رەفورماسىن جەبەپ، ەلىمىز ەكونوميكاسىنىڭ دامۋىندا ماڭىزدى رول اتقاردى. قامداۋ جاعىنداعى قۇرىلىمدىق رەفورمانى ىلگەرىلەتۋ، ەكونوميكانىڭ، ءتىپتى، جوعارى فورماتسياعا قاراي دامۋىن ىسكە اسىرۋ، عالامدىق عىلىم - تەحنيكا ۇدەرىسىنە ءجىتى ىلەسۋ ءۇشىن، شەتەل قارجىسىن ءتىپتى ويداعىداي پايدالانۋعا تۋرا كەلەدى. سابيلەر تاربيەسى مەن زەينەتكەرلىك، قۇرىلىس جوبالاۋ، بۇعالترلىق، قازىنالىق باقىلاۋ، ساۋدا جانە زات جەتكىزۋ، ەلەكتروندىق ساۋدا، سونداي - اق ادەتتەگى وندىرىستىك سالالار مەن قىزمەت كورسەتۋ سالاسى سياقتى باسەكەلىك سالالاردا شەتەل قارجىسىنىڭ ەنۋىنە قويىلعان شەكتەۋ مەن اكتسيا ۇلەسىنە قويىلعان شەكتەۋدى جەدەل تۇردە جۇمسارتۋ كەرەك. ەركىن ساۋدا سىناق رايوندارىندا جولعا قويىلعان شەتەلدىك كاسىپكەرلەردىڭ قارجى سالىمى جونىندە ۇنامسىز ءتىزىمدى مەملەكەت بويىنشا جەدەلدەتىلگەن تۇردە قولدانىسقا ەنگىزۋ كەرەك.
شي جينپيڭ مىنالاردى باسا دارىپتەدى: ىشكى - سىرتقى قارجى جونىندەگى زاڭدار مەن زاڭدىق ەرەجەلەردى جەدەل بىرلىككە كەلتىرىپ، شەتەل قارجىسى بويىنشا جاڭا نەگىزدىك زاڭدار دايىنداۋ كەرەك. شەتەل قارجىسىنا قاتىستى زاڭ، زاڭدىق ەرەجە، ەرەجە مەن ساياساتتىق حۇجاتتاردى اداقتاۋ، مەملەكەتتىڭ سىرتقا ەسىك اشۋ جونىندەگى ءىرى باعىت - پرينسيپتەرىنە كەرەعار زاڭدار مەن زاڭدىق ەرەجەلەر نەمەسە تارماقتار كەسىكتى ۋاقىت ىشىندە كۇشىن جويۋى نەمەسە تۇزەتىلۋى كەرەك. شەتەل قارجىلاندىرعان كاسىپورىندار كىرۋگە رۇقسات العاننان كەيىن، سەرىكتەستىك زاڭى بويىنشا شارۋاشىلىق جۇرگىزۋى، زاڭدىق تۇرعىدان تەڭ، ساياسات جاعىنان بىردەي بولۋى، ولارعا ازاماتتىق مارتەبە بەرىلۋى كەرەك. بەيجيڭ، شاڭحاي، گۋاڭجوۋ، شىنجىن سياقتى ەرەكشە ءىرى قالالار ىسكەرلىك ورتاسىن رەفورمالاۋ تەبىنىن باستاماشىلدىقپەن تەزدەتۋ كەرەك. ءتۇرلى - ءتۇستى تەكسەرۋ مەن ايىپتاردى اداقتاپ جانە ازايتىپ، كاسىپورىندارعا قاتىستى اقى الۋ تۇرلەرىنىڭ ءتىزىمى ءتۇزىمىن ورناتىپ، قۇزىرەتتەن، ولشەمنەن اسىرا اقى الۋعا، ءوز بەتىمەن اقى الۋ تۇرلەرىن بەلگىلەۋگە، قايتالاپ اقى الۋعا قاتاڭ تيىم سالىپ، دەلدالدىق قۇرىلىمداردىڭ ۇكىمەت ىقپالىنان پايدالانىپ بەلگىلەمە قايشى اقى الۋىنا جول بەرمەۋ كەرەك، سالالىق قوعامداردىڭ كاسىپورىنداردى قوعامعا كىرۋىنە زورلاۋىنا نەمەسە ولاردان بەلگىلەمەگە قايشى اقى الۋىنا بولمايدى.
شي جينپيڭ مىنالاردى اتاپ كورسەتتى: مەنشىكتى قورعاۋ، اسىرەسە، زياتكەرلىك مەنشىكتى قورعاۋ − تاماشا ىسكەرلىك ورتاسىن ازىرلەۋدىڭ ماڭىزدى مازمۇنى. زياتكەرلىك مەنشىكتى قورعاۋعا قاتىستى زاڭدار مەن زاڭدىق ەرەجەلەردى كەمەلدەندىرىپ، زياتكەرلىك مەنشىكتى قاداعالاۋدىڭ ساپاسى مەن تيىمدىلىگىن جوعارىلاتۋ كەرەك. جاڭا وركەندەگەن سالالار مەن شارۋاشىلىق فورماتسيالارى بويىنشا، زياتكەرلىك مەنشىكتى قورعاۋ ءتۇزىمىنىڭ قۇرىلىسىن جەدەلدەتۋ كەرەك. زياتكەرلىك مەنشىككە قول سۇعۋ بويىنشا زاڭسىز ارەكەتتەردى جازاعا تارتۋ تەبىنىن كۇشەيتىپ، قول سۇعۋشىلارعا اۋىر بوداۋ تولەتۋ كەرەك. زياتكەرلىك مەنشىك يەسى رەتىندەگى جەكە تۇلعا مەن زاڭدىق تۇلعانىڭ بەلسەندىلىگىن، ىرىقتىلىعىن جۇمىلدىرىپ، مەنشىك تانىمىن جوعارىلاتىپ، ۇقىقتاردى سانالى تۇردە زاڭ قارۋىمەن قورعاۋ كەرەك.
شي جينپيڭ مىنالاردى باسا دارىپتەدى: فينانس سالاسىنىڭ سىرتقا ەسىك اشۋىن كەڭەيتۋ − ەلىمىزدىڭ سىرتقا ەسىك اشۋىنىڭ ماڭىزدى جاعى. ەسىك اشۋدىڭ رەتىن ۇيلەسىمدى ورنالاستىرىپ، تۇتىنۋشىلاردىڭ ۇقىق - مۇددەسىن قورعاۋعا، فينانستىڭ ءتارتىپتى باسەكەسىن نىعايتۋعا، فينانس تاۋەكەلىنەن ساقتانۋعا ءتيىمدى سالالاردىڭ سىرتقا ەسىك اشۋىن جەدەل ىلگەرىلەتۋ كەرەك. كاپيتالدىڭ ەسىك اشۋىن ءتارتىپتى تۇردە ىلگەرىلەتىپ، حالىق اقشاسىنىڭ حالىقارالانۋىن ورنىقتى قاداممەن جەبەپ، حالىق اقشاسى باعامىنىڭ قالىپتاسۋ مەحانيزمىن ۇزدىكسىز تۇردە كەمەلدەندىرىپ، حالىق اقشاسى باعامىنىڭ ۇيلەسىمدى، تەڭگەرىمدى دەڭگەيدەگى نەگىزگى تۇراقتىلىعىن ساقتاۋ كەرەك.
شي جينپيڭ مىنالاردى اتاپ كورسەتتى: فينانس سالاسىنىڭ سىرتقا ەسىك اشۋىن كەڭەيتكەندە، فينانستىق باقىلاۋ - باسقارۋ قابىلەتى، ءسوزسىز، ىلەسە كوتەرىلۋى، باقىلاۋ - باسقارۋدى كۇشەيتۋ بارىسىندا ەسىك اشۋ دەڭگەيىن ۇزدىكسىز جوعارىلاتۋ كەرەك. ەلىمىزدىڭ ءىس جۇزىندەگى جاعدايىنا ۇشتاستىرىپ، حالىقاراداعى فينانستى باقىلاۋ - باسقارۋدىڭ جەتىلگەن ادىستەرىن ۇيرەنىپ جانە ۇلگى تۇتىپ، تۇزىمدەگى ولقىلىقتاردى تولىقتىرىپ، كاپيتال باقىلاۋ - باسقارۋ، ءىس - قيمىلداردى باقىلاۋ - باسقارۋ، فۋنكتسيالاردى باقىلاۋ - باسقارۋ تاسىلدەرىن كەمەلدەندىرىپ، باقىلاۋ - باسقارۋ قابىلەتىنىڭ سىرتقا ەسىك اشۋ دەڭگەيىنە سايكەسۋىنە كەپىلدىك ەتۋ كەرەك.
شي جينپيڭ مىنالاردى باسا دارىپتەدى: ەكسپورت بازارىن تۇراقتاندىرۋمەن قاتار، يمپورتتى بەلسەندى تۇردە كەڭەيتىپ، اعىمداعى كىرىس - شىعىس بالانىسىن جەبەۋ كەرەك. ساۋدانى ىرىقتاندىرۋ، ساۋداعا جەڭىلدىك تۋدىرۋ جاعدايىن جاقسارتىپ، يمپورت بۋىنىنداعى تۇزىمدىك وزىندىك قۇننىڭ جوعارى بولۋى، تەكسەرۋ - كارانتيندەۋ جانە كەدەننەن ءوتۋ تارتىپتەرىنىڭ كۇردەلى بولۋى، كاسىپورىنداردىڭ ءوتىنىش - ارىز بەرۋگە جولى بولماۋى سياقتى كورنەۋ ماسەلەلەردى شىنايى شەشۋ كەرەك. كەيبىر تۇتىنۋ بۇيىمدارىنان الىناتىن كەدەن باجىسىن تومەندەتۋدى اقىلداسىپ، ەرەكشە، باسىمدىعى بار ونىمدەر يمپورتىنا قولداۋ كورسەتۋ كەرەك. ادىلەتتى باسەكەگە نەگىزدەلگەن حالىقارالىق بازار ورتاسىن قالىپتاستىرىپ، كەدەن باجىسى، يمپورتتىق تەكسەرۋ، بازار ساتىلىمى سياقتى جاقتاردا وراي تەڭدىگىنە جاعداي جاساپ، تۇتىنۋشىلاردىڭ ءوز تاڭداۋىن جاساۋىنا، بازاردىڭ رول اتقارۋىنا مۇمكىندىك تۋدىرۋ كەرەك.
شي جينپيڭ مىنالاردى اتاپ كورسەتتى: ءبىر تۇتاس باسشىلىقتى كۇشەيتىپ، ءبىر تۇتاس سايكەستىرۋ جانە تياناقتاندىرۋ قىزمەتىن ويداعىداي ىستەۋ كەرەك. جەر - جەر، تاراۋلار يدەيا مەن ارەكەتتى پارتيا ورتالىق كوميتەتىنىڭ سىرتقا ەسىك اشۋدى كەڭەيتۋ جونىندەگى شەشىم - ورنالاستىرۋىمەن بىرلىككە كەلتىرىپ، ەسىك اشۋدى كەڭەيتۋ شارالارىن تياناقتاندىرۋى كەرەك. جەرگىلىكتى ورىننىڭ سىرتقا ەسىك اشۋدى كەڭەيتۋ جاعىنداعى بەلسەندى رولىن ونان سايىن ساۋلەلەندىرىپ، ەركىن ساۋدا سىناق رايوندارىنىڭ سىرتقا ەسىك اشۋ جاعىندا الدىن الا رەفورما جاساۋ، جاڭالىق اشۋ رولىن ويداعىداي ساۋلەلەندىرۋ كەرەك.
ورتالىقتىڭ قازىنا - ەكونوميكاعا باسشىلىق ەتۋ گرۋپپاسىنىڭ مۇشەلەرى ماجىلىسكە قاتىناستى، ورتالىق پەن مەملەكەتتىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
