حالىق شارۋاشىلىعىنىڭ قايتا ورلەۋى جاقسارىپ، ساپالى دامۋ تىڭعىلىقتى ىلگەرىلەپ، باستى مەجەلى نىسانالار تابىسپەن جۇزەگە استى
2023 – جىلى تۇتاس جىلدا ىشكى ءوندىرىس جالپى ءونىم قۇنى سايكەس مەزگىلدەگىدەن %5.2 ارتتى
2024.01.18 16:23 كەلۋ قاينارى : حالىق تورابى
«حالىق گازەتى»، 1 - ايدىڭ 17 - كۇنى، بەيجيڭ (تىلشىلەر ليۋ جىچياڭ، لي شينپيڭ). مەملەكەتتىك ساناق مەكەمەسى 1 - ايدىڭ 17 - كۇنى ساندى مالىمەت جاريالادى: العاشقى ەسەپكە قاراعاندا، 2023 – جىلى تۇتاس جىلداعى ىشكى ءوندىرىستىڭ جالپى ءونىم قۇنى (GDP) 126 تريلليون 58ميلليارد 200 ميلليون يۋان بولىپ، تۇراقتى باعا بويىنشا ەسەپتەگەندە، الدىنداعى جىلداعىدان %5.2 ارتقان. ماۋسىمعا ءبولىپ قاراعاندا، ءبىرىنشى توقساندا ىشكى ءوندىرىستىڭ جالپى ءونىم قۇنى سايكەس مەزگىلدەگىدەن %4.5، ەكىنشى توقساندا %6.3، ءۇشىنشى توقساندا %4.9، ءتورتىنشى توقساندا %5.2 ارتىپ، باستاپتا تومەن، ورتا مەزگىلدە جوعارى بولۋ، سوڭعى مەزگىلدە ورنىعۋ جاعدايى جارىققا شىعىپ، جاقسارۋ اۋقىمى ونان ارى بەكەمدەلگەن. سالىستىرمالى باعا بويىنشا ەسەپتەگەندە، 2023 - جىلى ەلىمىز ەكونوميكاسىنىڭ ارتۋ مولشەرى 6 تريلليون يۋاننان اسىپ، ءبىر ورتاشا مەملەكەتتىڭ جىلدىق ەكونوميكالىق جالپى مولشەرىنە بارابار بولعان.
2023 - جىلى كۇردەلى دە قاتاڭ حالىقارالىق ورتا مەن ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، حالىق شارۋاشىلىعىنىڭ قالپىنا كەلۋى جاقسارىپ، ساپالى دامۋ تىڭعىلىقتى ىلگەرىلەپ، باستى مەجەلى نىسانالار تولىق جۇزەگە استى.
2023 - جىلعى جۇڭگونىڭ ەكونوميكالىق بەينەسىن مەملەكەتتىك ساناق مەكەمەسىنىڭ باستىعى كاڭ ي مىناداي ءتورت جاقتان جيناقتادى:
قايتا ورلەۋ جاقسارۋعا بەت الدى. ەكونوميكانىڭ ارتۋىنان قاراعاندا، 2023 - جىلى ەلىمىزدىڭ GDP ى 126 تريلليون يۋاننان اسىپ، ارتۋ قارقىنى 2022 - جىلداعىدان 2.2 پايىز تەزدەگەن. جۇمىستانۋدان قاراعاندا، جۇمىستانۋ جاعدايى جالپى جاقتان جاقسارىپ، تۇتاس جىلدا قالا - قالاشىقتا تەكسەرىلگەن جۇمىسسىزدىق شاماسىنىڭ ورتاشا ءمانى وتكەن جىلداعىدان 0.4 پايىز تومەندەگەن، اسىرەسە، شارۋا جۇمىسكەرلەردىڭ جۇمىستانۋ جاعدايىنىڭ جاقسارۋى ءبىرشاما كورنەكتى بولعان. زات باعاسىنان قاراعاندا، زات باعاسى جالپى جاقتان باياۋ ورلەگەن، تۇتاس جىلدا تۇرعىنداردىڭ تۇتىنۋ باعا كورسەتكىشى (CPI) %0.2، وزەكتى CPI %0.7 ارتقان. حالىقارالىق كىرىس - شىعىستان قاراعاندا، تۇتاس جىلدا زات ەكسپورتى %0.6 ارتىپ، جىل سوڭىندا شەتەل اقشاسى زاپاسى 3 تريلليون 200 ميلليارد دوللاردان اسقان.
ءتۇرى مول بولدى. جاڭالىق اشۋ ارقىلى دامۋعا دەم بەرۋ ستراتەگياسى ىشكەرىلەي اتقارىلىپ، جاڭالىق اشۋعا قوسىلىم ورنىقتى ارتتى. العاشقى مەجەگە قاراعاندا، 2023 - جىلى تۇتاس قوعامنىڭ زەرتتەۋ جانە تاجىريبە جاساۋ، دامىتۋ ( R&D ) قاراجات قوسىلىمى 3 تريلليون 327 ميلليارد 820 ميلليون يۋانعا، R&D قاراجات قوسىلىمىنىڭ كۇشەمەلىلىگى %2.64 كە جەتىپ، وتكەن جىلداعىدان 0.08 پايىز جوعارىلاعان. ەكونوميكالىق قۇرىلىم ساپالىلانىپ، دارەجەسى جوعارىلاپ، قىزمەت وتەۋ كاسىبى مەن تۇتىنۋدىڭ ەكونوميكالىق ارتۋداعى نەگىزگى قوزعالتقىشتىق رولى اناعۇرلىم كورنەكتىلەنگەن. 2023 - جىلى قىزمەت وتەۋ كاسىبىنىڭ ارتقان قۇنىنىڭ GDP داعى سالىستىرماسى %54.6 كە جەتىپ، وتكەن جىلداعىدان 1.2 پايىز جوعارىلاعان؛ ەڭ سوڭعى تۇتىنۋ شىعىسىنىڭ ەكونوميكانىڭ ارتۋىنا قوسقان ۇلەسى %82.5 كە جەتىپ، وتكەن جىلداعىدان 43.1 پايىز جوعارىلاعان. حاۋىپسىز دامۋ نەگىزى ونان ارى بەكەمدەلىپ، تۇتاس جىلدا استىق ءونىمى الدىڭعى جىلداعىدان %1.3 ارتقان، كولەمدەنگەن ونەركاسىپتىڭ كومىر ءونىمى %2.9، مۇناي ءونىمى %2، تابيعي گاز ءونىمى %5.8 ارتقان. جۇيەلىك حاۋىپ - قاتەر تۋىلماۋدىڭ تومەنگى شەگى ساقتالىپ، ەكونوميكا، فينانس حاۋىپسىزدىگىنە كەپىلدىك ەتىلىپ، حالىق تۇرمىسىن قامتاماسىزداندىرۋدىڭ اناعۇرلىم ءونىمدى بولۋىنا كەپىلدىك ەتىلىپ، بۇكىل ەلدەگى تۇرعىنداردىڭ كىسى باسىنا تۋرا كەلەتىن يگەرىلمەلى كىرىسى وتكەن جىلداعىدان %6.1 ارتقان.
اۋقىمى جاقسى بولدى. 2023 - جىلى ەلىمىزدىڭ %5.2 تىك ەكونوميكالىق ارتۋ قارقىنى دۇنيە جۇزىندەگى %3 اينالاسىنداعى مەجەلى ارتۋ قارقىنىنان جوعارى بولىپ، دۇنيە جۇزىندەگى نەگىزگى ەكونوميكالىق تۇلعالاردىڭ ىشىندە الدىڭعى قاتاردا تۇردى. جۇڭگو ەكونوميكاسىنىڭ 2023 - جىلى دۇنيە ءجۇزى ەكونوميكاسىنىڭ ارتۋىنا قوسقان ۇلەسى %30 تەن اسىپ، دۇنيە ءجۇزى ەكونوميكاسىنىڭ ارتۋىنداعى ەڭ ۇلكەن قوزعالتقىشقا اينالۋىنان ءۇمىت بار. دۇنيە جۇزىلىك ساۋدا تومەندەگەن جاعدايدا، ەلىمىزدىڭ ەكسپورتى شاعىن كولەمدە ارتىپ، دۇنيە جۇزىلىك بازارداعى ۇلەسى ورنىقتى بولدى.
ناتيجە وڭاي - وسپاق قولعا كەلگەن جوق. 2023 - جىلى دۇنيە ءجۇزى ەكونوميكاسى قۇلدىراپ، حالىقارالىق جاعداي كۇردەلى وزگەرىسكە ۇشىراپ، وڭىرلىك ساياسي قاقتىعىس ءجيى تۋىلىپ، سىرتقى ورتانىڭ كۇردەلىلىگى، قاتاڭدىعى، تۇراقسىزدىعى جوعارىلادى. ەل ىشىندە پەريودتىق، قۇرىلىمدىق قايشىلىقتار ءبىرشاما كوپ، جاراتىلىستىق اپاتتار ءجيى تۋىلۋدا. ”وسىنداي كۇردەلى جاعدايدا، مۇنداي دامۋ ناتيجەسىنە قول جەتكىزۋ ءتىپتى دە باعالى“. كاڭ ي مىنانى ءبىلدىردى: 2024 - جىلعا نازار سالساق، ەكونوميكانىڭ ونان ارى قايتا ورلەۋىن، جاقسارۋىن ىلگەرىلەتۋدە ءالى دە كەيبىر قيىنشىلىقتار مەن سىن - سايىستى جەڭۋگە تۋرا كەلەدى، ”ورتالىقتىڭ ەكونوميكالىق قىزمەت ءماجىلىسىنىڭ شەشىمدەرى، ورنالاستىرۋلارى بويىنشا، وسى قيىنشىلىقتارعا ءونىمدى توتەپ بەرىپ، وسى ماسەلەلەردى شەشىپ، جۇڭگو ەكونوميكاسىنىڭ ورنىقتى، باياندى دامۋىن ۇزدىكسىز ىلگەرىلەتۋ كەرەك“.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
