شي جينپيڭ بەيجيڭدە، حىبەيدە قىزمەت تەكسەرگەندە، بەيجيڭ 2022 - جىلعى قىسقى وليمپيادا سپورت جارىسىنىڭ جانە مۇگەدەكتەر قىسقى وليمپيادا سپورت جارىسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشقاندا مىنانى دارىپتەدى
سەنىمدى بەكەمدەپ، قايراتتانا ۇمتىلىپ، توتەنشە جوعارى تالاپ قويىپ، قيىنشىلىقتى جەڭىپ، بەيجيڭ قىسقى وليمپيادا سپورت جارىسىنىڭ جانە مۇگەدەكتەر قىسقى وليمپيادا سپورت جارىسىنىڭ دايىندىق قىزمەتىن بار كۇشپەن ويداعىداي ىستەۋ كەرەك
حان جىڭ مالىمەت بەرۋ ماجىلىسىنە قاتىناستى
2021.01.21 19:24 كەلۋ قاينارى : حالىق تورابى
«حالىق گازەتى»، 1 – ايدىڭ 20 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا بەيجيڭدە، حىبەيدە قىزمەت تەكسەرىپ، بەيجيڭ 2022 - جىلعى قىسقى وليمپيادا سپورت جارىسىنىڭ جانە مۇگەدەكتەر قىسقى وليمپيادا سپورت جارىسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ويداعىداي وتكىزۋ − پارتيا مەن مەملەكەتتىڭ ءىرى ءىسى، ءبىزدىڭ حالىقارالىق قوعامعا بەرگەن ايبىندى ۋادەمىز، بەيجيڭ قىسقى وليمپيادا سپورت جارىسىنا، مۇگەدەكتەر قىسقى وليمپيادا سپورت جارىسىنا دايىندالۋ قىزمەتىن ويداعىداي ىستەۋدىڭ بورىشى داڭقتى، ماڭىزى زور. سەنىمدى بەكەمدەپ، قايراتتانا ۇمتىلىپ، توتەنشە جوعارى تالاپ قويىپ، قيىنشىلىقتى جەڭىپ، جاڭا دامۋ ۇستانىمىن مۇقيات دايەكتىلەندىرىپ، وليمپيادا سپورت جارىسىن جاسىل، بىرگە يگىلىككە كەنەلەتىن، اشىق، پاك جارىس ەتىپ وتكىزۋ تالابىن دايىندىق قىزمەتىنىڭ تۇتاس بارىسىنا ءسىڭىرىپ، ءتۇرلى دايىندىق قىزمەتىن بار كۇشپەن ويداعىداي ىستەپ، دۇنيە ءجۇزى ءۇشىن وليمپيادا سپورت جارىسىن تارتىمدى، كەرەمەت، ەرەن تابىستى ەتىپ وتكىزۋگە قۇلشىنۋ كەرەك.
شي جينپيڭ بارلىق سپورتشىلارعا، جاتتىقتىرۋشىلارعا، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىق جۇمىستارىنا قاتىناسقان بارلىق قۇرىلىسشىلارعا، باسقارۋشىلارعا جانە قىزمەتكەرلەرگە وسكەلەڭ قۇرمەت ءبىلدىرىپ، شىن جۇرەكتەن العىس ايتىپ، كوپشىلىككە كوكتەم مەرەكەسى بايلانىسىمەن ىزگى تىلەك ءبىلدىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ مالىمەت بەرۋ ماجىلىسىنە قاتىناستى.
ءۇش توعىستىڭ باستالعان كەزى، سولتۇستىك جۇڭگونىڭ بايتاق دالاسى شايداي اشىق، تاۋلى ءوڭىر اق قارمەن قىمتالعان. 1 - ايدىڭ 18 - كۇنىنەن 19 - كۇنىنە دەيىن شي جينپيڭ جەكە - جەكە ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي مەن قالا باستىعى چىن جينيڭنىڭ، حىبەي ولكەلىك پارتكومنىڭ شۋجيى ۋاڭ دۇڭفىڭنىڭ سەرىك بولۋىندا قاقاعان ايازعا قاراماي ىلگەرىندى - كەيىندى حايديان، يانچيڭ، جاڭجياكوۋ سياقتى جەرلەرگە بارىپ، دەنەتاربيە الاڭى، جاتتىعۋ بازاسى، قاتىناس تورابى سياقتىلاردى ارالاپ، بەيجيڭ 2022 - جىلعى قىسقى وليمپيادا سپورت جارىسىنىڭ، مۇگەدەكتەر وليمپيادا سپورت جارىسىنىڭ دايىندىق جاعدايىن ناقتاپ ۇعىستى.
1 – ايدىڭ 18 - كۇنى تۇستەن بۇرىن شي جينپيڭ الدىمەن بەيجيڭ قالاسى حايديان رايونىنداعى استانا دەنەتاربيە سارايىنا كەلىپ، بەيجيڭ قىسقى وليمپيادا سپورت جارىسىنىڭ، مۇگەدەكتەر وليمپيادا سپورت جارىسىنىڭ دايىندىق قىزمەتىنىڭ جالپى جاعدايى، جارىسقا دايىندالۋ جانە بۇقارالىق قار - مۇز سپورتىنىڭ ورىستەتىلۋ جاعدايى جونىندەگى تانىستىرۋدى تىڭداپ، ءتۇرلى دايىندىق قىزمەتىندە قول جەتكەن ىلگەرىلەۋشىلىكتى تۇراقتاندىردى.
استانا دەنەتاربيە سارايى − ەل ىشىندەگى تۇڭعىش جاساندى بولمە مۇز الاڭى، كەڭەيتىپ سالۋ ارقىلى قىسقى وليمپيادا سپورت جارىسىنىڭ قىسقا ارالىققا تەز سىرعاناۋ جانە مانەرلەپ سىرعاناۋ جارىسىنىڭ جاتتىعۋ شارت - جاعدايى ازىرلەندى. شي جينپيڭ جاتتىعۋ الاڭىنىڭ شەتىنە بارىپ، الاڭ - سارايدى وزگەرتۋ جاعدايىن كورىپ، مەملەكەتتىك مانەرلەپ سىرعاناۋ قۇراماسىنداعى جانە قىسقا ارالىققا تەز سىرعاناۋ قۇراماسىنداعى سپورتشىلاردىڭ، جاتتىقتىرۋشىلاردىڭ ۋاكىلدەرىمەن ىقىلاسپەن اڭگىمەلەستى. شي جينپيڭ مىنالاردى اتاپ كورسەتتى: دەنەتاربيەدە قۇدىرەتتى ەل قۇرۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى نىسانالارىنىڭ ءبىرى. دەنەتاربيەدە قۇدىرەتتى ەل بولۋدىڭ نەگىزى بۇقارالىق دەنەتاربيەدە. بەيجيڭ قىسقى وليمپياداسىن، مۇگەدەكتەر قىسقى وليمپياداسىن وتكىزۋ ارقىلى ەلىمىزدىڭ قار - مۇز سپورتىنىڭ قارىشتاپ دامۋىن ىلگەرىلەتىپ، كەم - كەتىكتى تولىقتاپ، ءالسىز تۇرلەردى كۇشەيتىپ، باسەكەلىك دەنەتاربيەدە قۋاتتى بولۋ، بۇقارالىق دەنەتاربيەدە ءالسىز بولۋ جانە «جازعى جارىستا كۇشتى، قىسقى جارىستا ءالسىز بولۋ»، «مۇز جارىسىندا كۇشتى، قار جارىسىندا ءالسىز بولۋ» ماسەلەسىن بىرتىندەپ شەشىپ، جاڭا داۋىردەگى دەنەتاربيە ىستەرىنىڭ ساپالى دامۋىن ىلگەرىلەتۋ كەرەك. وسى زامانعى باسەكەلىك دەنەتاربيە ورەسىن جوعارىلاتۋدا ءارى قابىلەتكە، ءارى تەحنيكاعا سۇيەنۋ كەرەك. سپورتشىلار وتانعا داڭق اپەرەتىن، تاماشا ناتيجە جاراتاتىن جىگەرمەن جازعى جاتتىعۋدى كۇشەيتىپ، قىسقى جاتتىعۋدى ءتىپتى دە كۇشەيتىپ، تەحنيكالىق جاڭالىق جاراتۋعا دەن قويىپ، شەتەلدىڭ وزىق ۇستانىمى مەن تەحنيكاسىن ۇيرەنىپ جانە ودان ۇلگى الىپ، جاتتىعۋ جانە جارىس ورەسىن ۇزدىكسىز جوعارىلاتۋى كەرەك.
1 – ايدىڭ 18 - كۇنى تۇستەن كەيىن شي جينپيڭ بەيجيڭ قالاسى يانچيڭ رايونىنداعى مەملەكەتتىك بيىك تاۋ قار شاڭعى ورتالىعىنا كەلىپ تەكسەرۋ - زەرتتەۋ جۇرگىزدى. مەملەكەتتىك بيىك تاۋ قار شاڭعى ورتالىعىندا 7 قار شاڭعى جولى جوبالاپ سالىنعان، جارىس كەزىندە بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ بيىك تاۋ قار شاڭعى نىسانىنىڭ بارلىق جارىسىن وتكىزەدى. شي جينپيڭ اسپا كولىككە وتىرىپ قار جولىنىڭ ورتاسىنداعى تەكشەگە بارىپ، مەملەكەتتىك بيىك تاۋ قار شاڭعى ورتالىعىنىڭ قۇرىلىس جاعدايىن ۇعىستى. شي جينپيڭ مىنالاردى دارىپتەدى: وليمپيادا سپورت جارىسىن جاسىل ۇلگىدە وتكىزۋ ۇستانىمىن كورنەكتىلەندىرىپ، دەنەتاربيە ىستەرىن دامىتۋدى ەكولوگيالىق وركەنيەت قۇرىلىسىن جەبەۋمەن ۇشتاستىرىپ، دەنەتاربيە قۇرىلعىلارىن جاراتىلىستىق كورىنىستەرمەن، جاراسىمدىلىقپەن توعىستىرىپ، ادامداردىڭ قار - مۇز سپورتىنىڭ شەكسىز باۋراعىشتىعىنان بارىنشا يگىلىكتەنۋىنە، سونداي - اق ۇلى تابيعاتتىڭ ەكولوگيالىق كوركەمدىگىنەن بارىنشا يگىلىكتەنۋىنە كەپىلدىك ەتۋ كەرەك.
باسەكەنىڭ اياقتاۋ رايونىندا شي جينپيڭ ورتالىق قورعانۋ تورىن ورناتۋ، قار جولىن شارلاۋ، سپورتشىلارعا قاراتا قۇتقارۋ – كومەكتەسۋ ىستەرىن ۇيىمداستىرۋ سياقتى جارىس الاڭىن قامتاماسىز ەتۋ قىزمەتىنىڭ كورسەتپە تاقتاسىن جانە بيىك تاۋ قار شاڭعى سپورتىنىڭ جاتتىعۋ جاعدايىن كوردى. شي جينپيڭ مىنالاردى اتاپ كورسەتتى: حاۋىپسىزدىك − كەلەلى سپورت جارىستارىندا، ءسوز جوق، تاباندى بولۋعا ءتيىستى تومەنگى شەك. بيىك تاۋدا قار شاڭعى تەبۋ − «ەرجۇرەك ادامداردىڭ سپورتى»، ءار جاقتىڭ حاۋىپسىزدىگىن قامتاماسىز ەتۋدى كۇشەيتىپ، باسقارۋ ۇجىمى، قۇتقارۋ كۇشى جانە قۇرىلعىلاردى قورعاۋ قوسىنى قۇرىلىسىن مىقتى يگەرىپ، ىندەتتەن ساقتانۋ، ورتتەن ساقتانۋ، شىرعالاڭنان ساقتانۋ سياقتى حاۋىپ - قاتەردەن ساقتانۋ شارالارىن كەمەلدەندىرىپ، شۇعىل جاعدايعا توتەپ بەرۋ جاتتىعۋىن كۇشەيتىپ، ەشقانداي اعاتتىق جىبەرمەۋگە كەپىلدىك ەتۋ كەرەك. كوپشىلىكتىڭ عىلمي جاتتىعۋ جاساپ، حاۋىپسىزدىككە نازار اۋدارىپ، دەنساۋلىعىنا كوڭىل ءبولىپ، دەڭگەيىن جوعارىلاتىپ، ىرگەدە جارىسقا قاتىناسۋ ابزالدىعىن ساۋلەلەندىرىپ، بيىك تاۋ قار شاڭعى نىساندارىندا مەدال الا الماۋ تاريحىن اياقتاتۋعا قۇلشىنۋىن ءۇمىت ەتەمىن.
وسىدان كەيىن شي جينپيڭ مەملەكەتتىك قار ماشيناسى، قار شاناسى ورتالىعىنا بارىپ، جارىس جولىنىڭ جولعا شىعۋ رايونىن، اياقتاۋ رايونىن ارالاپ، قار ماشيناسى، قار شاناسى سپورتشىلارىنىڭ جولعا شىعۋدان اتويلاپ ۇمتىلۋعا دەيىنگى تولىق جاتتىعۋ بارىسىن كوردى. مەملەكەتتىك قار ماشيناسى، قار شاناسى كومانداسىنىڭ سپورتشىلارى، جۇڭگولىق، شەتەلدىك جاتتىقتىرۋشىلار جانە يانچيڭ جارىس رايونىنىڭ اينالىمىن قامتاماسىز ەتۋ توبىنىڭ، قۇرىلىسشىلاردىڭ ۋاكىلدەرى باس شۋجيگە اسقاق ۇنمەن امانداستى. شي جينپيڭ كوپشىلىكتەن حال سۇراپ، كوپشىلىكتى قاجىرلىلىقپەن جاتتىعىپ، ەڭبەك پەن دەمالىستى ۇشتاستىرۋعا شابىتتاندىردى. شي جينپيڭ مىنالاردى دارىپتەدى: ەلىمىزدىڭ قار - مۇز سپورتىنىڭ قارىشتاپ دامۋىن ىلگەرىلەتۋ − ەكىنشى 100 جىلدىق كۇرەس نىساناسىن جۇزەگە اسىرۋدىڭ ماڭىزدى قۇرامداس بولىگى، سونداي - اق قالىڭ قار - مۇز سپورتشىلارىنا تاپتىرماس ءومىر ورايىن ازىرلەدى. قازىر ەلىمىزدە ىندەتتىڭ سىرتتان كىرۋىنەن، ىشكى جاقتا قايتادان بەلەڭ الۋىنان ساقتاۋ قىسىمى ءالى دە زور، ىندەتتەن ساقتانۋ - تىزگىندەۋ سىندى وسى ارقاۋدى باستان - اياق مىقتاپ شيراتىپ، ىندەتتەن ساقتانۋ – تىزگىندەۋدەگى ءتۇرلى شارانى قاتاڭ اتقارىپ، تۇتاس بارىس بويىنشا جابىق باسقارۋ ءتارتىبىن ساپالىلاندىرىپ، حاۋىپسىزدىككە كەپىلدىك ەتۋ كەرەك.
بەيجيڭ - جاڭجياكوۋ جوعارى قارقىندىق تەمىر جولىنىڭ تايزىچىڭ بەكەتى جاڭجياكوۋ جارىس رايونىنىڭ وزەكتى رايونىنا ورنالاسقان، دۇنيە ءجۇزى بويىنشا وليمپيادا جارىس الاڭىنا توتە تۇتاساتىن تۇڭعىش جوعارى قارقىندىق تەمىر جول بەكەتى، ءبىر جىلدىڭ الدىندا رەسمي ىسكە قوسىلعان. 1 - ايدىڭ 19 - كۇنى شي جينپيڭ پويەزبەن بەيجيڭ - جاڭجياكوۋ جوعارى قارقىندىق تەمىر جولىن بويلاپ تايزىچىڭ بەكەتىنە بارىپ، ۆوكزالدىڭ سپورتشىلارعا قىزمەت وتەۋ زالىنا كىرىپ، قۇم تاقتا ارقىلى بەيجيڭ - جاڭجياكوۋ جوعارى قارقىندىق تەمىر جولىنىڭ جانە تايزىچىڭ بەكەتىنىڭ سارا ينجەنەريا سالۋ، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قامتاماسىزداندىرۋعا قىزمەت وتەۋ جاعدايلارىن ۇعىستى. شي جينپيڭ مىنالاردى دارىپتەدى: بەيجيڭ - جاڭجياكوۋ جوعارى قارقىندىق تەمىر جولى ءۇش ۇلكەن جارىس رايونىن تۇتاستىرۋ سىندى اۋىر مىندەتتى ارقالاپ وتىر، اينالىس جاعىنان قىزمەت وتەۋ، تەحنيكالىق قامتاماسىز ەتۋ، حاۋىپسىزدىكتى قامتاماسىز ەتۋ سياقتى سىناقتاردى جەدەل ورىستەتىپ، ولقىلىقتاردى دەر كەزىندە بايقاپ، ساڭلاۋلاردى بىتەپ، دالمە - ءدال، ەگجەي - تەگجەيلى باسقارۋ جانە قىزمەت وتەۋ دەڭگەيىن جوعارىلاتىپ، قىسقى وليمپيادا سپورت جارىسى كەزىندەگى حاۋىپسىز، جوعارى ءونىمدى اينالىم ءۇشىن تاجىريبە توپتاپ، تولىق دايىندىق جاساۋ كەرەك.
تايزىچىڭ بەكەتىنەن اتتانعاننان كەيىن شي جينپيڭ مەملەكەتتىك تەكشەدەن سەكىرىپ قاردا سىرعاناۋ ورتالىعىنا كەلىپ قىزمەت تەكسەرىپ، زەرتتەۋ جۇرگىزدى. مەملەكەتتىك تەكشەدەن سەكىرىپ قاردا سىرعاناۋ ورتالىعى − ەلىمىزدەگى تۇڭعىش تەكشەدەن سەكىرىپ قاردا سىرعاناۋدى نەگىزگى قولدانىس جولى ەتكەن سپورت سارايى، نەگىزگى قۇرىلىستى جوبالاۋدا جۇڭگونىڭ ءداستۇرلى اشەكەي بۇيىمى «جوتا قاسىعىشتان» شابىت الىنعان. شي جينپيڭ مەملەكەتتىك تەكشەدەن سەكىرىپ قاردا سىرعاناۋ ورتالىعىنىڭ ەڭ ۇستىڭگى دالىزىنە شىعىپ، جاڭجياكوۋ جارىس رايونىنىڭ جالپى تۇلعالىق قۇرىلىس جاعدايى جونىندەگى تانىستىرۋدى تىڭداپ، جاڭجياكوۋ جارىس رايونىنداعى بايىرعى تەرەك الاڭ - سارايلارىنىڭ جالپى بەت - بەينەسىن كوردى، ىلە - شالا تەكشەدەن سەكىرىپ قاردا سىرعاناۋدىڭ اياقتاۋ رايونىنا بارىپ، تەكشەدەن سەكىرىپ قاردا سىرعاناۋ سپورتشىلارىنىڭ جاتتىعۋ، ۇلگى كورسەتۋ جاعدايىن كوردى. شي جينپيڭ مىنالاردى اتاپ كورسەتتى: بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وزگەرتۋ قۇرىلىسى كوپتەگەن جۇڭگو فاكتورىمەن توعىسىپ، مادەنيەت سەنىمىمىزدى ايگىلەدى. ءبىز قىسقى وليمپيادا جينالىسىن سالتاناتتى وتكىزۋمەن بىرگە، وزىندىك ەرەكشەلىكتى ايگىلەۋىمىز، تارتىمدى، ەلدەن ەرەك جارىس وتكىزۋىمىز كەرەك.
مەملەكەتتىك قىسقى سپورت جارىسىنىڭ 2 ءتۇر ورتالىعىنداعى تاماشالاۋ تەكشەسىندە شي جينپيڭ قىسقى سپورت جارىسىنىڭ 2 ءتۇرى − دالالىق شاڭعى تەبۋ جانە نىسانا اتۋ سپورتشىلارىنىڭ كۇش جالعاپ جاتتىعۋ جاعدايىن كوردى، سونداي - اق مەملەكەتتىك قىسقى سپورت جارىسىنىڭ 2 تۇرىندەگى، تەكشەدەن سەكىرىپ قاردا سىرعاناۋ اترەتىندەگى سپورتشىلاردان، جاتتىقتىرۋشىلاردان جانە جاڭجياكوۋ جارىس رايونىنىڭ اينالىمىن قامتاماسىز ەتۋ ۇيىرمەسىندەگىلەردەن، قۇرىلىسشىلاردىڭ ۋاكىلدەرىنەن حال سۇرادى. شي جينپيڭ كوپشىلىككە ىقىلاسپەن بىلاي دەدى: مەن وسى رەت بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىق جاعدايىن تەكسەرگەلى كەلدىم، سونداي - اق سيىر جىلعى كوكتەم مەرەكەسى بايلانىسىمەن كوپشىلىككە امانداسا كەلدىم. كوپشىلىك ءبىر كەزەكتى قىسقى وليمپيادا سپورت جارىسىن تابىستى وتكىزۋ جولىندا قۇلشىنۋدا، سپورتشىلار قاجىرلىلىقپەن جاتتىعۋدا، قۇرىلىس ورىندارى مەن قۇرىلىسشىلار، قامتاماسىزداندىرۋ ۇيىرمەلەرى شوگەلدىكپەن ىستەپ، دۇنيە ءجۇزى بويىنشا ماڭداي الدى ورىندا تۇراتىن ءبىر توپ سارا ينجەنەريا جاراتتى، كوپشىلىكتىڭ كۇرەس رۋحى، ۇلەس قوسۋ رۋحى كىسىنى اسەرلەندىرەدى. شي جينپيڭ مىنالاردى دارىپتەدى: بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ بارلىق الاڭ - سارايلارى قۇرىلىسى ءبىر جىل بۇرىن سالىنىپ بولدى، ەلىمىزدىڭ كوپتەگەن قار - مۇز نىسانى 2 جىلدان استام ۋاقىتتا جوقتان بار بولدى، كەيبىر نىساندار دۇنيە ءجۇزىنىڭ وزىق دەڭگەيىنە جەتتى، بۇل پارتيانىڭ باسشىلىعى مەن بۇكىل ەل جۇمىلىپ، كۇشتى شوعىرلاندىرا وتىرىپ ءىرى ىستەردى ىستەۋ تۇزىمدىك ابزالدىعىن تولىق ايگىلەدى.1 – ايدىڭ 20 – كۇنى تۇستەن بۇرىن شي جينپيڭ حالىق سارايىندا بەيجيڭ 2022 - جىلعى قىسقى وليمپيادا سپورت جارىسى مەن مۇگەدەكتەر وليمپيادا سپورت جارىسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشتى. بەيجيڭ قالالىق پارتكومنىڭ شۋجيى ساي چي، حىبەي ولكەلىك پارتكومنىڭ شۋجيى ۋاڭ دۇڭفىڭ، مەملەكەتتىك دەنەتاربيە باس مەكەمەسىنىڭ باستىعى گوۋ جۇڭۋىن، جۇڭگو مۇگەدەكتەر بىرلەستىگىنىڭ ءتوراعاسى جاڭ حايدي ىلگەرىندى - كەيىندى ءسوز سويلەپ، دايىندىق جاعدايىنان مالىمەت بەردى ءارى كەلەسى قادامداعى قىزمەت جونىندە ۇسىنىس - پىكىر بەردى.كوپشىلىكتىڭ لەبىزىن تىڭداعان سوڭ شي جينپيڭ ماڭىزدى ءسوز سويلەدى. ول مىنالاردى دارىپتەدى: بەيجيڭ قىسقى وليمپياداسى، مۇگەدەكتەر قىسقى وليمپياداسى − ەلىمىزدىڭ «14 – بەسجىلدىقتىڭ» العاشقى كەزىندە وتكىزەتىن ماڭىزدى بوگەنايلىق قيمىلى. بەيجيڭ قىسقى وليمپياداسىن، مۇگەدەكتەر قىسقى وليمپياداسىن وتكىزۋدىڭ كەلەلى ءمانىن جەتە تانىپ، دايىندىق قىزمەتىن جاقسى ىستەۋدەگى جاۋاپكەرلىك سەزىمىن، بورىشتىلىق سەزىمىن، كوكەي تەستىلىك سەزىمىن كۇشەيتۋ كەرەك.شي جينپيڭ بىلاي دەپ اتاپ كورسەتتى: 5 جىلدان بەرى قىسقى وليمپيادا سپورت جارىسىنا باسشىلىق ەتۋ گرۋپپاسىنىڭ ءبىر تۇتاس قولباسشىلىعىندا، قىسقى وليمپيادا سپورت جارىسىن ۇيىمداستىرۋ كوميتەتى ناقتى ۇيىمداستىرىپ، ءار جاق تىزە قوسا سەلبەسىپ، حالىقارالىق دەنەتاربيە ۇيىمدارىمەن تىعىز سايكەسىپ، ءتۇرلى دايىندىق قىزمەتىن ويداعىداي ىستەپ، قاناعاتتانارلىقتاي تابىستارعا قول جەتكىزدى. سونىمەن بىرگە، ءسوز جوق، ەرتە باستان قامدانىپ، عىلمي تۇجىرىم جاساپ، جوبا جاساپ، قىزمەتتى كۇشەيتۋ كەرەك. ءتۇرلى دايىندىق قىزمەتىن توتەنشە جوعارى تالاپ قويىپ ويداعىداي ىستەپ، جاڭا جاعدايمەن ۇشتاستىرىپ، ءتۇرلى قىزمەتتى قايتادان جوبالاپ، رەتتەپ، دايىندىق قىزمەتىنىڭ ءتۇيىنىن ىندەتتەن ساقتانۋ - تىزگىندەۋ جانە جارىس ىستەرىن ويداعىداي ۇيىمداستىرۋ جاعىنا شىن مانىندە قويۋ كەرەك. «قاراپايىم، حاۋىپسىز، تارتىمدى» جارىس وتكىزۋ تالابىن كورنەكتىلەندىرىپ، ءتۇرلى حاۋىپ - قاتەردەن جاپپاي ساقتانىپ جانە ونى شەشىپ، جارىس ۇيىمداستىرۋ، جارىس ىستەرىنە قىزمەت وتەۋ، عىلىم - تەحنيكا قولدانىسى، مادەنيەت قيمىلدارى سياقتى دايىندىق قىزمەتىن دەن قويا جاقسى ىستەپ، ىندەتتىڭ حاۋىپ - قاتەرىن مۇمكىندىكتىڭ بارىنشا ازايتۋ كەرەك.
شي جينپيڭ مىنالاردى دارىپتەدى: بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىق جۇمىستارى شەشۋشى كەزەڭگە ءوتتى، جارىستى ۋاعىندا وتكىزۋ نىساناسىن ارقاۋ ەتىپ، ءتۇرلى قىزمەتتىڭ تياناقتانۋىن جاپپاي سالالاۋ جانە شىن مانىندە ويداعىداي يگەرۋ كەرەك. ءبىرىنشى، الاڭ - سارايلار قۇرىلىسى مەن باسقارۋدى ويداعىداي ىستەپ، الاڭ - سارايلار مەن قۇرىلعى - جابدىقتاردى ولشەم بويىنشا كەمەلدەندىرىپ، جارىسقا جاتپايتىن الاڭ - سارايلار قۇرىلىسىن ۋاعىندا ورىنداپ، ءتۇرلى سايكەستى قۇرىلعىلار مەن بوگەتسىز ورتا قۇرىلىسىن قاتار ىلگەرىلەتىپ، ءتۇرلى كورمە سارايلارىنداعى ىندەتكە بايلانىستى تەكسەرۋ، اۋاشالاۋ، شۇعىل ءبىر جاقتى ەتۋ قۇرىلعىلارىن باعىتتامالى تۇردە ارتتىرىپ، الاڭ - سارايلاردىڭ اينالىمىن باسقارۋ قىزمەتىن ويداعىداي ىستەپ، جارىس الدىنداعى ءتۇرلى سىناق قيمىلدارىن ويداعىداي يگەرۋ كەرەك. ەكىنشى، جارىس كەزىندەگى اينالىم قىزمەتىن جاقسى ىستەپ، جارىس كەزىندەگى جوعارى ءونىمدى، پارمەندى اينالىم قولباسشىلىق جۇيەسىن ورناتىپ، ءوڭىر، سالا اتتاعان قولباسشىلىق ەتۋ، ورنالاستىرۋ جانە شۇعىل جاعدايعا توتەپ بەرۋ، قامتاماسىز ەتۋ قۋاتىن جوعارىلاتىپ، جارىس كەزىندەگى اينالىمنىڭ حاۋىپسىز، جوعارى ءونىمدى بولۋىنا كەپىلدىك ەتۋ كەرەك. ءۇشىنشى، جارىستىڭ قىزمەت وتەۋىن قامتاماسىز ەتۋدى ىلگەرىلەتىپ، «ءۇش جارىس رايونى، ءبىر ولشەم» پرينسيبى بويىنشا، جاتاق، اس - سۋ، قاتىناس، ەمدەۋ، حاۋىپسىزدىكتى قورعاۋ سياقتى ءتۇرلى جارىس قىزمەتتەرىنە قىزمەت وتەۋ، قامتاماسىز ەتۋ قىزمەتىن جاپپاي جاقسى ىستەۋ كەرەك. ءتورتىنشى، حالىقارالىق وليمپيادا كوميتەتى سياقتى حالىقارالىق دەنەتاربيە ۇيىمدارىمەن اۋىس - كۇيىستى، سەلبەستىكتى كۇشەيتىپ، ىندەتتەن ساقتانۋ - تىزگىندەۋدىڭ ءتۇرلى شارالارىن قاتاڭ تياناقتاندىرىپ، جاتتىعۋدى كۇشەيتىپ، ويداعىداي قامتاماسىز ەتۋ كەرەك. بەسىنشى، قار - مۇز سپورتىنىڭ دامۋ دەڭگەيىن جوعارىلاتىپ، ساياساتتىق جەتەكتەۋدى جانە سۇيەمەلدەۋدى كۇشەيتىپ، ءتىپتى دە كوپ جاستار مەن ورەندەردى قار - مۇز سپورتىنا ات سالىسۋعا شابىتتاندىرىپ، ءتىپتى دە كوپ بۇقارانى مۇز الاڭىنا، قار الاڭىنا بارۋعا جەتەكتەۋ كەرەك. التىنشى، بەيجيڭ - تيانجين - حىبەيدىڭ سايكەستى دامۋىن ىلگەرىلەتىپ، قاتىناس، ورتا، كاسىپ، الەۋمەتتىك قىزمەت وتەۋ سياقتى سالالاردا اناعۇرلىم مول تابىسقا قول جەتكىزۋگە قۇلشىنۋ كەرەك. قىسقى وليمپيادا الاڭ - سارايلارىنان جارىستان كەيىنگى پايدالانۋدى بەلسەنە جوسپارلاپ، كەلەلى جارىس وتكىزۋدى جالپى حالىقتىق دەنە شىنىقتىرۋعا قىزمەت وتەۋمەن ۇشتاستىرىپ، بەيجيڭ - جاڭجياكوۋ دەنەتاربيە مادەنيەت - ساياحات بەلدەۋىن قۇرۋدى جەدەلدەتۋ كەرەك.شي جينپيڭ بىلاي دەپ اتاپ كورسەتتى: قىسقى وليمپيادا سپورت جارىسىنا باسشىلىق ەتۋ گرۋپپاسى ءبىر تۇتاس ورنالاستىرۋدى كۇشەيتىپ، دايىندىق قىزمەتىندە جولىققان كەلەلى ماسەلەلەردى دەر كەزىندە اقىلداسىپ شەشۋى كەرەك. مۇشە ورىندار قىزمەت جاۋاپكەرلىگىن اتقارىپ، ءتۇرلى قىزمەت مىندەتتەرىن جوعارى ساپامەن ورىنداۋى كەرەك. ارناۋلى سايكەستىرۋ گرۋپپالارى جاۋاپكەرلىكتى ىرىقتىلىقپەن ارقالاپ، سايكەسۋدى كۇشەيتىپ، رايون، تاراۋ، دارەجە اتتاعان ءتۇيىندى، قيىن ماسەلەلەردى ءبىر تۇتاس ويداعىداي شەشۋى كەرەك. بەيجيڭ قالاسى، حىبەي ولكەسى وتكىزۋشى جەر رەتىندەگى جاۋاپكەرلىگىن تياناقتاندىرىپ، ءتۇرلى مىندەتتەردى ۋاعىندا، ساپالى ورىنداۋى كەرەك. بەيجيڭ قىسقى وليمپيادا سپورت جارىسىن ۇيىمداستىرۋ كوميتەتى قىزمەت جاۋاپكەرلىگىن اناعۇرلىم ويداعىداي اتقارىپ، ءتۇرلى ەرەجە - تۇزىمدەردى قاتاڭ اتقارىپ، مەجە ەسەپ باسقارۋدى قاتايتىپ، وليمپيادا سپورت جارىسىن وتكىزۋدىڭ وزىندىك قۇنىن تىزگىندەپ، ۇقىپتى، ۇنەمشىل بولىپ، جەمقورلىقتى تيىپ، بەيجيڭ قىسقى وليمپيادا سپورت جارىسىنىڭ، مۇگەدەكتەر وليمپياداسىنىڭ قار - مۇز سياقتى تازا، كىرشىكسىز بولۋىنا مۇمكىندىك جاساۋى كەرەك.
حان جىڭ مىنانى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، ءتۇسىنىپ، سەنىمدى بەكەمدەپ، تۇراقتىلىقتى ساقتاپ، «قاراپايىم، حاۋىپسىز، تارتىمدى» جارىس وتكىزۋ تالابىن ويداعىداي دايەكتىلەندىرىپ، تياناقتاندىرىپ، جارىستى ۋاعىندا وتكىزۋ نىساناسىنا قاراي نىق قاداممەن العا باسۋ كەرەك. ءتۇرلى دايىندىق قىزمەتىن تيتتەي دە بوساڭسىماي ويداعىداي يگەرىپ، الاڭ - سارايلار قۇرىلىسى، جارىس كەزىندەگى اينالىم، جارىس قىزمەتىنە قىزمەت وتەۋدى قامتاماسىز ەتۋ، قىسقى وليمپيادا سپورت جارىسىنا دايىندالۋ سياقتى ءتۇيىندى مىندەتتەردى تىڭعىلىقتى، ءتارتىپتى ىلگەرىلەتۋ كەرەك. حاۋىپسىزدىكتىڭ تومەنگى شەگىن باتىل ساقتاپ، ىندەتتەن ساقتانۋ - تىزگىندەۋدى ماڭداي الدى ورىنعا قويىپ، ءتۇرلى حاۋىپ - قاتەر مەن سىن - سايىسقا باعىتتاي وتىرىپ، قىزمەت جوباسى مەن دايىندىق جوباسىن كەمەلدەندىرىپ، ۇتىمدى توتەپ بەرۋ شارالارىن قولدانىپ، تيتتەي دە اعاتتىق جىبەرمەۋگە كەپىلدىك ەتۋ كەرەك. جارىستى ۇنەمشىلدىكپەن وتكىزۋ قىزمەتىن ويداعىداي ىستەپ، ءىس جۇزىندىكتى شىعار ءتۇيىن ەتىپ، قاجەتسىز بۋىنداردى، قيمىلداردى جانە قىزمەتكەرلەر سانىن ىقشامداپ، قاتىستى شارالاردى ەگجەي - تەگجەيلى كەمەلدەندىرۋ كەرەك. ءتۇرلى سىناق قيمىلدارىن يكەمدى ورنالاستىرىپ، دايىندىق قىزمەتىن جاپپاي تەكسەرۋ نەگىزىندە ساپالىلاندىرۋ، كەمەلدەندىرۋ كەرەك. سايكەسۋدى، سەلبەسۋدى كۇشەيتىپ، جاۋاپكەرلىكتى ىرىقتىلىقپەن تياناقتاندىرىپ، قىزمەتتىڭ بىرىككەن كۇشىن قالىپتاستىرىپ، ءتۇرلى دايىندىق مىندەتتەرىن جۇمىلا وتىرىپ ويداعىداي ورىنداۋ كەرەك.
ديڭ شۋەشياڭ قىزمەت تەكسەرۋدە بىرگە بولدى ءارى مالىمەت بەرۋ ماجىلىسىنە قاتىناستى، سۇن چۇنلان، حى ليفىڭ مالىمەت بەرۋ ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى ولكە، قالالارداعى جاۋاپتى جولداستار قاتىستى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
