ۋاڭ ياڭ مەملەكەتتىك ساياسي كەڭەس ۇلت، ءدىن ىستەرى كوميتەتىنىڭ تاقىرىپتىق كەڭەس اڭگىمە ماجىلىسىنە قاتىناستى
2020.12.03 16:24 كەلۋ قاينارى : حالىق تورابى
«حالىق گازەتى»، 12 - ايدىڭ 2 - كۇنى، بەيجيڭ (ءتىلشى فىڭ چۇنمەي). مەملەكەتتىك ساياسي كەڭەس ۇلت، ءدىن ىستەرى كوميتەتى 12 - ايدىڭ 2 - كۇنى بەيجيڭدە از ۇلتتار سالاسىنىڭ نەگىزگى تاقىرىپتىق كەڭەس اڭگىمە ءماجىلىسىن اشىپ، «ءار ۇلتتىڭ ورتاق رۋحاني مەكەنىن قۇرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى» توڭىرەكتەي وتىرىپ اڭگىمە وتكىزىپ، اۋىس – كۇيىس جاسادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋ − باس شۋجي شي جينپيڭنىڭ پارتيانىڭ ۇلت نازارياسىن داۋىرمەن بىرگە العا باستىرۋىنداعى جاسامپازدىق دامۋى، ماركسيزمدىك ۇلت نازارياسىنىڭ جۇڭگوشالانۋىنىڭ ەڭ جاڭا تابىسى. نازاريا جانە ساياسات زەرتتەۋدى ءۇرتىس كۇشەيتىپ، جۇڭحۋا ۇلتى ورتاق تۇلعاسى تانىمىن بەرىك ورناتۋدىڭ كەلەلى ماڭىزىن، ۇلتتاردىڭ ارالاسۋى، ىشتەسۋى، توعىسۋى سىندى تاريحي فاكتىنى، نازاريالىق جاقتا ورىن تەپكەن جاڭساقتىقتاردى، قىزمەتتە ورىن تەۋىپ وتىرعان ءالسىز بۋىنداردى، قىزمەتتى كۇشەيتۋ جانە جاقسارتۋ وي جەلىسى مەن شارالارىن ايقىنداپ، جاڭا داۋىردەگى ۇلت قىزمەتىن ويداعىداي ىستەۋگە بەرىك تىرەك ازىرلەۋ كەرەك.
ساياسي كەڭەستىڭ مۇشەلەرى مەن مامان – وقىمىستىلاردان 10 ادام مەملەكەتتىك ساياسي كەڭەستىڭ ورگانىندا جانە شيزاڭ مەن گانسۋداعى ءماجىلىس زالىندا ءسوز سويلەدى. كوپشىلىك بىلاي دەپ قارادى: جۇڭحۋا ۇلتى ورتاق تۇلعاسى تانىمىن بەرىك ورناتۋ − شىت جاڭا تاقىرىپ، تاياۋ جىلداردان بەرى قاتىستى جاقتار كەيبىر نازاريالىق زەرتتەۋلەر مەن امالياتتىق ىزدەنىستەر جاساپ، بەلسەندى ىلگەرىلەۋشىلىككە قول جەتكىزدى، الايدا تانىمى تەرەڭ بولماۋ، يدەيادا، نازاريادا جاڭساقتىق بولۋ، ءىس جۇزىندىك قىزمەت تۇتقاسى از بولۋ سياقتى ماسەلەلەر ءالى دە ورىن تەۋىپ وتىر، جاۋاپكەرلىك، بورىشتىلىق، كوكەي تەستىلىك سەزىمدى شىنايى كۇشەيتىپ، جۇڭحۋا ۇلتى ورتاق تۇلعاسى تانىمىن بەرىك ورناتۋ قىزمەتىن ىشكەرىلەي ىلگەرىلەتۋ كەرەك.
كوپشىلىك مىنالاردى ۇسىنس ەتتى: نازاريالىق زەرتتەۋدىڭ نەگىزدىك رولىن ساۋلەلەندىرىپ، جۇڭحۋا ۇلتى ورتاق تۇلعاسىنىڭ تاريحي بايانداۋ جۇيەسىن، نازاريالىق جۇيەسىن، ءسوز سويلەۋ جۇيەسىن جانە قىزمەت جۇيەسىن قۇرۋدى مىقتى يگەرىپ، كەدەرگىلەردى الاستاپ، قاينارىنان باستاپ تۇزەتۋ، تازالاۋ قاجەت. ۇلت ساياساتى ۇگىت تاربيەسىن باعىتتامالى ورىستەتىپ، جۇڭحۋا ۇلتى ورتاق تۇلعاسى تانىمى وقۋلىعىن قۇراستىرۋدى مىقتى يگەرىپ، ءار ۇلت كادر - جۇرتشىلىعىن مەملەكەت تانىمىن، ازامات تانىمدى، زاڭمەن جونگە سالۋ تانىمىن بەرىك ورناتۋعا جەتەكتەپ، «5 ورتاق تانىمدى» ۇزدىكسىز كۇشەيتۋ كەرەك. مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جاپپاي كۇشەيتىپ، ءوزارا توعىسقان قوعامدىق قۇرىلىم ورناتىپ، ۇلتتاردىڭ كەڭ كولەمدە ارالاسۋىن، جاپپاي ارالاسۋىن، ىشكەرىلەي توعىسۋىن جەبەۋ كەرەك. ورتاقتىق پەن پارىقتىڭ قاتىناسىن دۇرىس شەشىپ، ءار ۇلت مادەنيەتىن جالعاستىرۋعا، قورعاۋعا جانە جاڭالىق جاراتۋ نەگىزىندە توعىستىرۋعا شابىت بەرىپ، جۇڭحۋا ۇلتى ورتاق تۇلعاسى تانىمىن ايگىلەيتىن، جۇڭحۋا مادەنيەتى ەرەكشەلىگىنە يە، جۇڭحۋا ۇلتىنىڭ كورىنىستىك وبرازىن ايگىلەيتىن ءبىر توپ نىساندى ورناتۋدى ىلگەرىلەتىپ، ءار ۇلت بۇقاراسى ۇناتاتىن ءتىپتى دە كوپ ادەبيەت - كوركەمونەر تۋىندىلارى مەن جاسامپازدىق تۋىندىلارىن جاراتۋ كەرەك. پارتيانىڭ ءدىن قىزمەتى جونىندەگى نەگىزگى باعىتىن تولىق، دۇرىس ءتۇسىنىپ، مەملەكەت زاڭى، ءدىني سەنىم جانە ۇلتتىق سالت - سانا اراسىنداعى قاتىناستى سايكەستىرىپ، سوتسياليستىك وزەكتى قۇن كوزقاراسى ارقىلى جەتەكشىلىك ەتىپ، جۇڭحۋا مادەنيەتىمەن ەلىمىزدەگى دىندەردى نارلەندىرىپ، جۇڭحۋا ۇلتى ورتاق تۇلعاسى تانىمىن بەرىك ورناتۋ بارىسىندا ولاردىڭ ءتيىستى رولىن ساۋلەلەندىرۋ كەرەك. ءار جاقتىڭ بايلىعىن بىرىكتىرىپ، جۇڭحۋا ۇلتى ورتاق تۇلعاسى تانىمىن بەرىك ورناتۋدىڭ بىرىككەن قىزمەت كۇشىن قالىپتاستىرۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارلارى لي بين، باتىر ماجىلىسكە قاتىناستى. نيۋ رۋجي، ۋاڭ يانجۇڭ، ۋاڭ شي - ىن، گاۋ ياڭ، ديڭ يۋانجۋ، ۋاڭ جىن، ما حۋچىڭ، اراتاڭساڭ، ۋي جىنليڭ، جىڭ دافا قاتارلىلار ماجىلىستە ءسوز سويلەدى. مەملەكەتتىك ۇلت ىستەرى كوميتەتىنىڭ جاۋاپتىسى قاتىستى جاعدايلاردى تانىستىردى. ورتالىق ۇيىمداستىرۋ ءبولىمىنىڭ، ورتالىق ۇگىت ءبولىمىنىڭ، ورتالىق بىرلىكساپ ءبولىمىنىڭ، وقۋ - اعارتۋ مينيسترلىگىنىڭ جاۋاپتىلارى پىكىر الماستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
